الموضوع: محتاج كاوتش ومحتاج مساعدة من خبرا ومجربين .

السلام عليكم ورحمة الله وبركاته

اخباركوا ايه يا جماعة.اتمنى الكل يكون بخير بامر الله.

عندى استفسار لاننى واقع فى حيرة.

محتاج اغير الكاوتش لان اللى عندى بدا يشقق (وده الكومهو الصينى اللى نازل مع العربية-عمره تقريبا سنتين ).

اودامى اختيارين :

1- BridgeStone My-01 : ميزته انه كاوتش رياضى ويعيبه الصوت ومش قادر اعرف صوته مزعج يعنى ولا ايه؟

نقشته شجرة فيقال انها افضل فى الفرامل والثبات على سرعات فى ملفات ويعيبه انه ناشف شوية وده بيرجع لانه رياضى وبرده مش فاهم ايه العلاقة وسعره فى حدود 400-425 وصناعة تايلاندى.

2-BridgeStone GR90 : ميزته انه طرى وده كويس لعفشة النيو اكسنت الناشفة ونقشته مصممة لطرد المياه من على حروف الكاوتش فى المطر او لو مياه على الارض فثباته اعلى على سطح املس.

الكاوتش معدوم الصوت وصناعة يابانى وسعره ما بين 550-565 .

مع العلم اننى بجرى احيانا فى الطرق المفتوحة .

قولولى ايه رايكوا لاننى من النوع اللى بيقلق بسرعة وخصوصا لو الموضوع كاوتش.وربنا يسترها على الجميع.