الموضوع: رايكم من فضلكم في bmw x1 zero

المشاركة الأصلية كتبت بواسطة medooomdm

ألسلام عليكم ورحمة الله وبركاته
اخواني الكرام اتمني الجميع بخير واتمني الاقي المساعده كالعاده من المنتدي الغالي

انا معايا اوبل فيكترا موديل 99 1600 سي سي

العربية باسمي وناوي اشتري
(مبروك مقدما والبي ام بي ام طبعا )

bmwx1
اول هام سمعت انه في المرور الان ماينفعش ارخص مرتين او ادفع حاجة اسمها ضريبة ترفيهيه

رجاء لو حد يعرف عنها حاجة يقولنا ولو هي تخص الموديل او الماتور رجاء اعلامي بمبلغ المطلوب في حالة العربيتين الي ذكرتهم
(انا اول مره اسمع عن موضوع انك مينفعش ترخص عربيتين باسمك انا معايا 2 ووالدي معاه 2 وعادي والضريبه تقريبا 25 مش فاكر )

ثاني هام ان شاء الله انا فكرت كثير في
BMW X1
عاوز اعرف الامكانيات بتاعتها من جوا لاني شايف فيها شاشه في التابلوه وكل موقع بيقول عنها اقاويل ومش لاقي حاجة ثابته فرجاء حد يقولنا الامكانيات الي فيها ايه بالظبط
من جي بي اس
كاميرا
كمبيوتر تاتش
تحكم في الكاسيت والتكيف
يعني الي عندكم عنها قولولي عليه الله يكرمكم
(ممكن تدخل علة موقع العربيه http://www.bmw-egypt.com/eg/en/newvehicles/x1/x1/2009/introduction.html
في Downloads في الشمال هتلاقي اول فايل نزلوا هيفتح ببرنامج الادوب اكروبات - فيه كل حاجه حتى السعر )

الامر الاخير واسف اني بطيل عليكم
اذا حبيت اشتري العربية زيرو في معرض معين اتجه ليه ولا كله واحد؟
(نصيحه من اخ اعمل زيي انا كنت عاوز اجيب 320 -2010 موديل سنتها زيرو يعني لقيتها ب 350 الف واحد مصحني اشوف قسم الستعمل في التوكيل وفعلا رحت وعينك ماتشوف الا النو كل العربيات اللي واقفه جديده عامله 3 او 4 الاف كيلو بالكتير وتمنها اققل حوالي 55 الف ونفس ضمان الجديده وكمان كانت مترخصه لمديرين البافاريه يعني هخدها بجواب المرور كاني برخص جديد ومفيش نقل ملكيه ولاغيره وكمان كان مدفوع سنه ضريبه - فتوكلت على الله يعني انا اشتريتها في 9-2010 وهيا كانت مترخصه 7-2010 عامله 3 الاف كيلو فانصحك تشوف الموضوع ده جدا جدا لان اول خساره كبيره في البي ام ودي سيايه التوكيل يعني تجيبها تلاقيه بيبعها كسر زيرو ب 280 وهيا ب 335 انتا اولا بالفرق ده)
وايه اخبار التامين الشامل عليها وفي حدود كام تبع شركة ايه؟

(انا مامنتش عليها لاني مسافر علطول بس هما ممكن يامنوا عندهم تبع البافاريه معرفش بكام دلوقتي )
على فكره الشاشه دي حاجه اسمها ال I DRIVR ودي بتتحكم في كل حاجه تعرضلك كل حاجه في العربيه مواعيد الصيانه والكاسيت والتكييف وفي في موديلات زي 320 و 318و 330 بتيجي فيها تلفزيون بيشتغل لما العربيه تبقى واقفه )

انا ااااسف جدا في الاطالة و شاكر للموقع والاعضاء جدا

شرفت وبالتوفيق

المشاركة الأصلية كتبت بواسطة medooomdm

اولا انا بشكر حضرتك كل الشكر علي الرد السريع
والاكثر من رائع
وكنت حابب استفسر عن مكان التوكيل وعنوانه ولو في ارقام تليفونات من فضلك
(التوكيل اسمه البافاريه على الدائري وانتا متجه للتجمه هتلاقيه قبل نزله طريق السخنه- الصاله اللي بيبع فيها مستعمل في نزله طريق السخنه تاخد الوصله بتاعت مدينه نصر اللي بتعدي تحت الدائري وفي اتجاه مدينه نصر - رقمهم 19269)
ويريت لو حد يعرف حاجة عن رينج التامين واسعار قطع الغيار للعربية دي تعرفها منين برضه
انا حاسس ان البي ام دي عالم تاني غير اي عربية

معرفش بصراحه

في كمان معرض ليه في طريق مصر اسكندريه الصحراوي قبل البوابات