السلام عليكم

دة اول موضوع تقريبا ليا . . . للعربيات في منتدي عربيات D:


بكرة ان شاء الله هستلم ليفينا . . . ان شاء الله

طبعا اية الي خلاني اشتري ليفينا




يبانية
قوية
كلها حيوية


اقول اية ولا اية !!!


ولا حاجة في دية خلتني اختار العربية !


الي خلاني اختار عربية نيسان . . هو قسم نيسان في نايل موتورز !!!

تخيل لسة ناس زيي عاقلين كدة


انا بتابع قسم نيسان القسم الوحيد الي بتابعة من سنة لدرجة اني بقيت اعرف كل مشاكل ومميزات عربيات نيسان و الناس الي قمة في الاحترام الي اجبروني اني اشتري نيسان عشان ابقي منهم !!


بداية من استاذ احمد تي في رجل المهام الصعبة . .
لدكتور ايهاب وحلقاتة عن التيدا
لاستاذ بيشوي المحترم جدا
للاخ الفاضل المهندس حسين

ووووو اسامي كتير !!!


بقيت من كتر منا بتابع بقيت قلت انا لازم اشوف عربية نيسان عشان ابقي وسط الناس الكويسة دية


وجة وقت المقارنة

صني

تيدا

ليفينا


------------------

صني . . . اسباب كتيرة خلتني اخليها في الاخر وعشان شكلها هيتغير

التيدا . . . عربية جيدة جدا بس شكلها غبي جدا !! خصوصا اني عايزها سيدان لاني خلاص مش عايز هاتش باك ( كان معايا سكودا فيليشيا)

بقيت اليفينا . . عربية لقيت فيها كل المواصفات الي عايزها . . وعيبها عدم الانتشار وقطع الغيار الي بتتشابة مع اسعار التيدا في التوكيل وربنا يقويني عليها


ان شاء الله بعد الاستلام هعمل تقرير


الاستلام غدا



انا اخوكم احمد . . اسكندرية . . 22 سنة . . . وافد جديد من القسم الاجتماعي الي بقي احوال الشارع المصري D:



لي بس اسئلة

- المعرض .. . العربية راكنة عندة متحركتش من اسبوع . . فا لما ما درتش الا لما اتعمل وصلة البطارية كانت نايمة . . دة عادي !! ولا ممكن يكون فيها حاجة !!؟

-الماتور صوتة مش عالي !! بس مش سايلن !! مش عارف بعد التلين اية الي هيحصل


- استهلاك البنزين قريت ارقام عجيبة مخوفاني 160 في الصفيحة !!!!!!!!!! انا مبحبش ازور البنزينة كتييييييييييييييييييييييي ر بتفكرني بلسكودا لما كان الانجكشن بايظ وكأني راكب شروكي !!


- ما نصائحكم

واخيرا مراكز الخدمة في اسكندرية !! اية الاحسن وفين !!؟

وياريت اي مواضيع مهمة عن العربية . . زي اسعار قطع الغيار او مشاكل او او لان في مواضيع اختفت مش عارف اجبها ومش موجودة في فهرس قسم نيسان الي مهم جدا ومحتاج يتعملة تحديث بلمواضيع الجديدة


وجزاكم الله خيرا مقدما