Fsv فى اوتو ماك

**ABOSHEHAB** · 30-09-2011 12:43 AM

المشاركة الأصلية كتبت بواسطة Shap_Rewesh

السلام عليكم
يا ابو شهاب حضرتك جبت منين معلومة ان عربيات البريليانس الجديدة هتتقفل فى مصر ؟؟؟؟؟؟؟؟
هوه فعلا فيه اشاعة بتقول انهم هينشأوا مصنع لتجميع البريليانس فى مصر ... بس صدقنى انا مهندس انتاج و بقول لحضرتك حتى لو الاشاعة ديه صحيحة ... مفيش مصنع بيتبنى و بيتم تجهيزه و يبتدى يطلع انتاج فى 3 شهور ..
اما بالنسبة لـ VVT ديه تكنولوجيا فى المحرك بتاع العربية ملوش اى علاقة بالفتيس و ده بيبقه عبارة عن سينسور محطوط على عمود الكامات و فيه موضوع فى المنتدى مشروح فيه التكنولوجيا ديه باستفاضة هتلاقيه حضرتك فى قسم اخبار السيارات فى مصر و العالم ...
حاجة اخيرة يا اخ الفى المحرك اللى كان فى موديل 2011 برده هوه نفس المحرك اللى حضرتك اتكلمت عليه
محرك ديزاين متسوبيشى متصنع فى الصين 1500cc vvt dohc
الحاجة الوحيدة اللى اعتقد انهم غيروها هوه محرك العربية الاتوماتيك لان محرك 2011 كان 1600cc بتكونولوجيا تويوتا ....

سعادة الباشا شكرا للرد
و فعلا كلام كان يقال كتير عن مصنع للبافارية فى العين السخنة تحت الانشاء لتجميع البريليانس
و كان يقال ان الدفعات السابقة كانت تجمع عند البافارية فى مصنعها بمصر
و فعلا الموتور اتغير من 1600 الى 1500cc بس تكنولوجيا افضل كما اعتقد
و اسف على المعلومة الخطا عن الفتيس و لكنى اقصد التكنولوجيا الخاصة بالموتور و الفتيس

**nnnnnn** · 30-09-2011 08:19 PM

بصراحه العربيه الجديده شكلها تحفه انا بحب قوى شكل الشبكه ده ربنا يسهل واكون من ملاكها بس لسه شويه كده يمكن لشهر مارس وانا حبيت العربيه من كلامكم عليها ياريت لو حد عرف حاجه عن ال 530 الجديده يقولنا عليها

**akramesg** · 01-10-2011 11:30 AM

المشاركة الأصلية كتبت بواسطة limo81

الشرف لينا يا أكرم باشا.....الله ينور يا شباب
وعايزين بعد إذنكم من أصحاب الخبرات التعليمات الواجب تنفيذها للحفاظ ع الغاليه fsfs
اقتباس من أ/أكرم

فسفس عربيتى انا بس انت هتعممها ولا ايييييه هههههههههههه

المحافظة عالعربة كلم عام الصراحة ملوش دعوة بموديل والفتيس الاوتو برضه ليه كلمتين عشان تحافظ عليه اقولك اسأل فى المنتدى العام الف مين يدلك

**kogak1987** · 01-10-2011 11:46 AM

المشاركة الأصلية كتبت بواسطة limo81

يا جماعه انا كنت هناك فى المعرض وبقالى سنه متابع معاكم ومشاركاتى قليله جدا "ان وجدت"
ولقيت وحسيت بالفرق الواضح جداً بين البريليانس والسيارات الموجوده فى نفس الجناح لدرجه ان ابن خالتى المقيم فى الامارات أعجب بها جداً ولم يصدق انها من الصين
وكنت رايح احجز الكروس بس حجزت الFSV F/O AT

نظراً للفخامه الرهيبه والاتساع
ودعواتكم بقى

شكر خاص لكلاً من الاساتذه الكرام:BASSEM.KAMAL & AKRAMESG & ZEMANOVAXX
لمجهوداتهم الوفيره فى موضوعات البريليانس.....وفى انتظار المزيد..ولكم جزيل الشكر

طيب ده انا كنت ناوي احجز الكروس ايه موضوع افخم ده !! مش المفروض ميكونش الفرق كبير !! حد يقولنا يا جماعة بقى

**limo81** · 01-10-2011 03:19 PM

عزيزى/kogak 87
هما غيروا شكل الشبكه الاماميه بالأكصدام مع العلامه , تحس كده انك واقف قدام أوكتافيا "فانتازيا كمان" وانا رأيى انك لو لسه أعزب وقدامك شويتين ع الارتباط الكروس هى الاختيار
....بس أنا كنت ناوى ع الأوتوماتيك ولقيت الكروس نفس تمن الfsv إخترت الأكبر عشان الأسره+اللى سبق كتابته

**limo81** · 01-10-2011 03:28 PM

المشاركة الأصلية كتبت بواسطة akramesg

فسفس عربيتى انا بس انت هتعممها ولا ايييييه هههههههههههه

يا باشا الحقوق الفكريه محفوظه....أهنيك على الأسم "فسفس"

**kogak1987** · 02-10-2011 01:36 PM

المشاركة الأصلية كتبت بواسطة limo81

عزيزى/kogak 87
هما غيروا شكل الشبكه الاماميه بالأكصدام مع العلامه , تحس كده انك واقف قدام أوكتافيا "فانتازيا كمان" وانا رأيى انك لو لسه أعزب وقدامك شويتين ع الارتباط الكروس هى الاختيار
....بس أنا كنت ناوى ع الأوتوماتيك ولقيت الكروس نفس تمن الfsv إخترت الأكبر عشان الأسره+اللى سبق كتابته

فعلا انا لسه قصادي شوية على الجواز و الكروس شكلها عاجبني من برة جدا و مبروك على ال fsv الشبكة الامامية فعلا شكلها شيك اوي بس انا بتكلم في فرق مستوى في الصالون و التابلوه بين الاتنين ؟

**limo81** · 02-10-2011 07:18 PM

من ناحيه الاتساع الداخلى السيدان أوسع فى المقصوره أما الخلفيه فهى أوسع قليلا
التابلوه نسخه واحده بس فى السيدان لونين ... بيدى منظر مختلف
الخطوط الانسيابيه فى الاكصدام الامامى هايله