تعديلات شاهين انجكشن

**NaderNabil** · 23-05-2008 06:17 PM

السرعة القصوى مش ممكن تزيد طبعا لأنها محددة بواسطة نسبة التخفيض و علبة التروس عند 165 كم/ساعة.

السرعة القصوي هاتزيد ايا كانت نسب التخفيض....لأن تركيب الفلتر الرياضي هدفة زيادة بعض الاحصنة القليلة التي تتراوح من 2 الي 7 حصان تبعا للمحرك و نظام الحقن و باقي التعديلات...و اذا كانت القوة الحصانية تتناسب طرديا مع سرعة السيارة...اذا فسرعة السيارة هاتزيد مع زيادة عدد الاحصنة و بالتالي هاتزيد مع تركيب الفلتر...و لكن ليست بالزيادة الكبيرة...من 5 الي 10 كيلومتر بالساعة

ممكن طبعا تغير المساعدين أو تقصر طولهم

ازاي نقصر طول المساعدين؟؟؟ ارجو الشرح!!

**eldeplomasy** · 23-05-2008 06:19 PM

لسه كنت هسأل في النقطة دي؟؟؟ وبالنسبة للكاوتش بتاع الشاهين العريض بس بدون تغيير الجنط يعنى كاوتش اعرض على نفس الجنط هل ده هيفرق في الثبات ولا ايه؟؟؟

**MMamdouh** · 23-05-2008 06:28 PM

المشاركة الأصلية كتبت بواسطة فادى

السرعة القصوى مش ممكن تزيد طبعا لأنها محددة بواسطة نسبة التخفيض و علبة التروس عند 165 كم/ساعة.
كل ما يمكن تزويده هو التسارع, لكن بشكل بسيط لو ركبت فلتر هواء رياضى.
بس لاحظ انو أى تعديل سوف يكلفك على صعيد عمر السيارة.
يعنى مثلا فلتر الهواء الرياضى بيتسبب بادخال بعض الشوائب مع الهواء مما يقلل من عمر المحرك و الزيت.
البوجيهات ال3 شمعة هتحسن الأداء قليلا لكنها هتقلل عمر المحرك و من الممكن أن تتسبب فى سخونته.
أكبر تعديل ممكن تعمله لتزويد القوة الحصانية هو وضع شاحن هواء تربو بس معرفش الكلام ده موجود فى مصر و لا لأ, و محرك الشاهين بيستحمل التربو لأنه نفسه محرك اللانسيا ديدرا و كان بينزل قياسيا بتربو, و لكن طبعا التربو هيقصف عمر المحرك بشكل كبير ناهيك عن مشاكله التى لا تنتهى.
ممكن طبعا تغير المساعدين أو تقصر طولهم, و ممكن تركب جنوط سبور عريض و لكن ده هيكون على حساب التسارع اللى هيقل قليلا(الجنوط بيزود مقاومة العجل للدوران, لكن بيعطى ثبات أفضل).

الحقيقة 99% من اللى قولتة مش صح

MMamdouh

**فادى** · 23-05-2008 10:24 PM

المشاركة الأصلية كتبت بواسطة eldeplomasy

لسه كنت هسأل في النقطة دي؟؟؟ وبالنسبة للكاوتش بتاع الشاهين العريض بس بدون تغيير الجنط يعنى كاوتش اعرض على نفس الجنط هل ده هيفرق في الثبات ولا ايه؟؟؟

أى كاوتش أعرض هيزود الثبات بالطبع.

**NaderNabil** · 23-05-2008 10:47 PM

السرعة القصوى مش هتزيد فى الشاهين بالذات, فى سيارات أخرى ممكن, لكن فى الشاهين حضرتك لما توصل ل165 هتلاقى المحرك وصل لعدد لفاته القصوى Redline يعنى, عشان كده زيادة عدد الأحصنة مش هتزود حاجة لأن السيارة مزودة بنظام لقطع الوقود "بتفصل" فى حالة الوصول الى السرعة القصوى. فى الكاربيراتير ممكن لكن فى الانجيكشن لأ

يا باشمهندس فادي......كلامك مبدأيا متناقض

ثانيا...اذا كان هناك زيادة في عدد أحصنة السيارة....يبقي بالتالي و مش محتاجة أي مفهمومية...سرعة السيارة قبل تركيب الفلتر عند عدد لفات معينة للموتور...هاتزيد بعد تركيب الفلتر لنفس عدد لفات الموتور....
يعني لو افترضنا قبل تركيب الفلتر ان سرعة السيارة 100 كيلومتر عند 3000 RPM

بعد تركيب الفلتر ممكن تبقي 105 عند ال 3000 RPM

تفصل أو متفصلش ده مش حوارنا دلوقتي

**eldeplomasy** · 23-05-2008 11:01 PM

اعتقد لأ لان المتحكم في الموضوع ده هو نسب التخفيض بتاعة علب التروس يعنى مهم الاحصنه زادت هيفضل سرعة الموتور عند 3000 ار بي ام هتفضل هي هي 100 كيلو متر الا لو عملنا تعديل في علب التروس وزودنا نقلة سادسة وهو ده الموضوع اللى كنت داخل علشان اتكلم فيه

هل ينفع وفين اركب ترس سرعه سادسة زي العربيات الالماني؟؟؟

متهيألي ده هيكون افضل تعديل للشاهين وممكن يوصل سرعتها لقصوى لحد 200

هل في حد عنده فكرة عن الموضوع ده؟؟؟

**NaderNabil** · 23-05-2008 11:04 PM

لا يمكن اضافة ترس سادس لصندوق التروس...مالم يوجد صندوق به ال 6 سرعات اساسا يركب علي الشاهين....و ده اعتقد مش موجود أصلا

بالنسبة لوموضوع السرعة أرجو MMamdouh يرد علينا

**فادى** · 23-05-2008 11:17 PM

معتقدش انو فيه علبة تروس متوفرة للشاهين بستة نسب. عموما تعديلات علب التروس محدودة جدا و محصورة فى السيارة نفسها, يعنى مثلا فيه ناس بتجط علبة تروس 5 سرعات لل128 القديمة الى كانت بتنزل 4 سرعات, ده عشان العربية نزلت بعلبتين تروس واحدة 4 نقلات بعد كده نزلت ب5 نقلات.
بالنسبة لموضوع السرعة القصوى, فيا أستاذ نادر الموضوع بسيط, سرعة المحرك بالنسبة لسرعة العجل ملهاش دعوة بعدد الأحصنة, ليها دعوة بنسبة علبة التروس و نسبة التخفيض فقط و قطر الاطار. دى مبادىء الميكانيكا. الشاهين بتوصل ل165 ساعتها سرعة المحرك بتكون عند الRedLine فيقوم نظام الانجيكشن بفصل الوقود عشان يحمى المحرك, عشان كده مهما عملت مش هتعدى ال165 كم, الا طبعا لو غيرت علبة التروس بواحدة أخرى, ساعتها ممكن نحتكم للقوة الحصانية.

**MMamdouh** · 24-05-2008 12:49 AM

كلام فادى صح فيما يخص نسب الفتيس... لو فرضنا ان الشاهين بتجيب 100 عند 3000 لفة على الخامس يبقى حيفضل الوضع على ما هو عليه بغض النظر عن قدرة المحرك

برضة لو فرضنا ان الشاهين بتفصل على الخامس عند 165 كيلو يبقى الحل فى تغيير نسب الفتيس او الكورونا... ممكن مثلا يكون فية فتيس بنزل على موتور فيات 2000 سى سى و ممكن يركب على الموتور الشاهين و غالبا حيبقى الترس الخامس فيه نسبتة اطول من البتاع الشاهين و بالتالى تجيب سرعة اعلى.... او تغيير الكورونا بواحدة نسبة التخفيض فيها اقل فا توصل لسرعة اعلى... مع مراعاة ان الحلين دول حيقللوا التسارع بفرض ثبات كل العوامل الاخرى

فيه طبعا حل تاى و هو الغاء الrev limiter او تعديل السرعة اللى بيشتغل فيها و دة بيتم عن طريق engine managment منفصل عن الكمبيوتر الاصلى بتاع العربية و على ما اعتقد الSMT7 بيعمل كدة... بس المشكلة الكبرى ان الموتور من الناحية الميكانيكية مش حيقدر يعدى الred zone بامان لان دة متعلق بالقصور الذاتى بتاع مكونات المحرك خصوصا الصبابات و بالتالى لازم تعديل سوست الصبابات و عامود الكامة و سبايك الكامة عشان ميحصلش مشاكل من زيادة لفات الموتور

و زى ما كلكم توقعتم... الموضوع حيكلف كتييير اوى... دا غير ان عفشة العربية لازم تتعدل عشان الثبات على السرعات العلى اللى حتجيبها و الفرامل كمان

الحل العملى هو البحث عن زيادة سرعة التسارع من صفر الى100 كيلو لان دى هى اللى بتحسسك بالعربية اكتر من السرعة القصوى.. لما تركب عربيو بتجيب 100 من الثبات فى 7 ثوانى حتبقى مبسوط اكتر من لو عرفت ان العربية بتجيب 240 كيلو فى الساعة... دا غير ان التسارع ممكن تعملة فى اى حتة و تحس بيه فى اى وقت انما السرعة العاليه عايزة طريق كبير و نضيف ووقت عشان توصل للسرعة دى...

التسارع... كبسة بنزين كفيلة بانها تجعلك سعيد

MMamdouh

-

الموضوع: تعديلات شاهين انجكشن

LinkBack

أدوات الموضوع

عرض

-

-

-

-

-

-

-

المواضيع المتشابهه

شاهين 2006 انجكشن للبيع

من اين نجيب بوردة انجكشن شاهين مستعملة

انجكشن

شاهين 1600 انجكشن موديل 2006

الكلمات الدلالية لهذا الموضوع

المفضلات

المفضلات

ضوابط المشاركة