تعديلات شاهين انجكشن

**Mzeid** · 25-05-2008 11:35 PM

شكراَ بشمهندس ممدوح بس أنا مش فاهم حكاية البكرتين بتتم إزاي ..
:):)

**eldeplomasy** · 26-05-2008 02:07 AM

يعنى الفتيس ده يعتبر مانيوال ولا اوتوماتيك؟؟؟

وده نازل في اللانسر ولا ايه لان الاسئلة دي هتحللي اسئلة كتير لاني فاكر وانا سايق اللانسر في مرة كان الاربي ام على 2 وسرعة العربية عمال تزيد تزيد فقلت يمكن بينقل لوحده وهل الفتيس ده في نقلات عاديه بس كل نقلة فيه نسب لا نهائية من التخفيض ولا ايه؟؟؟

عايز توضيح اكتر

وهل الفتيس ده نازل في الجيتا والجولف والباسات والبي ام 320 ولا لأ؟؟؟

**فادى** · 26-05-2008 01:56 PM

المشاركة الأصلية كتبت بواسطة eldeplomasy

يعنى الفتيس ده يعتبر مانيوال ولا اوتوماتيك؟؟؟

وده نازل في اللانسر ولا ايه لان الاسئلة دي هتحللي اسئلة كتير لاني فاكر وانا سايق اللانسر في مرة كان الاربي ام على 2 وسرعة العربية عمال تزيد تزيد فقلت يمكن بينقل لوحده وهل الفتيس ده في نقلات عاديه بس كل نقلة فيه نسب لا نهائية من التخفيض ولا ايه؟؟؟

عايز توضيح اكتر

وهل الفتيس ده نازل في الجيتا والجولف والباسات والبي ام 320 ولا لأ؟؟؟

هو بالبلدى بيتقال عليه أوتوماتيك لكن فى الحقيقة هو لا ده و لا ده, هو نوع تانى تماما.
بتلاقى العربية بتتسارع من غير ما المحرك يغير سرعته,
أول عربية نزلت CVT كانت عربية هولندية اسمها داف 600
http://en.wikipedia.org/wiki/DAF_600
و بعدين ابتدى ينزل فى بعض سيارات فولفو, ثم انتقل الى السيارات الأمريكية و اليابانية حديثا.
اللانسر الجديدة فيها موديل متوفر بCVT بس مش عارف موجود فى مصر و لا لأ.
عموما هو مازال يفتقد للشعبية لأنه يقلل من متعة القيادة, و صيانته صعبة, و يستهلك قدر أكبر من البنزين.

**MMamdouh** · 26-05-2008 03:43 PM

المشاركة الأصلية كتبت بواسطة eldeplomasy

يعنى الفتيس ده يعتبر مانيوال ولا اوتوماتيك؟؟؟

وده نازل في اللانسر ولا ايه لان الاسئلة دي هتحللي اسئلة كتير لاني فاكر وانا سايق اللانسر في مرة كان الاربي ام على 2 وسرعة العربية عمال تزيد تزيد فقلت يمكن بينقل لوحده وهل الفتيس ده في نقلات عاديه بس كل نقلة فيه نسب لا نهائية من التخفيض ولا ايه؟؟؟

عايز توضيح اكتر

وهل الفتيس ده نازل في الجيتا والجولف والباسات والبي ام 320 ولا لأ؟؟؟

مع الفتيس دة مفهوم النسب بتاعت زمان انتهى.. لان ببساطة مفيش تروس بينها و بين بعض نسب انا هما بكرتين قطرهم بيتغير و بالتالى النسبة بين الموتور و العجلات متغيرة

فى الفتيس دة بتتغير النسبة دى حسب ظروف القيادة عشان كدة اسمة "فتيس متغير باستمرار" continous variable transmission و بالتالى فيش فيه "نقلة" معينة او "سرعة" معينة انما انت بتبقى فى دنيا من التغير فى النسب طول ما انت ماشى

نتيجة للامكانيات الهائلة من التغيير فا الفتيس دة ممكن تحددلة نقط معينة يثبت عليها او بمعنى اصح نسب معينة بين البكرتين و فى الحالة دى بيبقى اكنك ماشى على نقلة محددة فى الفتيس العادى و ميزة الموضوع دة ان ممكن الفتيس الCVT يشتغل اكنة فتيس اوتوماتك عادى او حتى مانيوال زى الهودا ستى 1500 اللى فيها 7 نقلات... هما اصلا مش نقلات انما نسب محددة بين البكرتين بيقف عليها نظام التحكم فى الفتيس فا يديك احساس انك على التانى او التالت و هكذا لكن فعليا مفيش تروس

لما بتبقى فى وضعية الCVT و تكبس على الاخر الفتيس بيسمح للموتور بانة يعللى الRPMللحد الاقصى و بيزود بعد كدة النسبة بين البكرتين بالتدريج عشان يخلى العربية تتسارع و الRPM ثابت على 6000 مثلا... الميزة فى كدة ان الموتور طول الوقت عند اللفات الاقصى ليه و بالتالى اعلى قدرة موجودة 100% من الوقت و كمان مبقاش فيه فاصل زمنى بدون قدرة اللى بيحصل و انت بتنقل بين التروس سواء فى فتيس مانيوال او اوتوماتك عشان كدة الCVT اسرع من اى فتيس تانى

How does CVT transmission works

MMamdouh

**MMamdouh** · 27-05-2008 10:24 AM

i have no idea

يمكن كان العربية مش قادرة تزود سرعة بشكل ملحوظ فى الشوية اللى كبس فيهم.... هى 1300 فى الاخر و على فتيس يعتبر اوتوماتك فا مش حتجمع بسرعة

MMamdouh