عايزة اشتري بيجو 307 خليجي!!

**HOOBA1** · 19-05-2008 10:09 AM

كنت اوبل فكترا..اتوماتيك,بس بصراحة انا كان نفسي في البيجو ,مش انت قلت الاوبل الجديدة سواقتها اصعب

**wsamir** · 19-05-2008 10:19 AM

البيجو 307 عربية تحفة انا ركبتها لما كنت فى مامورية تبع الشغل فى الجزائر و العربية كانت جاز تربو فول اوبشن مانيوال كانت تحفة فى كل حاجة السحب و الثبات بتاع العربية و الباور كانت جميلة جدا

و ربنا يوفقك إن شاء الله و تختارى حاجة مناسبة

**Ahmad Allawy** · 19-05-2008 11:36 AM

المشاركة الأصلية كتبت بواسطة hooba1

كنت اوبل فكترا..اتوماتيك,بس بصراحة انا كان نفسي في البيجو ,مش انت قلت الاوبل الجديدة سواقتها اصعب

لا هو مش موضوع اصعب.. بس الفتيس بتاعها الاوتو رد فعله مختلف شوية عن العادي..
يعني العادي مش بتحسي بالنقلات.. او بيبقي احساس بسيط قوي مش بتاخدي بالك منها..
لكن الفتيس ده بتحسي جامد بالموضوع ده.. بس برضه الموضوع بالتعود هتحسيه عادي..
لكن البيجو عادي مش هتحسي بفرق فيه عن فتيس الفيكترا القديم..

شوفي انتي. لكن لو ركبتي البيجو و ركبتي الاسترا هتحسي بالفرق..
انا عن نفسي بصراحة ركبت العربيتين..
البيجو كانت مانيوال.. كاملة.. و الاسترا كانت اوتو ايزي ترونيك كاملة..
بصراحة.. الاسترا حاجة تانية.. عجبتني اكتر..في كل حاجة الجري (مع العلم اني مجريتش كتير يعني مش باحرق و اجمع و كده كان بس تجربة للتسارع مش اكتر..) و القعدة في العربية و كده..
شوفي بنفسك.. كل واحد بيبقي ليه نظره و مقاييس بيقيم بيها العربية..
انا عن نفسي حسيت ان الاسترا احسن بكتير قوي من البيجو,, و برضه ركبت المازدا 3 و برضه نفس الاحساس..
انتي اكيد عارفة و مجربة معني تقل العربية علي الارض.. و احساسك انها لازقة علي الطريق..
اي نعم ممكن متكونيش بتحسي بقوة موتور العربية علي الطلعات و النقلات الاولي..
لكن بعد ما تجمع بتعرفي قيمة العربية..
انتي ركبتي البيجو او قعدتي جواها حتي ولا عاجبك الشكل بس..؟؟
اركبيها و اقعدي جواها.. و اركبي الاسترا و اقعدي جواها.. و بعدين شوفي هترتاحي لمين اكتر..
و بعد كده اعملي تست درايف للاتنين.. و شوفي هترتاحي مع مين اكتر..

(انا متوقع انك لو ركبتي العربيتين من غير تست درايف.. هتختاري الاسترا..)

عموما ربنا يوفقك..و مش هتفرق كتير برضه كفاءة العربيتين تقريبا واحدة.. الموضوع كله راحة نفسية..

**Ahmad Allawy** · 19-05-2008 11:37 AM

المشاركة الأصلية كتبت بواسطة wsamir

البيجو 307 عربية تحفة انا ركبتها لما كنت فى مامورية تبع الشغل فى الجزائر و العربية كانت جاز تربو فول اوبشن مانيوال كانت تحفة فى كل حاجة السحب و الثبات بتاع العربية و الباور كانت جميلة جدا

و ربنا يوفقك إن شاء الله و تختارى حاجة مناسبة

يا باشا انت بتتكلم في ايه..؟؟ :)
جاز تربو.. اكيد جامده جدا.. بس بصراحة مكنتش مستمتع بسواقة المانيوال علي فكرة..

**saeed85** · 31-05-2010 05:41 PM

جبتي ايه في الاخر ؟

**HOOBA1** · 01-06-2010 09:00 AM

opel astra

**saeed85** · 01-06-2010 12:20 PM

مبروك عليك مع انها جايه متاخر اوي اوي :)

**ramy01011** · 01-06-2010 01:09 PM

المشاركة الأصلية كتبت بواسطة wsamir

البيجو 307 عربية تحفة انا ركبتها لما كنت فى مامورية تبع الشغل فى الجزائر و العربية كانت جاز تربو فول اوبشن مانيوال كانت تحفة فى كل حاجة السحب و الثبات بتاع العربية و الباور كانت جميلة جدا

و ربنا يوفقك إن شاء الله و تختارى حاجة مناسبة

علي فكرة اسؤ حاجة في ال307 البور بتاعها تقيل جداااااااااا و فتيسها تربترونك و كله مشاكل

**saeed85** · 02-06-2010 07:17 PM

الباور مش تقيل قوي زي منت بتقول هو تقيل سنه عشان بتنزل بجنوط اوريجنال 16 و علي فكره اعرف كذا واحد معاه 307 و لا واحد اشتكي من الفتيس التبترونيك المشكله كلها فيما قبل موديل 2006 يعني 2005 و انتي نازل لكن بعد كده اتظبتت