بعد 3 سنين من الركنة .... هرجع للبيتلز تاني

**MaZaGAngeE** · 28-09-2011 03:39 AM

العربية ( 1302 1964 ) دي بحبها و ليها معايا مواقف كويسة , و من 3 سنين ركنتها في الجراج لأني مش محتاجها لا انا و لا حد من اخواتي , و كنت ناوي اجيب عربية جديدة بعد الحادثة اللي اتدمر فيها الاسد بس ظروف البلد مخلياني اقدم رجل و اخر 10 ...
قلت يا واد و انت تتعب نفسك و توجع قلبك ليه ؟
البيتلز موجودة و ممكن ترجع تركبها تاني لحد ما الظروف تتظبط ....

المهم بقى يا شباب , طبعا الكاوتش باظ و محتاج اجيب طقم جديد و العربية بالجنوط الاصلية بتاعتها , لو مش هغير الجنوط ايه الكاوتش المناسب بس يكون عريض و طري ؟
لو هغير جنوط , ايه الجنط المناسب من غير ما اغير طنابير ؟ و منين و بكام ؟ و ايه الكاوتش المناسب ؟

نيجي بقى للفرش , عايز اقتراحات مش مكلفة قدر الامكان ( دي عربية تالتة مش اساسية ) يعني كفاية ان الكراسي تتنجد كويس و اعمل فرش معقول .

السمكرة و الدوكو عند مين ؟

الكهربا عند مين ؟

ده كده مبدئيا و لما اطلعها من الجراج هيبان ايه تاني ............. شكرا على تعبكم معايا

**beetleMOSH** · 28-09-2011 06:33 PM

اولا نقول مبروك مقدما لرجوع البطه الالمانى لشوارع مصر
و ان شاء اله تبقى احسن مما تتوقع

بالنسبه للكاوتش
هايبى يا هانكوك يا بريدجستون
و الاتنين انا مجربهم و كاوتش تمام
المقاس هايبقى 15 - 185 - 65
فى الجنط العادى

لو هاتركب جنوط اسبور فى طقم عند اشرفكو ب 1800 جنيه جديد الومنيوم
و ممكن تركب كاوتش لحد 205
و ممكن تركب عليه ل185
عشان العفشه و زاويه كسر العجل

الصالون ممكن تظبطه عند واحد سروجى جمب الحمج محمد على اسمه مصطفى غالبا
شغله كويسه
و مصنعيته معقوله

سمكره و دوكو مش عارف بصراه
بس فى ناس كتير فى حديقه بدر شغالين فى البيتل بس

الكهربا برضه فى الحج سعيد جمب محمد على و مصطفى السروجى

و ربنا معاك :)

**MaZaGAngeE** · 28-09-2011 07:29 PM

الله يبارك فيك
و شكرا على المساعدة
أشرفكو ده اللي في مصطفى النحاس ؟

**MOSHAKS** · 28-09-2011 07:54 PM

وما احلى الرجوع اليها. يكفى انها هتشيلك فى زنئتك ومش هتكسفك وربنا يكرمك بالخير دايما.

**arc_adham** · 28-09-2011 08:15 PM

الف مبروووووووووووووووووووووو ك
و ربنا يكرمك بيها

و عقبال عربيتى ما توقف على رجليها تانى

**beetleMOSH** · 29-09-2011 04:23 AM

اه اشرفكو فى الحى السادس
اخر مصطفى النحاس من عند امن الدوله ( سابقا )
و قسم اول او تانى مدينه نصر

**kisho55555** · 29-09-2011 04:56 AM

الف مبروك استاذ ميرجانجى ...

البيتلز عربية جميلة .... وان شاء الله تسد معاك فى الزنقة .

**smsmxxxxxx** · 29-09-2011 06:44 AM

ميزة البيتلز انها مهما اتركنت بترجع للخدمة الشاقة بسهولة تاني

بس انتا اهم حاجة غير الزيت اول ما تطلعها ويفضل قبل ما تدور الموتور
تقدر تجيب الواد بتاع تغيير الزيوت بمكنة الشفط بتعته وبيشفطه من فتحة مقاس الزيت

وارجع غير الزيت تاني بعد اسبوع ومتزودش عن اسبوع ومتقرصش على الموتور
بس المرة دى غيره عند ميكانيكي وخليه يفك مصفة الزيت ويغسلها وتغير الجوان بتعها (بتجيب اتنين بجنيه ونصف بس)

انتا بتعمل الكلام ده لان الزيت فى البيتل لو مبتشغلهاش كتير متقعدوش غير 3 شهور بس وانتا بقالك 3 سنين

**MaZaGAngeE** · 30-09-2011 11:04 PM

مفيش مفاتيييييييييح
مفتاح العربية ضاع
أعمل ايه ؟ هل فيه طريقة اشغل بيها العربية من غير مفتاح ؟

**kisho55555** · 01-10-2011 03:20 AM

المشاركة الأصلية كتبت بواسطة mazagangee

مفيش مفاتيييييييييح
مفتاح العربية ضاع
أعمل ايه ؟ هل فيه طريقة اشغل بيها العربية من غير مفتاح ؟

قدامك حلين ...

الحل المحترم .... انك تشترى كونتاكت بيتلز جديد وتخلى واحد بتاع مفاتيح او كهربائى يغيرهم لك ...

الحل المحترم جدا .... انك تخلى السلوك اللى فى ظهر الكونتاك لغاية لما تلاقيه بيعمل شرار ويدور العربية ..

اختار اللى يريحك ..

الموضوع: بعد 3 سنين من الركنة .... هرجع للبيتلز تاني

LinkBack

أدوات الموضوع

عرض

بعد 3 سنين من الركنة .... هرجع للبيتلز تاني - انشر الموضوع فى :

-

-

-

-

-

-

-

-

المواضيع المتشابهه

عاوز اركن!!!!!!! @$#@$ الركنة

بلطجة فى الركنة

التكييف بعد الركنة 3 أيام

الكلمات الدلالية لهذا الموضوع

المفضلات

المفضلات

ضوابط المشاركة