العربيه ماتت منى

**MOHAMMETTT** · 28-09-2011 01:36 PM

السلام عليكم ياجماعه ..النهارده الصبح بدور العربيه دارت لمدة ثانيه واحده وهبااااااااااا مالقيتش لها اى نفس ....... لاموتور ولا اضواء ولا كلاكس ولا سنتر لوك ولااى حاجه ... بعيد التجربه وادور برضه قاطعه النفس والاقى ضوء الباب المفتوح بيظهر على خفيف ويرجع يروح تانى ...قلت يبقى البطاريه ...فتحت الكبوت فعلا لاقيت البطاريه منديه من فوق شويه من احد اقطابها ومش كتير يعنى مساحة 4فى 4 سم كده تقريبا مبلوله شويه.... مش عارف بقه ده اعمل ايه؟
كده البطاريه باظت وعايزه تتغير ولا هتتصلح ولا ايه؟؟؟؟؟؟؟؟؟ ولو هغيرها اجيب نوع ايه وبكام ومنين؟؟؟ وهل لازم كهربائى اللى يغبيرها ولا سهل فكها ونحط الجديده ؟؟؟؟؟؟؟؟؟

**MOHAMMETTT** · 28-09-2011 01:54 PM

ياجماعه حد يرد الله يعمر بيتكم ده انا داخل مخصوص والله علشان المشكله دى وجزاكم الله خير باذن الله

**ahmedtunning** · 28-09-2011 01:57 PM

هي لو بطارية عادية ممكن تتملي عادي فكها ووديها لكهربائي يكشف عليها

**MOHAMMETTT** · 28-09-2011 02:04 PM

طب افكها ازاى الله يعمر بيتك؟ واعرف انها عاديه ولا مش عاديه ازاى؟

**MOHAMMETTT** · 28-09-2011 02:06 PM

طيب كمان عايز اعرف هل معنى انها مبلله من احد اقطابها تبقى باظت يعنى؟؟؟ فى ميكانيكى قالى اصب عليها ميه سخنه ايه رايكم؟

**samirsaid1** · 28-09-2011 02:12 PM

المية السخنة تتحط على القطبين لو مملحة يعنى حاجة زى الصدأ لونه أخضر

وهى جافة ولا عادية وبقالها أد اية

**samirsaid1** · 28-09-2011 02:18 PM

لو عاوز تقكها

غالبا مفتاح 10 وفك الصواميل للأفييز اللى على الأقطاب الموجب والسالب وابعد السلكين وشوف ممكن بيكون فية صاموله تانية عند قاعدة البطارية
يعنى تخلى البطارية حرة ومش مروطة بحاجة وترفعها هاتلاقيها طلعت معاك