الموضوع: خلاصة تجاربى مع العربية فى فترة غيابى

سلام عليكم ازيكو يا رجالة
منورين الناس الجديدة واهلا بيكو معانا فى العصابة
هحكى حكيتى مع العربية
فى شهر 8 كدة فى ايام رمضان قررت انا ووالدى اننا نرش العربية عشان بقى شكلها وحش جداا الوبية كلها قشرت وباظت وبقت غبية المهم روحت لواحد عندنا فى حلوان تتكلف كام يا عم الحج قالى 1500 جنية ونوع البوية مش فاكر نوعة ايه بس مكنش حلو
المهم والدى خدها الشرقية لناس يعرفهم رشوها ببوية نوعها اوميجا بصراحة نوعها نضيف جداا لدرجة ان مكنش افرق بين رش الصاج وبويتها الاصلية على وش الفبر بتاع المرايات وخد 1000 جندى
تانى يوم استلمتها واحد راح خبطها فى الرفرف الشمال خبطة خفيفة كدة خلتها لبعد العيد وقمت رددها ب 40 جندة على البارد بس صراحة الواد ده استاذ

خدو بقى التقيل بدورها من اسبوعين كدة
كانت الساعة 2 بليل الصوت عالى جداا وخشانة جاية من ناحية السيور المهم كبرت دماغى ورحت مشورى ورجعت وتانى يوم الصبح فكيت غطاء سير الكاتينة عشان اشوف فى ايه ودورت ملقتش حاجة قمت فاصل سير الدينامو قام الصوت راح قولت عندى احتمال ان( سير الدينامو باظ- الشداد باظ- او بلى الدينامو والتكيف)
اجبت واحد ميكانيى استاذ بصراحة قالى الشداد السوستة بتاعته قفشت والمشكه انه بوظ معاه كل البلى اللى فى الدينامو والاكس بتاع الدينامو اتعوج والغريب انه كان بيشحن عادى
الراجل فكه وراح استعدله وظبط سوسته الشداد واشتغلت تمام بعد طبعا لفة طويلة على الكهربائية عشان الدينامو اللى يقولى ده باظ وهات واحد مكانة وسمت كلام بصراحة ينرفز المهم عديت على خير وموضوع ده اتكلف
50 بلى دينامو+70 جنيه خراط عشان خرط اكس جديد + 20 كهربائى +50 ميكانيكى

من يومين كدة واحد صعيدى من حبيبنا الصعايدة جبطنى وانا ماشى بوظلى المراية الجانبية الشمال
كفر المراية الفبر باظ ومش لاقى واحد مكانة والمراية الازاز اتكسرت بس الحمد لله روحت لبتاع ازاز ظبطهالى


دلوقتى المشاكل اللى فى العربية مدوخالنى
1- العربية بتترج جامد وهية طلعة وبقى ادها وحش جدا
2- بعد ال 160 بيبقى ثبتها وحش جداا يمكن عشان رفعت العربية شوية عن الارض
3- فبرة واحدة من فتحات الكوريك فى العتب وقعت ومش لاقيها

صحيح مقلتلكوش عمن شغل فى العفشة
غيرت 2 تيش + 2 بيض مقصات _وبارات دركسيون
والراجل قفش 200 جندى مش عارف ليه

وروحت برده عشان اطلى الجنوط نيكل عند سكر اللى جنب مشرحة زينهوم قالى 160 جندى وهتقعد يوم كام فنفضت طبعا لانه غالى
معلش طولت عليكو واى استفسار انا موجود ونكمل بقى فى الكومنتات

معلش اتأخرت
البوهيجى اسمة سعيد فى منيا القمح
والسمكرى الاسطة شحتة فى حلوان عندنا