سير الدينامو في الفابيا

**h_od** · 29-09-2011 03:56 PM

السلام عليكم
دي اول مشاركة ليا في المنتدي ومنتديات السيارات عموما لاني لسه شاري اول عربية ليا قريب
انا اشتريت فابيا 1000 cc فبريكا برة وجوا مانيوال ومافيهاش غير تكييف
اشترتها ب 36.000 من خالي بعد لف كتير جدا علي العربيات في الاول كنت بدور علي فليشيا بس ربنا كرمني بالفابيا عربية محترمة ولذيذة واهم حاجة حاسس بأمان وانا راكبها
بس المشكلة ان سير الدينامو قطع ودايخ عليه مش لاقيه
انا مقيم في طنطا مش لاقيه نهائي حتي روحت مركز صيانة معتمد قالي مش موجود واداني نمرة شركة بالقاهرة اسمها العشرينية كلمتهم قالي مش موجود حاليا حاولت اكلم التوكيل ماحدش بيرد
بدأ يجيلي احباط ايه الحل يا اهل الخبرة

**desperado_teto** · 30-09-2011 12:55 AM

موجود انا لسه مغيره من شهر
كنتمغير الدنمو و السير اتقطع
جبته من الساعه في الاسكندريه

**HASBALAH** · 30-09-2011 09:58 PM

يا راجل انا لسه مغيره وجيبه من طنطا من عند المقدم بس انا روحتله الاول اقال ماعندوش وبعد كده روحت جيبت القديم واخدت الرقم الي عاليه وروحتله ولقيت الرقم عنده قلتله ماهو موجود بس الظاهر ان بيركب علي a4 برده وهم مابيعرفوش
بس اعرف رقم القديم ورحله هتلاقيه ان شاء الله
انا عربيتي فابيا وكان رقم السير 1748
وربنا معاك

**h_od** · 01-10-2011 06:27 PM

شكرا لاهتمامكم يا جماعة بس المشكلة ان العربية 1000cc مكيفة فالسير بتاعها مقاسه مختلف عن ال 1000 cc المش مكيفة انا دخت لحد مارحت لواحد في صلاح الدين في اسكندرية بتاع سيور عنده مقاس قاسهولي طلع 1385 دورت علي اقرب مقاس ليه طلع 1387 ويارب يركب علشان انا دخت علي مالاقيته