الموضوع: ان شاء الله بفكر اشتري فابيا

انا عاوز اسأل نفس الأسئلة في حد ممكن يجاوبنا ؟

المشاركة الأصلية كتبت بواسطة elwakeel

السلام عليكم

انا بفكر ان شاء الله اشتري فابيا 1200 يوزد هاتش باك موديل 2001 او 2002 او 2003

انا ليه شوية اسئلة اتمني تساعدوني اجاوب عليها

رينج الاسعار للمانيوال كام و للاوتوماتيك كام؟

اخبار قطع الغيار ايه؟ سعر و انتشار؟

في عيوب مشهورة للموديل ده اخلي بالي منها؟

اخبار استهلاك البنزين ايه؟ و ده مهم فعلا

مستني ردودكم

بص يا سيدى انا عندى العربية ده بس 1400 سى سى مانيوال و المفروض انها زى ال1200 بإستثناء انو فى 1200 بيكون 3 سلندر و على حد علمى النوع ده مش منتشر أصلاً فى مصر.

ابعد ان الاوتوماتيك لأنى سواء 1200 أو 1400 هتكون العربية تقيلة اوى و لو مشغل التكييف هتكون بطة فعلاً، يعنى انا مانيوال و بتفرق لما أشغل التكييف.

رينج الاسعار على حسب الحالة و بالذات الكهربا بس مش مش هتزيد عن 35 لو عربية متحافظ عليها اوى و موتورها سليم و لسه فابريقو بره و جوه و السعر هينزل على حسب الاستهلاك.

أخبار قطع الغيار ، أعلى من المعقول سنة ، يعنى تيل الفرامل الامامى فى حدود 360 جنية و ده الالمانى الأصلى، فلتر الزيت 40 جنيه و فلتر البنزين 95 جنيه. الطنابير الامامية 500 جنيه. طقم ديسك و اسطوانة حوالى 700 جنيه، جلب المقصات 90 جنيه، طقم كوبلن خارجى 600 جنيه، رادياتير 1100 جنيه. بيض المقصات 120 جنيه

دوول الأسعار عندى و المفروض انو مفيش فرق كبير فى العربيتين

استهلاك البنزين عندى قليل اوى يعنى فى المعدل من 4.5-6 لتر لكل 100 كم و المفروض انو ال1200 يكون اقل كمانز

انا دلوقتى عارض عربيتى للبيع بس هى 1400 موديل 2001 و فيها مشكلة فى السنسورز. انا كنت غيرت العفشة كلها و الكاوتشات على اساس انها قاعدة معابا و كنت ابتديت اتعامل مع كهربائى فى الحرفيين عشان نحل مشكلة السنسورز ده بس جالى شغل الحمد لله و هيكون تواجدى فى مصر قليل اوى فمش محتاج عربية فقلت ابيعها بدل ما تترمى قدام البيت.

لو فى أى اسئلة تانية ، انا الفابيا ده بقالها معايا 6 سنين فيعنى أعرفها كويس

و بالمناسبة انا بتكلم على الفابيا الهاتش باك مش السيدان

هي موتورها فولكس ؟؟ نفس قطع الغيار يعني ؟؟

مشكلة الفابيا أن قطع الغيار قليل شوية وحدش بيفهم في الألماني في بلدنا دي أنا معايا 1400 2001 بفكر أبيعها كل المشكلة ألي عندي أني بدلت لوحة العدادات من الحرفيين وبرمجتو من جديد عن طريق التوكيل بس للأسف الكيلو مترات ألي ماشياها أتسجلت بالعربية ألي واخد منها العداد 148 لف وهي ماشية بس 67 ألف بس بصراحة الفابيا حلوة أوي بس المشكلة في قطع الغيار الغير تقليدية زي العداد دة لو عايز تشتري يبقى رد عليا