و اخيرا بقين هونداوي و الحمد لله و هذه هى الحكايه

**hamada_amg** · 29-09-2011 05:23 PM

بسم الله الرحمن الرحيم

اولا انا بشكر كل اهل المنتدى و كل اللى عامل فيه مواضيع بجد قيمه
عايز اقولكم انى كونت كل المعلومات عن السيفيك و انا بشترى من هنا من المنتدى و حسيت لاول مره و انا بشترى عربيه انى فاهمها و عارف كل اللى فيها

انا كنت عملت موضوع قبل كده و استشرت الناس هنا فى قسم هوندا و قارنت بين السيفيك 2009 فى تى اى و بين بومه 2011 سبورت

و الحمد لله ربنا سبحانه عترنى على عربيه من هنا من المنتدى و من اخ فاضل و محترم ماشاء الله و كشفت على العربيه بصراحه بره التوكيل و كله تمام و كلمت التوكيل و اتأكدت انها عملت كل صيانتها فى التوكيل ده كمان غير اخر فاتوره كانت مع العربيه من التوكيل

المهم خلصت فى العربيه من حوالى اسبوعين بالظبط و بدأت مشوار المرور لكن الحمد لله خلص على خير و رخصت و كله تمام و برده هاقولكم مصر هى هى و لا اتغيرت و لا هتتغير و لا ثوره و لا بتنجان ماشاء الله
لسه الناس فى المرور زي ما هي بتقبض و تخلص و الوسايط عامله شغل عالى جدا

بصراحه اول ما ركبت العربيه كنت خايف منها جدا لانى اول مره اسوقها مده طويله كانت المسافه من المنصوره لطنطا

و ماشي بيها زي اللى بيتعلم سواقه اصل اخوكم كان صايع ايام اللانسر و افوت فى الحديد و لا تفرق عارف بقى مقاستها و حافظها من سنين

وصلت طنطا و الحمد لله بخير و ركنتها و برده خايف منها و بدأت كده كل يوم انزل اتمشى بيها شويه عشان احفظ المقاسات و يعنى الحمد لله دلوقتى اقدر اقول انى تقريبا لميت كل ابعادها و كله تمام

نسيت اقولكم العربيه ماشاء الله فخمه جدا و جوده الخامات عاليه جدا
هى 2009 فى تى اى نبيتي فرش جلد

انا عمال ااجل فى مشوار التوكيل عشان اقدر الم كل العيوب و الملاحظات اللى فيها عشان تتعمل فى التوكيل ان شاء الله تعالى
و برده عشان اسأل الرجاله هنا عنها و ابقى فاهم الكلام ايه

بالنسبه للميزات :

1- العربيه ماشاء الله تجرى و لا كلمه من اقل دوسه بنزين و السحب عالى ماشاء الله
2- الوسع من جوه مش زي اللانسر اوي خصوصا فى اللى قاعد ورا لكن اللى سايق و اللى جنبه تمام جدا
3- فرش الجلد ماشاء الله خامه و تقفيل 10/10
4-الاهم بقى من كل ده الثبات ماشاء الله عليه و لا فارقه معاها ملفات و لا حركات
5- بصراحه حاسس بمتعه بجد و انا سايق الحمد لله و مكنتش متوقع كده بالعكس كنت متوقع اقل من كده

بالنسبه بقى للملاحظات و اللى انا عايز اسأل عليها :

1- فى مره كنت بتفرج على الماتور لقيت ان الاربه بتاعت المياه فاضيه تماما فانا زودتها مياه خضرا لحد ما اروح التوكيل مؤقتا و ده كلام الكتالوج و بتابع الميه ده كل يوم او يومين و بتنقص بمعدل صغير
بس لما بصيت على الريداتير و على الاربه نفسها ملقتش اى اثر لتسريب غير شويه خضار كده على غطا الاربه فده ممكن يكون العيب و لا ممكن يكون ايه تاني ؟

2- العربيه اول ما تطلع بين النقله التانيه و التالته العربيه بتكن ثانيتين كده و ترجع تفتح تاني و تاخد سرعتها عادي
كنت قريت فى المنتدى ان ده عيب سوفت للفتيس صح كده و لا ايه ؟

3- العربيه من سرعه 30 الى سرعه 70 فيها رجه بسيطه فى العفشه فى الجنب اليمين و بتبان اوي فى الملفات لو على سرعه او لو انا ماشي براحه بتبان برده لكن لو جارى مش بتبان اوي
كان صاحب العربيه قالى انه قال للتوكيل على العيب ده و المهندس قاله ده بس عايزه وقت عشان تتكشف عليها و تتحل و الوقت ماسعفهوش فى اخر صيانه لكن هى سهله و هى ممكن تكون كوبلن داخلى او خارجى

4- العربيه للاسف محتاجه بطاريه فكنت قريت هنا فى المنتدى ان التوكيل بيبيع فارتا الالمانى و سعرها كويس بالنسبه للسعر بره فيا ترى معلوماتى كده صح و لا لا و يا ترى فى احسن منها و لا لا ؟
انا كنت مجرب الاسي ديلكو فى اللانسر و كانت ماشاء الله عليها لكن كذا حد قالى انها مبقتش زي الاول فى الكفاءه

5- بالنسبه للفوانيس الاماميه للفى تى اى انا اعرف انها اتوماتيك فى الظبط و ليها حساس و الحساس ده عندى فى الفانوس الشمال مكسور و عايز يتغير و الراجل بصراحه كان قايلى عليه لكن سؤالى بقى هل الفوانيس ده ليها ظبطه اصلا على مستوى ما و بعدها الحساس بيشتغل و لا لا ؟
لان النور عندى خصوصا العالى واطى على الارض جدا فى الفانوسين مبينورش اكتر من 10 متر قدامي على عكس الواطي الزينون اضائته كويسه و مظبوط
كمان الفوجات ليها ظبطه و لا ايه الكلام لانى مش عارف ؟

6- عايز اعمل بقى صيانه شامله على الماتور و العفشه فى التوكيل هل ده متاح و لا انا ملتزم فقط بمواعيد الصيانه و لا ايه خصوصا ان العربيه 2009 يعني فاضلها شهرين تلاته و تخرج من الضمان فانا عايز اغير فيها كل الحاجات زي التيل و السيور و الزيت عشان ابتدى معاها الصيانه من الاول

و عايز اعرف اسعار قطع الغيار الاساسيه دلوقتى كام فى التوكيل
يعني تيل امامى و خلفى ؟
فلتر زيت ؟
فلتر هوا
فلتر تكييف
كل الحاجات للماتور و العفشه بتاعت الصيانه العاديه او مثلا صيانه كبيره شويه
نصيحتكم يا شباب و اسف على الاطاله

**hamada_amg** · 29-09-2011 05:28 PM

معلش يا جماعه نسيت اسأل سؤال اخير
استهلاك البنزين عندى عالى يعني عملت فى 24 لتر حوالى 200 كيلو بس الصراحه كانوا جوه البلد مش سفر بس برده مكنت بقف فى اشارات و لا بحرق على غيار و لا حاجه من الكلام ده ماشي بهدوء جدا و بالليل فى الروقان

ياترى ده طبيعي و لا فى حاجه ؟

و لو كده يبقى العيب من ايه بالظبط ؟

**mohammadrashee** · 29-09-2011 05:45 PM

الف مليون مبروك الهوندا عربيه محترمه جدا
انا مش هقدر افيدك لأني معايا تويوتا بس انا متابع جيد للهوندا عشان لنا اغير

**SAMEH_FOUAD** · 29-09-2011 08:57 PM

المشاركة الأصلية كتبت بواسطة hamada_amg

بسم الله الرحمن الرحيم

اولا انا بشكر كل اهل المنتدى و كل اللى عامل فيه مواضيع بجد قيمه
عايز اقولكم انى كونت كل المعلومات عن السيفيك و انا بشترى من هنا من المنتدى و حسيت لاول مره و انا بشترى عربيه انى فاهمها و عارف كل اللى فيها

انا كنت عملت موضوع قبل كده و استشرت الناس هنا فى قسم هوندا و قارنت بين السيفيك 2009 فى تى اى و بين بومه 2011 سبورت

و الحمد لله ربنا سبحانه عترنى على عربيه من هنا من المنتدى و من اخ فاضل و محترم ماشاء الله و كشفت على العربيه بصراحه بره التوكيل و كله تمام و كلمت التوكيل و اتأكدت انها عملت كل صيانتها فى التوكيل ده كمان غير اخر فاتوره كانت مع العربيه من التوكيل

المهم خلصت فى العربيه من حوالى اسبوعين بالظبط و بدأت مشوار المرور لكن الحمد لله خلص على خير و رخصت و كله تمام و برده هاقولكم مصر هى هى و لا اتغيرت و لا هتتغير و لا ثوره و لا بتنجان ماشاء الله
لسه الناس فى المرور زي ما هي بتقبض و تخلص و الوسايط عامله شغل عالى جدا

بصراحه اول ما ركبت العربيه كنت خايف منها جدا لانى اول مره اسوقها مده طويله كانت المسافه من المنصوره لطنطا

و ماشي بيها زي اللى بيتعلم سواقه اصل اخوكم كان صايع ايام اللانسر و افوت فى الحديد و لا تفرق عارف بقى مقاستها و حافظها من سنين

وصلت طنطا و الحمد لله بخير و ركنتها و برده خايف منها و بدأت كده كل يوم انزل اتمشى بيها شويه عشان احفظ المقاسات و يعنى الحمد لله دلوقتى اقدر اقول انى تقريبا لميت كل ابعادها و كله تمام

نسيت اقولكم العربيه ماشاء الله فخمه جدا و جوده الخامات عاليه جدا
هى 2009 فى تى اى نبيتي فرش جلد

انا عمال ااجل فى مشوار التوكيل عشان اقدر الم كل العيوب و الملاحظات اللى فيها عشان تتعمل فى التوكيل ان شاء الله تعالى
و برده عشان اسأل الرجاله هنا عنها و ابقى فاهم الكلام ايه

بالنسبه للميزات :

1- العربيه ماشاء الله تجرى و لا كلمه من اقل دوسه بنزين و السحب عالى ماشاء الله
2- الوسع من جوه مش زي اللانسر اوي خصوصا فى اللى قاعد ورا لكن اللى سايق و اللى جنبه تمام جدا
3- فرش الجلد ماشاء الله خامه و تقفيل 10/10
4-الاهم بقى من كل ده الثبات ماشاء الله عليه و لا فارقه معاها ملفات و لا حركات
5- بصراحه حاسس بمتعه بجد و انا سايق الحمد لله و مكنتش متوقع كده بالعكس كنت متوقع اقل من كده

بالنسبه بقى للملاحظات و اللى انا عايز اسأل عليها :

1- فى مره كنت بتفرج على الماتور لقيت ان الاربه بتاعت المياه فاضيه تماما فانا زودتها مياه خضرا لحد ما اروح التوكيل مؤقتا و ده كلام الكتالوج و بتابع الميه ده كل يوم او يومين و بتنقص بمعدل صغير
بس لما بصيت على الريداتير و على الاربه نفسها ملقتش اى اثر لتسريب غير شويه خضار كده على غطا الاربه فده ممكن يكون العيب و لا ممكن يكون ايه تاني ؟

2- العربيه اول ما تطلع بين النقله التانيه و التالته العربيه بتكن ثانيتين كده و ترجع تفتح تاني و تاخد سرعتها عادي
كنت قريت فى المنتدى ان ده عيب سوفت للفتيس صح كده و لا ايه ؟

3- العربيه من سرعه 30 الى سرعه 70 فيها رجه بسيطه فى العفشه فى الجنب اليمين و بتبان اوي فى الملفات لو على سرعه او لو انا ماشي براحه بتبان برده لكن لو جارى مش بتبان اوي
كان صاحب العربيه قالى انه قال للتوكيل على العيب ده و المهندس قاله ده بس عايزه وقت عشان تتكشف عليها و تتحل و الوقت ماسعفهوش فى اخر صيانه لكن هى سهله و هى ممكن تكون كوبلن داخلى او خارجى

4- العربيه للاسف محتاجه بطاريه فكنت قريت هنا فى المنتدى ان التوكيل بيبيع فارتا الالمانى و سعرها كويس بالنسبه للسعر بره فيا ترى معلوماتى كده صح و لا لا و يا ترى فى احسن منها و لا لا ؟
انا كنت مجرب الاسي ديلكو فى اللانسر و كانت ماشاء الله عليها لكن كذا حد قالى انها مبقتش زي الاول فى الكفاءه

5- بالنسبه للفوانيس الاماميه للفى تى اى انا اعرف انها اتوماتيك فى الظبط و ليها حساس و الحساس ده عندى فى الفانوس الشمال مكسور و عايز يتغير و الراجل بصراحه كان قايلى عليه لكن سؤالى بقى هل الفوانيس ده ليها ظبطه اصلا على مستوى ما و بعدها الحساس بيشتغل و لا لا ؟
لان النور عندى خصوصا العالى واطى على الارض جدا فى الفانوسين مبينورش اكتر من 10 متر قدامي على عكس الواطي الزينون اضائته كويسه و مظبوط
كمان الفوجات ليها ظبطه و لا ايه الكلام لانى مش عارف ؟

6- عايز اعمل بقى صيانه شامله على الماتور و العفشه فى التوكيل هل ده متاح و لا انا ملتزم فقط بمواعيد الصيانه و لا ايه خصوصا ان العربيه 2009 يعني فاضلها شهرين تلاته و تخرج من الضمان فانا عايز اغير فيها كل الحاجات زي التيل و السيور و الزيت عشان ابتدى معاها الصيانه من الاول

و عايز اعرف اسعار قطع الغيار الاساسيه دلوقتى كام فى التوكيل
يعني تيل امامى و خلفى ؟
فلتر زيت ؟
فلتر هوا
فلتر تكييف
كل الحاجات للماتور و العفشه بتاعت الصيانه العاديه او مثلا صيانه كبيره شويه
نصيحتكم يا شباب و اسف على الاطاله

الف مبروك ياباشا وربنا يديك خيرها ويكفيك شرها

طبعا الاسئلة كتيرة جدا ربنا يسهل واقد ارد عليها وهجاوبك بالترتيب :

1- بالنسبة لقربة المياة انت المفروض لو لقيتها فاضية يبقى حضرتك لازم تراجع مياة الردياتير , دة اولا , وتعمل كبس دورة تبريد ثانيا عشان تعرف التسريب منين

2- هو حضرتك هتروح تنزل السوفت الجديد للكنترول وان شاء الله المشكلة ديو هتروح تماما وبينزل ب150 جنية

3- طالما عندك رجة خفيفة عند الملفات يبقى كدة العيب من الكوبلن الخارجى ( رأس الكوبلن )

4- سعر البطارية فى التوكيل 550 جنية بالضريبة يعنى اغى من برة ب100 جنية او 70 جنية تقريبا

5- بالنسبة للسينسور بتاع ظبط ارتفاع المصبايح الكترونيا دة بيبقى متركب على المساعد اول لما بينزل لمسافة معينة بيبدأ يقوم بتظبيط النور اتوماتيك

6- بالنسبة للصيانة فطبعا لازم تروح فورا تشوف الكبالن والكلام دة والقواعد لان كل دة داخل الضمان لكن السيور والحاجات دية انت بتدفعها وطبعا لازم تعملها تقرير حلو هناك عشان تعرف حالتها

7- بالنسبة للاسعار :

1- تيل الفرامل امامى بيعمل 600 جنية وخلفى لسة قدامك كتييييييييييييييييييييير على ماتغيرة

2- فلتر الزيت فى التوكيل ب60 جنية وخارج التوكيل واصلى بردة ب45 جنية

3- فلتر الهواء ب250 جنية

4- فلتر التكييف ب 200 جنية

بس كل دة لسة بدرى علية انت حافظ عليهم عن طريق تنظيفهم كويس ( فلتر هواء- تكييف )

8- بالنسبة لاستهلاك البنزين طبعا عالى جدا انت الاستهلاك الطبيعى بتاعك داخل البلد فى الصفيحة 200 كم والسريع 300 كم للصفيحة واكتر شوية كمان بس انا بتكلم على سرعة عالية نسبيا 140 - 150

كدة انت مشكلتك كلها هتحتاج تعمل تحديث للسوفت بتاع ال ecu وان شاء الله المشكلة تتحل لانها ممكن يكون ال ecu واخد امر انك بتجرى فطبعا دة بيزود الاستهلاك

**HISHAM80** · 30-09-2011 10:36 AM

آه حضرتك متغيرش الزيت لسه متغير في التوكيل mobil 1

**hamada_amg** · 30-09-2011 11:07 AM

المشاركة الأصلية كتبت بواسطة mohammadrashee

الف مليون مبروك الهوندا عربيه محترمه جدا
انا مش هقدر افيدك لأني معايا تويوتا بس انا متابع جيد للهوندا عشان لنا اغير

الله يبارك فيك يا فندم و انا من الناس اللى بتحترم التويوتا جدا ماشاء الله عليها
لكن الهوندا بصراحه غلبت كل اليابانى من تجربتى معاها و انا جربت التويوتا قبل الهوندا و قارنتها كتير لكن الهوندا كسبت الرهان

لو عايز رايي توكل على الله و هات هوندا و ان شاء الله مش هتندم على التغيير ده ابدا

**hamada_amg** · 30-09-2011 11:13 AM

المشاركة الأصلية كتبت بواسطة hisham80

ربنا يبا ركلك فيها وميكنش لقيت حاجه فيها زعلتك مننا على فكره موضوع الميه عمرها منقصت يعني مزودنها ش ولا مره من يوم مشترينها ممكن يكون الغطا مكنش مقفول كويس بعد ما شيكو عليها في صيانه
بالنسبه للصيانه حضرتك متعملش حاجه في العفشه غير موضوع الرجه زي مقولت حضرتك قبل كده وهيا مش بينه يعني احنا مخدناش بالنا الا بعد فتره فمن راي ملوش لزمه تعملها
الفرامل لسه فيها شويه لما كشفنا عليها والسيور لسه العربيه ممشيتش انت ممكن تغر فلتر الهوا بس
بس مهندس الصيانه مرداش يغيره ونضفه بالهواء
النور العالي أنت بس علشان بتقرنه xenon بتحس انه ضعيف شويه أنت ممكن تغير المبه بواحده الاضاآه بتاعتها أقوى شويه زي crystal clear
الصراحه موضوع التأخير محسناش بيه لان مشويرنا كانت جوه البلد ومركنهاش كتير

المشاركة الأصلية كتبت بواسطة hisham80

آه حضرتك متغيرش الزيت لسه متغير في التوكيل mobil 1

استاذ هشام ربنا يخليك و ياباشا طالما العربيه سليمه اساسا و كلها تمام يبقى الرتوش ده متزعلش حد و لا تعيب العربيه ده شيء طبيعي ووارد يكون موجود

و موضوع الميه ده انا فعلا شاكك فى الاربه و فى غطاها انه مكانش محكم كويس فعلا

و موضوع الرجه ده بقى فعلا باين دلوقتى اكتر من الاول خصوصا فى الملفات و انا عموما هاكشف على العفشه كلها و اشوف لو فيها اى شيء تاني من بابا الاطمئنان فقط لا غير

النور بتاع العالى ضارب فى الارض زي ما تكون اللمبه موجهه لاسفل اعتقد ان ده عايز بس يعلى سنه لفوق مش اكتر من كده فى ظبطة الفانوس الاساسيه و بعدها نحكم على اللمبه نفسها

و موضوع التأخير ده فعلا مش باين غير لما بتكون ماشي هادي جدا و رجلك على البنزين هاديه

و استاذ حسن قالى على الزيت فعلا انه لسه مغيره لى 30000 و التيل فاضل فيه حوالى 2000 كيلو

انا بس قلت استفسر عشان ابقى لامم بكل الدنيا و انا فى التوكيل مش اكتر من كده

**hamada_amg** · 30-09-2011 11:25 AM

المشاركة الأصلية كتبت بواسطة semsem kane

الف مبروك ياباشا وربنا يديك خيرها ويكفيك شرها

طبعا الاسئلة كتيرة جدا ربنا يسهل واقد ارد عليها وهجاوبك بالترتيب :

1- بالنسبة لقربة المياة انت المفروض لو لقيتها فاضية يبقى حضرتك لازم تراجع مياة الردياتير , دة اولا , وتعمل كبس دورة تبريد ثانيا عشان تعرف التسريب منين

2- هو حضرتك هتروح تنزل السوفت الجديد للكنترول وان شاء الله المشكلة ديو هتروح تماما وبينزل ب150 جنية

3- طالما عندك رجة خفيفة عند الملفات يبقى كدة العيب من الكوبلن الخارجى ( رأس الكوبلن )

4- سعر البطارية فى التوكيل 550 جنية بالضريبة يعنى اغى من برة ب100 جنية او 70 جنية تقريبا

5- بالنسبة للسينسور بتاع ظبط ارتفاع المصبايح الكترونيا دة بيبقى متركب على المساعد اول لما بينزل لمسافة معينة بيبدأ يقوم بتظبيط النور اتوماتيك

6- بالنسبة للصيانة فطبعا لازم تروح فورا تشوف الكبالن والكلام دة والقواعد لان كل دة داخل الضمان لكن السيور والحاجات دية انت بتدفعها وطبعا لازم تعملها تقرير حلو هناك عشان تعرف حالتها

7- بالنسبة للاسعار :

1- تيل الفرامل امامى بيعمل 600 جنية وخلفى لسة قدامك كتييييييييييييييييييييير على ماتغيرة

2- فلتر الزيت فى التوكيل ب60 جنية وخارج التوكيل واصلى بردة ب45 جنية

3- فلتر الهواء ب250 جنية

4- فلتر التكييف ب 200 جنية

بس كل دة لسة بدرى علية انت حافظ عليهم عن طريق تنظيفهم كويس ( فلتر هواء- تكييف )

8- بالنسبة لاستهلاك البنزين طبعا عالى جدا انت الاستهلاك الطبيعى بتاعك داخل البلد فى الصفيحة 200 كم والسريع 300 كم للصفيحة واكتر شوية كمان بس انا بتكلم على سرعة عالية نسبيا 140 - 150

كدة انت مشكلتك كلها هتحتاج تعمل تحديث للسوفت بتاع ال ecu وان شاء الله المشكلة تتحل لانها ممكن يكون ال ecu واخد امر انك بتجرى فطبعا دة بيزود الاستهلاك

استاذ سمسم عمده الهوندا فى المنتدى
انت عارف ياباشا ان مواضيعك كان ليها تأثير كبير عليا جدا عشان اغير من البومه للهوندا
خصوصا بعد تجربه ال500 كيلو بالبومه حسستنى انها عجله و انا كنت مستمتع بالبومه جدا
لكن فعلا حسيت انها عجله مقارنه بالهوندا

1- بالنسبه للقربه انا لما لقيتها فاضيه فعلا بصيت على الريداتير و لقيته مليان تمام عشان كده زودت الاربه بس و قلت اخلى التوكيل يكشف على الدوره كلها مش كده صح و احسن و لا ايه ؟

2- بالنسبه لموضوع تنزيل السوفت ده بقى هل انا اطلب انهم يغيروا السوفت و لا اقول المشكله بس و هو هيغير السوفت ؟

3- فعلا هى راس الكوبلن اللى عامله القلق ده و سهله انها تتغير مفيهاش مشكله

4- بالنسبه للبطاريه اعتقد ان الفرق مش مستاهل انى اجيبها من بره و يكون احسن انى اعمل كل شغلها فى التوكيل خصوصا ان العربيه 2009 يعني كلها شهرين او 3 و تخرج من فتره الضمان فاخد سنه على الباطاريه من الضمان يكون احسن من بره

5- انا فاهم موضوع السينسور ده و بتكلم على النزول ده اكيد له مستوى بيتظبط عليه مانيوال الاول و بعدها السينسور يشتغل صح و لا ايه

6- طيب حضرتك شايف اتعامل مع التوكيل ازاى فى كل ده يعني اروح اقولهم انا عندى كذا و كذا و اعملوا كذا و كذا و لا اقول اعملوا تشيك كامل و بعد التقرير نتفاهم ؟؟؟؟؟

7- شكرا على الاسعار و الله زي الفل مش عارف ليه مش حاسس انها غاليه زي راي معظم الناس
يعني انا شايف ان اللانسر فى حاجات فيها اغلى من الهوندا
تخيل ان فلتر الهوا فى اللانسر كان ب 245 الاصلى و من بره التوكيل و فلتر التكييف كان ب 360 جنيه الاصلى و انا عموما هاعمل تشيك كامل عليهم و اللى محتاج يتغير اغيره و اللى مش محتاج هنضفه

8- موضوع البنزين ده فعلا اللى عاملى قلق لانه عالى فعلا لكن هنشوف راي التوكيل ايه و موضوع السوفت ده هيكون بعده ايه الاخبار

طولت عليك ياباشا و سألتك تاني بس بصراحه هى فرصه انك رديت عليا

عموما ياريت حضرتك تقولى اتعامل ازاى زي ما سألت حضرتك فى النص مع التوكيل عشان اعمل كل ده و مستنى الرد

**Horsepower** · 30-09-2011 12:09 PM

الف مبروك ربنا يديك خيرها ويبعد عنك شرها وشر الطريق
حاول بس ماتتاخرش في الكشف عن مشكلة الرجة لأن من كلامك أنا شاكك انها تكون مشكلة قاعدة الموتور الشهيرة ،،، ماتقلقش منها والتوكيل عارفها وبيعملوها في ساعتين زمن ليس اكثر ،،، بس بصفة عامة مهم انك ماتتأخرش في الكشف عن اي مشكلة تظهر وتصلحها علشان ماتكبرش ولا قدر الله تكون سبب في مشكلة ثانية.
والف مبروك مرة ثانية ونشوفك في المقابلات الجاية :))

-

الموضوع: و اخيرا بقين هونداوي و الحمد لله و هذه هى الحكايه

LinkBack

أدوات الموضوع

عرض

و اخيرا بقين هونداوي و الحمد لله و هذه هى الحكايه - انشر الموضوع فى :

-

-

-

-

-

-

المواضيع المتشابهه

الحمد لله جبت اخيرا فيات 127

اخيرا قسم فيات رجع الحمد لله

الحمد لله اخيرا استلمت

اخيرا Mazda 3 الحمد لله

الحمد لله اخيرا جبت الميجان

الكلمات الدلالية لهذا الموضوع

المفضلات

المفضلات

ضوابط المشاركة