صباح الخير يا جماعة ... ويارب نشوف بلدنا فعلا في حال افضل
انا محتاج برنامج للصيانة افضل من برنامج teamviewer
البرنامج ده للي مش عارفه
برنامج للصيانة عن بعد يعني زي الريموت ديسكتوب كده
بس مش بيحتاج اي بي ثابت او اي حاجة اضافية
البرنامج بينزل على الجهاز وبعدين بيظهرلنا مجموعة ارقام عند تدخيلها من الجهاز الاخر بيقدر يشوف الجهاز الاول ويتحكم فيه علشان يعمله صيانة
اسف على الاطالة في الجزء ده ......... المهم
انا محتاج برنامج افضل من teamviewer وياريت يكون فيه امكانية الفل سكرين يعني الشاشة الكاملة
حاجة تاني هل فيه برنامج ممكن يكون موجود يخليني اقدر اتحكم في الجهاز زي ما اكون قاعد قدامه بالظبط ؟ يعني لو حابب ادخل واعمل جوست مثلا من الدوس او اعمل استرجاع للصورة هل فيه برنامج يخليني اتحكم في الجهاز بالصورة دي ؟؟؟ وطبعا ده يشمل تنزيل ويندوز جديد وكده
انا عارف ان ده شبه مستحيل بس الواحد عارف ان التكنولوجيا مش هتسيب حاجة مستحيلة
ياريت يا جماعة تردوا عليا
متتصوروش teamviewer انقذني كتير جدا وسهل الدنيا معايا بس انا بدور على الافضل اكيد
اللي بتتكلم فيه بيتعمل ب ip kvm بيوصلك علي الجهاز وتقدر تعمله من اول باور وتعديل البايوس لاي حاجة تانية
ودا بيبقي متوفر في شغل السيرافرات الكبيرة
بس اعتقد فيه منه 8 بورت نا في مصر بس مش متذكر سعره
المفضلات