استشاره فنيه بخصوص كاوتش

**tiger45** · 30-09-2011 12:05 PM

السلام عليكم ورحمة الله وبركاته
اخواني اعضاء المنتدي الكرام انا احتاج لاستشاره بخصوص كاوتش
انا كان عندي عجلتين علي الجنب اليمين حالتهم سيئه جدا فرحت توكيل بريدجيستون عشان اغيرهم باتنين جداد بس ملقتش نفس النقشه زي اللي كانوا ركبين عندي
فانا كنت ناوي اركبهم قدام زي ما الواحد كان بيسمع ومتعود علي كده والقدام ارجعهم وري
بس فوجئت هناك في توكيل بريدجيستون انهم بيقولوا لي ان الجداد يركبوا وري
والقدام يركبوا قدام
لما سئلت مدير المكان قال لي انهم كانوا زمان بيعملوا العكس طلع الصح انهم يحطوا الاجدد ورس مش قدام
عشان العربيه لو لا قدر الله حصل حاجه في الكاوتش اللي قدام ممكن اتحكم الي حد ما عن طريق الدريكسيون انما الوري مفيش اي نسبة تحكم
يا تري الكلام ده صحيح ولا ايه؟؟؟؟؟
اسف علي الاطاله

**SeaShark** · 30-09-2011 01:23 PM

أول مرة أسمع الكلام ده

طبعا الجديد يركب ادام عشان انت بتتحكم في العربية من قدام مش من ورا

و بعدين الجديد هيكون تيوبليس و القديم هيكون في داخلي و اللي في داخلي لما العجلة بيجيلها مسمار بتفسي فجأة و مش هتلحق تتحكم في العربية

التيوبليس لما بيجيله مسمار ممكن العجلة تعد تفسي في شهر.

كلام غير منطقي طبعا - الجديد ادام.

**WalidAdel** · 30-09-2011 02:44 PM

هو طبعا كلامهم صح .... بس احنا علشان طلعنا لاقينا الكلام ده اللي هو تحط الجداد قدام و القديم ورا
فاستحاله تصدق ان العكس صحيح لكن هاديلك مثال بسيط
لو تعرف ان كل النص نقل لما بيجي يغير الكاوتش بيغير اللي ورا بس و بيخالي اللي قدام زي ماهو
علشان الحمل كله ورا مع ان التحكم قدام بس لو فرده نامت ورا هيا كفيله انها تقلب العربيه و دا شوفته قدام عيني والله في عربيه نص نقل الفرده اللي ورا ريحت و هو ماشي و محمل و هوب قامت العربيه مقلوبه
لكن قدام لما تنام التحكم في العربيه هايبقي كويس احسن من ورا
انا شوفت فيديو لعربيه جاجورا X-Type ماشي علي ريق سريع و في ملف العحله اللي ورا نامت طبعا طبعا العربيه اتقلبت 5 - 6 قلبات و كل سنه و انت طيب علي العربيه و اللي فيها

**Sehsss** · 30-09-2011 03:09 PM

مع الأسف طلع فعلا الصح انك تخلي اللي وراء جداد !!!!!!!!!

**egyptiandiver** · 30-09-2011 04:42 PM

غير الكل

**tiger45** · 01-10-2011 12:53 AM

انا مغيرتش الكل عشان القدام عندي ممشوش 30000 بس وهما قالولي انه بيتغير علي 50 الف
وانا متشكر جدا علي تاكيد المعلومه لاني كنت قلقان جدا ان الكلام ميكنش مظبوط