المشاركة الأصلية كتبت بواسطة semsem kane
طيب ياباشا مشكلتك بسيطة جدا ان شاء الله
دلوقتى اللى بيحصل عندك دة ناتج عن عدم قدرة حساسات الهواء بالسيارة فى قرائة التغير اللى بيحصل للعربية نتيجة لوجود شوائب كاربونية كتير فى البوابة وكمان بتبقى متراكمة على الحساسات فبتعيق القراءة الصحيحة , و لان طبيعى انك اول لما بتشغل العربية بتكون عالية وتبدأ تنزل تدريجا مع ارتفاع مؤشر الحرارة , يجى هنا بقى دور بلف الايدل انة مش قادر يشتغل على السلانسية وهو فى معدلة الطبيعى عشان كدة كل مالحرارة تعلى الكنترول طبعا بيكون مدى امر بخفض نسبة الهواء والبنزين الموجودة لان المحرك اصبح فى حالة تشغيل مثلى
يبقى حضرتك مهما نظفت الحساسات هترجع تعمل نفس العيب تانى بعد اسبوع مثلا
يبقى دلوقتى لازم حضرتك تفك الثروتل بودى + خراطيم المياة اللى واصلة للايدل وتنظفهم كويس جدا بال wd-40 + الحساسات طبعا وخصوصا بلف الايدل وان شاء الله المشكلة هتروح وبعد كدة كل فترة تابع دورة النظافة , وياريت ترش منظف انجيكشن فى البوابة نفسها بحيث تنظف اى شوائب عالقة فى الرشاشات طبعا الموضوع دة يتعمل والسيارة باردة تماما , والمحرك مطفى