الموضوع: من النهاردة كل واحد يولع فيه شركته "شركات جوجل من جوه "

المشاركة الأصلية كتبت بواسطة Powert

انا عايز اقولك ان معلوماتك غلط شركة IBM في مصر
بتشتغل برمجة وبتعتمد على المصريين اعتماد كبير
لانهم انضف تماغ واقوى عقول في العالم في
البرمجة وبيجوا في المرتبة التانية بعد الهنود

وهما مش بس بيعملوا تعريب لبرامج لأ وبيشتغلوا
في اهم جزء في البرمجة وهو البرمجة الحسابية

من فترة تقريباً سنة زار مصر رئيس قسم البرمجة
في شركة IBM وكتبه عنه مقال مش قادر افتكر في اني مجلة

بس كان بيقول ان المصرين احسن ناس بتشتغل
في البرمجة وفي اهم اجزائها وانهم بيعتمدوا علينا
وانهم تفوقوا على شركات تانية بره في العالم بسببنا
وبسبب اعتمادهم على الهنود كمان

انا لما أتكلمت أتكلمت علي ميكروسوفت و جوجل و لكن حتي IBM
أدخل مثلا علي
http://en.wikipedia.org/wiki/Ibm
و شوف لو كلمه egypt أتكتبت مره واحده أو حتي لو الفرع الي هنا أتكتب مره واحده
و خش علي http://www.ibm.com/eg/ و علي http://www.ibm.com/us/
و شوف الفرق
حتي لو دخلت علي http://www.ibm.com/ibm/eg/ علشان تشوف هما كاتبين إيه عن نفسهم هتلاقي شويه كلام عام و بعدين لنكات من موقع US

أنا ماكنش قصدي إن المصريين أغبياء أو أنهم مش كويسين في البرمجه

أنا عارف أنهم من أحسن العقول و الكلام ده كله لكن لما بيلاقوا واحد كويس فعلا بيخدوا بره

و كل المبرمجين الي شغاين هناك هتلاقيهم بيتعبوا و يشتغلوا فعلا علشان يطلعوا لفرع للشركه بره مصر

في حاله IBM فا الشركه دي بالزات متخصصه في ال Supercomputers و أجهزه ال Mainframe الي هي موجوده عند البنوك أو الحكومه و ال servers و في الحاله دي بيخلوا الي بيشتغل عليها من أهل البلد علشان ماتحصلش مشاكل و كده
أنت أمتي أخر مره سمعت عن أجهزه كومبيوتر عاديه IBM دا حتي اللابتوبات باعتها لlenovo

فا علشان كده المهندسين بتوع IBM مختلفين عن الباقي شويه


لكن مثلا ماتحولش تقنعني أن المهندسين في Intel Egypt الي هي مافيش مصنع بروسيسورز أساسا هيكونوا زيهم في أمريكا أو اليابان أو إسرائيل

أخر حاجه أنا عايز أقولك أنا مش بأقول خالص أن المهندسين أو المبرمجين المصريين أغبيا لا أبدا
أنا بس كنت بأقول أن الشركات مش مهتمه بتطوير فرعها في مصر
العناصر الكويسه قوي بتاخدها علي بره و بتخلي برضه عناصر كويسه علشان تضمن أن الفرع هيفضل شغال و الدعم منه هيبقي كويس و خلاص

و بص علي دي مثلا

May 8, 2008 Investment Manager Egypt - Egypt, Cairo May 6, 2008 Corporate Affairs Mgr Egypt Egypt - Egypt, Cairo Apr 28, 2008 Technical Marketing Engineer Egypt - Egypt, Cairo Apr 15, 2008 Financial Analyst Egypt - Egypt, Cairo Apr 6, 2008 Facilities Office Manager Egypt - Egypt, Cairo Mar 28, 2008 Business Development Manager Egypt - Egypt, Cairo Mar 24, 2008 Market Development Manager Egypt - Egypt, Cairo

دي الوظائف عند أنتل في مصر
كلها تسوق و مبيعات
http://www.intel.com/jobs/jobsearch/...tion=200000058

المشاركة الأصلية كتبت بواسطة alaa_dash

خد ديه يا باورت و ادعيلي ..حتة ادهم صبري ..بصراحة مش عارف اذا كانت صح و لا لاءة...بس يا رب تبقى صح..

مهندس مصري يصفع الموساد

انا أسف و ياريت محدش يفهمني غلط بس .......

الموضوع دا غريب قوي قوي و الصور الي هو حاطتها في الموضوع أموت و أعرف إيه علاقتها بالموضوع
و بعدين حاطت لينك لجرنال العربي و اللينك مش بيوديك لحاجه

أنا مش عارف بصراحه بس حاسس إني صعب أصدقه

الابتوبات بس

لكن كل الأجهزه هنا دل

المشاركة الأصلية كتبت بواسطة alaa_dash

لا عادي.. على فكرة انا نفسي قريته كأني بقرأ رجل المستحيل بالظبط ..و بعدين انا مش هاخد معلومة زي ديه من مدونة :)

انا كنت قريته بس من مدة طويلة شوية ..وكانت على موقع مشهور بس للأسف انا مش فاكره ..حتى لما حاولت اجيب القصة تاني تعبت عشان الاقيه..فالمدونة ديه كان المتوفرة .. و اذا ماكانش حقيقي اديني عشت وهم تفوق بلدي خمس دقايق ..

من نفسي :)

رجل المستحيل .... ياااه فكرتني بالذي مضي كانت أيام :D


و علي العموم ألف شكر علي الموضوع