الاضواء التحذيرية في التابلوه.. (موضوع هام جدا..)

**zeyad1810** · 16-05-2008 07:43 AM

ربنا يباركللك وعقبال المشاركة المليووووووووووووون

**ams** · 16-05-2008 08:06 AM

موضوع رائع و ارى ان مكانه هو التعليمى
جزاك الله خيرا

**دموع الثلج** · 16-05-2008 10:54 AM

اللمبة دي بقي يا جماعه بتاعت نظام اسمه Skidding Road او الطرق الزلقة.. المزحلقة يعني..
و بنشغل النظام ده لما تكون بتطلع في ارض فيها مية او زيت او تلج او رمل ناعم قوي.. و ده بيقلل عزم العربية في الطلوع عشان العجل ميلفش في الفاضي و كمان العربية متنحرفش و تلف منك و تغير اتجاهاتها..
المعلومة دي انا عرفتها من الاخ هشام ابو النجا من منتدي اوبل هنا.. و برضه ده عكس نظام القيادة الرياضية..
يعني لو شغلت ده يلغي التاني و العكس صحيح..

الف مبرووووووووك على المشاركه الالف والف شكر كمان على الموضوع لانه رائع وهيفيد خصوصا المبتدئين فى السواقه

انا عارفه كل اللمبات دى معناها الحمد لله والتصرف فى حاله ظهور مشكله منهم وده كانت اول حاجه عملتها لما استلمت العربيه قعدت افصص كل اللمبات وكل العلامات

لكن اللمبه دى غريبه ومش موجوده تقريبا فى عربيتى ومش فاهمه اخر جمله ( يعنى لو شغلت ده يلغى التانى والعكس صحيح )

ياريت توضحها لى وجزاك الله كل خير

**Ahmad Allawy** · 16-05-2008 10:55 AM

ams بك..
انا فعلا كنت متردد وانا بابعت الموضوع علي المنتدي العام.. و كنت حاسس بكده برضه..
بس كنت متردد..
بس ميزة وجوده هنا ان في ماس كتير قوي مش بتدخل املنتدي التعليمي اصلا او بتمر عليه مرور الكرام.. لكن هنا الناس هتستفيد بيه اكتر..
وانا حطيت لينك عليه في التعليمي علي فكرة.. علشان اللي مهتم يقراه ممكن يشوفه هنا..
علي فكرة.. كل اللي قرا الموضوع هناك 25.. في مقابل حوالي 220 هنا..
يعني نسبة 10% و كل اللي كان يهمني الاستفادة الاكبر مش اكتر..

وعموما.. لو اي حد من المشرفين شايف انه المفروض يتنقل.. انا هاقول سمعا و طاعا..
هما اكيد ادري بالاصح و اللي المفروض يتعمل.. و طبعا اهم حاجة الاستفادة و نمشي علي قواعد المنتدي..
والف شكر ليك يا باشا علي التفاعل و المشاركة الايجابية..

**Ahmad Allawy** · 16-05-2008 11:27 AM

المشاركة الأصلية كتبت بواسطة دموع الثلج

الف مبرووووووووك على المشاركه الالف والف شكر كمان على الموضوع لانه رائع وهيفيد خصوصا المبتدئين فى السواقه

انا عارفه كل اللمبات دى معناها الحمد لله والتصرف فى حاله ظهور مشكله منهم وده كانت اول حاجه عملتها لما استلمت العربيه قعدت افصص كل اللمبات وكل العلامات

لكن اللمبه دى غريبه ومش موجوده تقريبا فى عربيتى ومش فاهمه اخر جمله ( يعنى لو شغلت ده يلغى التانى والعكس صحيح )

ياريت توضحها لى وجزاك الله كل خير

شوفي يا ستي..
انا اصلا شوفته في عربيات اوبل بس.كويس..؟؟ و هو اكيد مش حاجة خاصة باوبل يعني.. بس اكيد موجوده في عربيات الماني كتير..
و من كلامك انا متوقع ان عربيتك اسيوية الصنع.. (ده استنتاج شخصي قد يكون صح او غلط.)
هو موجود في عربيات اوروبي كتير علي ما اعتقد..و الماني و ده اللي انا واثق منه.. زي المرسيدس و البي ام و غيرها..
ده مش معناه انه مش موجود في عربيات اسيوي.. أ هو موجود بس في موديلات حديثة قوي بس مش عربيات قديمة و ممكن ميكونش في الموديلات اللي بتنزل مصر بس..

وفي حاجة تانية كمان.. لما دورت علي النت عشان اجاوب عليكي.. لقيت ان النظام ده بقي موجود كجزء من نظام تاني اسمه dynamic stability control (DSC) و ده موجود في عربياتكتير دلوقتي.. منها الاوروبي و الاسيوي.. و الامريكي..
النقطة بقي ..
ممكن ميكونش ضمن الاوبشنز اللي متاحةهنا في مصر في عربيتك.. بس تكون بتزل برة..
ممكن ميكونش بينزل في موديل عربيتك اصلا ولا هنا ولا برة..
ممكن يكو ضمن النظام السابق ذكره و يكون بيشتغل اوتوماتيك مش بتحكم خارجي من اللي بيسوق يعني

كل دي احتمالات و هي اجتهادات شخصية و نتيجة بحث علي النت بس مش بحث دقيق قوي يعني نظرا لضيق الوقت شوية
ويا ريت لو حد عنده معلومات اكتر يقول لنا..

انما عن موضوع ان لو شغلتي واحد فيهم يلغي التاني.. فده منطقي..
بمعني.. ان الواحد لما بيشغل المود ده العربية بتقلل عزم الحركة شوية..
و برضه الواحد لما بيشغل مود القيادة الرياضية او السبورتس مود علي العكس بقي بيزود عزم العربية جدا..
وواضح ان مفعول النظامين متناقض.. و مينفعش الاتنين يشتغلوا مع بعض..
و الكلام اللي كتبته ده انا قولتلكم اني عرفته من واحد زميلنا في منتدي اوبل اسمه هشام ابو النجا.. و ده هو جربه كمان..
يعني جرب يشغل ده و ده في نفس الوقت لقي لما بيشغل واحد بيطفي التاني و هكذا..

اتمني اني اكون افدتك يافندم..

**دموع الثلج** · 16-05-2008 11:42 AM

الف شششششششششكر لردك انا عربيتى ياريس فول اوبشن اتوماتيك هدور فى المانيول بتاع العربيه وهشوف حكايه اللمبه دى ياريت تكون موجوده انا شايفه انها مفيده جدا خصوصا فى الشتاء وطلوع الكبارى والمنازل ايام المطر

**Ahmad Allawy** · 16-05-2008 11:47 AM

ولا يهمك انا تحت امرك..
بس هاقولك حاجة..
الموضوع مش هتجسي بفرق كبير قوي فيه في المطر.. عشان كاوتش العربية مصمم انه ثباته علي الطرق المبتله بيكون كويس برضه..
وبعدين عربيتك الكاوتش الاصلي بتاعها بريدجستون ياباني يعني نوع نضيف جدا و هتلاقي ثباته علي المية كويس جدا..
الغرض الاساسي للمود ده الحركة في التلج او لو في زيت علي الارض.. مش المية العادية و المطر ولا التراب حتي..
عشان كده انا زي ما كنت متوقع انه كان بينزل في العربيات الاوروبي عشان بحكم الطقس عندهم هناك في الظروف دي و اللي مش بتبقيمتوفرة في الدول الاسيوية.. غير قليل قوي يعني..

(عشان كده انا قولتلك ده استنتاج شخصي..) و اهلا بيكي و نورتي الموضوع.. :)
هو ده الكلام.. عايزين مشاركات ايجابية كده من كل اخواتنا ف المننتدي هنا..عاوزين التواجد ميبقاش بعد المشتركات بس..لأ يبقي التواجد ايجابي و قوي..