رجاء المساعدة صوت رجرجة فى الكروز و بحس بيها فى الدركسيون بسيط جدا

**Ahmedsa33** · 01-10-2011 12:44 PM

يا جماعة بقالى شهرين حاسس ان العربية بتخبط على أأقل حفرة على الطريق و الكلام دة طبعا جوا البلد على الطريق اكمنى بجرى بالعربية مبحسش بالكلام دة و بعدين بحس بصوت التخبيط دة فى دواسة البنزين و اللى جاب اخرى قابلنى واحد انهاردة و سألنى العربية عاملة اية معاك اصل لية واحد قريبة اشتكى من سكاترة العربية بيقولوا انها بلاستيك مش معدن و انا بصراحة مش عارف اذا كان الكلام دة صح و لا هجس و فى نفس الوقت انا كان عندى هيونداى اكسنت قبل كدة و كان نفس الحوار بيحصل فيها و كانت فعلا الاسكاترة و غيرتها حد بقى من المتخصصين يفيدنى و يقولى اية الكلام

**mido** · 01-10-2011 01:02 PM

متابع

**ahmedaglan** · 01-10-2011 02:36 PM

يامعالي الباشا ان شاء الله سليمة ومع اول صيانة جايا ليك قول لمهندس الصيانة علي الي عندك وهما هيحلوهالك بأذن الله
وممكن يكون الاتى
ترصيص مش كويس عندك
قواعد الموتور مش متربطة كويس
ان شاء الله خير متقلقش وخليها علي الله

**mhmdalsaadany** · 01-10-2011 02:52 PM

بلاستيك ازاي يعني
يعني انا لو اخدت مشوار طويل بالعربيه تسيح وملاقيش معايا دركسيون ولا ايه
دي يا باشا ناس بتقول اى كلام
ان شاء الله تكون بسيطه وفي الصيانه القادمه ليك تتحل ان شاء الله ممكن يكون في الاغلب تربيط عفشه وان شاء الله خير