تيل فرامل بومة

**ahmedhosssamy** · 02-10-2011 03:45 AM

اصدقائى الاعزاء انا محتار هل يجب ان اركب تيل فرامل اصلى ولا فى انواع ارخص زى السوميتومو فى الجودة؟ اريد خبراتكم
ايضا زيت الفتيس الcvt اين اجدة برة التوكيل و هل التوكيل عندة ولا بيحط زيت موبيل عادى احمر
و ايضا متى نغير زيت الفتيس عند كام كم
عند كام كم نغير فلتر البنزين
ارجو المساعدة

**M.Al-Hefnawy** · 02-10-2011 06:51 AM

هو تيل الفرامل الاصلي أفضل بس غالي جدا لأن سعره 450 جنيه ... فيه أنواع تانية معقولة وكويسة بردو زي الجولد الكوري بـ 70 جنيه - ريمسا اسباني 115 - وفي بعض أعضاء جابو تيل اسمه Hi Q تقريبا كوري وشكروا فيه.
زيت الـ CVT مش موجود غير في التوكيل وسعره 55 جنيه للتر والعربية بتاخد حوالي 8 لتر ولو مش موجود بيحطو موبيل 320 كبديل ليه وبيتغير كل 40 ألف كيلو
أنا بغير فلتر زيت الموتور مع كل غيار زيت عشان انا بحط موبيل وان بيقعد 10.000 كيلو

**ahmedhosssamy** · 04-10-2011 01:59 AM

عفوا انا اقصد فلتر البنزين بيتغير كل كام كم

**M_Marwan** · 04-10-2011 02:58 AM

فلتر البنزين يتم تغيره كل 40 ألف كيلومتر

**ahmedhosssamy** · 04-10-2011 03:23 AM

فى الكتالوج مكتوب ان فلتر البنزين بيتغير كل 60 الف . اريد ان اعرف هل تيل الفرامل الريمسا او اى غيرة ليس الاصلى هل يوثر فى الabs

**bassem_sams** · 04-10-2011 11:43 AM

المشاركة الأصلية كتبت بواسطة ahmedhosssamy

فى الكتالوج مكتوب ان فلتر البنزين بيتغير كل 60 الف . اريد ان اعرف هل تيل الفرامل الريمسا او اى غيرة ليس الاصلى هل يوثر فى الabs

لأ مش بيأثر على abs لأن ِabs نظام لما تكون ماشى بسرعه عاليه و تقابلك حاجه و لازم تفرمل بسرعه قبل ما تخبط فهتضغط على فرامل بقوه مفاجئه على سرعه دى هنا نظام abs يفهم انك محتاجه فيشتغلو هتلأقيه بيعمل صوت زى تكته او حاجه اكنها بتكسر بانه يخلى فرامل تقفل بسرعه و تفتح مش تكلبش علشان توقف عربيه فى مده زمنيه اقصر و كمان تقدر تستخدم دركسيون فى تحرك شمال او يمين على حسب موقف
انما تيل فرامل رخيص بيكون مش بأداء اصلى و كمان احيانا بيكون خشن فبيأثر على طنابير فتحتاج للخرط او تغيير حسب حاله
انما فلتر بنزين بيغيروا بدرى على 40 الف و سبب فى عدم نقاء بنزين فى مصر لأنه بيحتوى على شوائب و نسبه كبريت عاليه و احيانا بيغشوه بالماء و الله اعلم ده مجرد تخمين لسبب ليه بيغيروة بدرى

**shalaby2001** · 04-10-2011 12:10 PM

متابع باهتمامممممممممممممممم
موضوع التيل ده

**ahmedhosssamy** · 04-10-2011 03:18 PM

طيب التيل الالمانى او الاسبانى ريمسا حد جربة و معملش مشكلة فى الطنابير؟

**shalaby2001** · 04-10-2011 04:42 PM

بص هو تقريبان لازم نجيب التيل الاصلى اللى لونه اخضر

**bassem_sams** · 04-10-2011 08:23 PM

نصيحه الغالى تمنه فيه مثل تيل فرامل و اطارات سيارة و العفشه و غيرة دى قطع غيار تشيل اصلى و تحط مكانه اصلى ليه علشان ادء جيد و تفضل عربيه كأنها جديده و حالتها جديده مش كل شويه تعمل مشكله و تدوخك و ده نتيجه قطع غيار مش كويسه و بتأثر على حاجات تانيه و تبوظها طيب ليه متريح دماغك انا عارف ان حاجه غاليه و ممكن الواحد بيتزنق فبيجيب رخيص يمشى حاله به بس للأسف احيانا بيضر اصلى ملوش اضرار و بيخليك مطمن خصوصا فى فرامل بحيث لو حصل اى موقف عايز تجيب حاجات رخيصه ممكن زى زجاج سيارة او اكصدام او فوانيس او اريال مش هيفرق دى نصيحه و الله لأخويا بكل امانه هات تيل اصلى و ريح دماغك او انتظر حد من اخوة يكون مجرب تيل كويس وسعره رخيص و بقالوا فترة من غير مشاكل