تغير تيل فرامل لانسر بومة 2006

**wael2sh** · 10-02-2011 01:12 PM

شباب كنت عاوز أسألكم إيه أحسن نوع تيل فرامل بومة 2006 ,,,صراحة عمري ماغيرت التيل بره التوكل ودي أول مرة .,,,التوكيل دايما كان بحاسبني عليه بحوالي 450 تقريبا مع شوية سلطات طبعا بس الحقيقه أنا مستغليه قوي فبفكر اجرب إن أخرج بره التوكيل تنصاحوني اجرب ولا لأ ولو كده محتاج أعرف نوع كويس علشان التنابير متبوظش مني واجيبه منين أنا بروح شبرا كتير والهرم كل يووم تقريبا لو في حد في الحتة دي تبقوا سهلتو عليَّ المشوار ,,,

**fouad19852002** · 10-02-2011 02:01 PM

انا اسمع بس مجربتش التيل التركى حلو تمنه حوالى 70 ج بس الصراحه مجربتوش انا برضو بغير فى التوكيل بس المره الجايه هركب التركى

**as_samman** · 10-02-2011 03:27 PM

مع إحترامي الشديد لجميع الاراء
تيل الفرامل من القطعة المهمه في السيارة ( ما تسترخص فيها )
لو نوع ردىء سوف يؤثر على القدرة و الكفاءة الفرملية للسيارة
و ذات تأثير مباشر على عمر الطنابير ( سوف توفر في ثمن التيل و تدبس في طقم طنابير )
ايها السادة الكرام الأصلي أصلي..... و الغالي ثمنة فيه
ممكن الواحد يسترخص في حاجات تانية كتير و البعد كل البعد عن الاجزاء الحيوية
و السلام عليكم و رحمة الله و بركاته

و نأسف على الإطاله

**wael2sh** · 10-02-2011 09:59 PM

والله يا باشا مش استخسار بس الفرق جامد جدا في السعر يعني لو في مثلا حاجة تكون نضيفة و ب 120 150 أكيد هتكون أحسن من التركي ال ب 70 مش هاسترخاس قوي بس عاوز حاجة محترمة أكيد في حاجة في النص بين el-450 وال 70

**MR . Gold** · 10-02-2011 11:55 PM

المشاركة الأصلية كتبت بواسطة wael2sh

والله يا باشا مش استخسار بس الفرق جامد جدا في السعر يعني لو في مثلا حاجة تكون نضيفة و ب 120 150 أكيد هتكون أحسن من التركي ال ب 70 مش هاسترخاس قوي بس عاوز حاجة محترمة أكيد في حاجة في النص بين el-450 وال 70

[frame="1 80"]
اخي الفاضل في نوع اسمة ريمسا اسباني نوعية ممتازة الحقيقة عن تجربة تيل طري وكويس وحنين علي الطنابير وسعرة معقول بس فية تفاوت في الاسعار من مكان الي مكان اخر بمعني في التوفقية في ناس بتيعوا ( 100 ) وناس تاني (150 )
[/frame]

**nice_bird** · 11-02-2011 01:24 PM

انا عن تجربتي الخاصة انا جبت تيل اسمه JFBK ياباني (علبة خضرا) ومريحني جدا جدا داخل البلد وبصراحة لسه مجربتوش علي طريق بس هوا ناعم في الفرملة ومبيصفرش خالص وقوي لاكن الميكانيكيا اللي اشتغلت عندهم كلهم كانو بيقولولي هات التيل الكوري اللي اسمه Power Q بس للاسف لفيت الدنيا عليه وملقيتوش فجبت دا

**M.Nasr** · 11-02-2011 03:43 PM

انا سمعت عن تيل اسبانى اسمه remsa وب 170 جنيه بس انا ماجربتوش قبل كده

**as_samman** · 11-02-2011 04:39 PM

المشاركة الأصلية كتبت بواسطة lancar

[frame="1 80"]
اخي الفاضل في نوع اسمة ريمسا اسباني نوعية ممتازة الحقيقة عن تجربة تيل طري وكويس وحنين علي الطنابير وسعرة معقول بس فية تفاوت في الاسعار من مكان الي مكان اخر بمعني في التوفقية في ناس بتيعوا ( 100 ) وناس تاني (150 )
[/frame]

حضرتك ممكن تشوف النوع الرخيص بيتغير بعد كام كيلو و مدى تأثيرة على الطنابير
يعني بعد الاستهلاك لا تضطر الى مسح او تغيير الطنابير على المدى البعيد

و نصيحة لوجه الله تعالى العب في اى حاجة غير اي حاجة ممكن تؤثر على امان السيارة
ممكن في الفوانيس , الكشافات , كل القطع البلاستيك , ......... و ماشابه ذلك

**rekillme** · 12-02-2011 10:20 PM

المشاركة الأصلية كتبت بواسطة as_samman

مع إحترامي الشديد لجميع الاراء
تيل الفرامل من القطعة المهمه في السيارة ( ما تسترخص فيها )
لو نوع ردىء سوف يؤثر على القدرة و الكفاءة الفرملية للسيارة
و ذات تأثير مباشر على عمر الطنابير ( سوف توفر في ثمن التيل و تدبس في طقم طنابير )
ايها السادة الكرام الأصلي أصلي..... و الغالي ثمنة فيه
ممكن الواحد يسترخص في حاجات تانية كتير و البعد كل البعد عن الاجزاء الحيوية
و السلام عليكم و رحمة الله و بركاته

و نأسف على الإطاله

الكفاءة الفرملية والقيادة اللولبية .... ايه يا عم فيه ايه ؟؟؟ صباح الفل

**l0new0lf** · 12-02-2011 11:15 PM

انا مركب تيل كورى من المنير ب 65 من 6 شهور على طنابير رمسا 15 اسبانى ب 350 و الفرامل زى الفل و بصيت على الطنابير من اسبوعين و كله تمام اهم حاجه لما تغير التيل تركب كلبسات كويسه ابعد عن المصرى و هات التايوانى الطقم ب 20