تحويل من automatic to manual سيفك 1992 ؟؟

**cupooo** · 02-10-2011 09:08 PM

انا بدور على سيفك 1992 si و مش لاقي خالص hatchback حالة نضيفة فبدات اشوف salon العادية بس كلهم automatic و انا بكرهووووو فعاوز اقلب العربية manual هل دا ممكن و سهل ولا هيحتاج شغل كتير ارجو الشرح ؟؟؟؟

**SAMEH_FOUAD** · 02-10-2011 11:32 PM

بالنسبة للتحويل من اتوماتيك لمانيوال طبعا هيتكلف شوية وهتطلب الاتى :

1 - box manual عشان تركب البدال الثالث بتاع الدبرياج ( 250 جنية )

2- الكنترول بتاعك لازم يروح لكهربائى عشان يقفل الفيشة بتاعة السلونايد لائما تغيرة ( 150 جنية مصنعية ) - ( سعر الكنترول 800 جنية حسب المكنة اللى عندك )

3- هتجيب ماستر دبرياج علوى + الفتيس كامل ( 175 جنية للماستر - الفتيس 1200 جنية وانت طالع على حسب نوع المحرك بتاعك )

4- كونسول مانيوال + عصاية الفتيس كاملة ( 250 جنية - 250 جنية )

5- لو حابب تغير العداد عشان تشيل النقلات الاوتو منة براحتك ( 225 جنية )

ملحوظة اتوماتيك الهوندا ممتاااااااااز وقوى جدا جربة وشوف

**SAMEH_FOUAD** · 03-10-2011 04:20 PM

عموما بالنسبة للفتيس الاتوماتيك بتاع الهوندا او اليابانى قليل لما بيعطل ولو جرالة حاجة هيبقى من الاستخدام نفسة ( يعنى عدم تغير زيت كويس واهمالة , كيك داون كتير من سرعات منخفضة كل شوية , تنقل نقلات غلط تبرجل بيها السيستم اللى ماشى علية الفتيس

غير كدة صدقنى مافيش اى مشاكل واسأل الاعضاء

على فكرة انا زيك كدة مش بحب الاتو بس بجد لما بسوق بتاع الهوندا بحبة جدا فى كل حاجة

وانت وراحتك بس قولى انت معاك لحد كام عشان اقدر افيدك وغاوى شد ولا لأ او طريقة سواقتك عموما