الموضوع: حصريا اول تقرير مصور عن كيا سبورتاج 2012

قولى ياباشا حاسس انك راكب عربية قيمة زى الفولكس والفئات الصغيرة فى البى ام ولا عربى كورى متكورته علشان ينزل بالسعر وينافس

المشاركة الأصلية كتبت بواسطة damasry

الف مبروك على السيارة

بالنسبة لموضوع التكييف اعتقد السبب انك بتكون سايب التكيف على الauto فهو بيفتح الفتحات الخارجة حسب الحاجة

متشكر جدا لسرعة رد حضرتك
بس انا عربيتي الفئة الاولي والتكيف فيها عادي مش اتوماتيك يعني مافيهوش Auto

المشاركة الأصلية كتبت بواسطة kmatshooo

كنت هجيب بى ام 316 او باسات الجديدة بس شفت العربية دى عجبتنى وعاوز نصيحة اجيبها ولا ايه ؟
مع العلم انى راكب المانى بقالى 6 سنين جيتا واوكتافيا

السبورتا كويسة جدا وهجبها ان شاء الله
بس مينفعش تقارنها ب بى ام وباسات خالص لو الفلوس مش فارقة معاك هات واحدة منهم طبعا

المشاركة الأصلية كتبت بواسطة ahmed_911_98

بص يا سيدي عندنا فيمصر المشاريع وال تنايات وال ناس اللي مش بـتعرف تسوق مابتخافش إلى من الكبير حتى لو كانت نص نقل
الاكتافيا أطول حوالي 10 سم
السبورتاج اعراض 10 سم واعلى حوالي 20 سم
مش عارف بـال ظبط ماتور لاكتافيا كام بس السبورتج 140 حصان
قطع غيار السبورتاج حتستحمل أكتر علشان هي هي نفس عفشت ال 4* 4
لاكتافيا فيها أوبشانزطبعا أكتر كتييير ومن جوه افخم كتير مفيش كلام
بس برده قطاع غيار اغلى
وأهم حاجة سعر اعادة البيع طبعا الكوري يكسب
فيمصر هنا عايز حاجة تستحمل المطبات وطبقه رخيصة فيقطاع الغيار ولما تيجي تبعها ماتخسرش كتير
أنا معايا ميجان 2007 كنت ممكن ابيعها وأحط تمن السبورتاج عاليها واجيبلي حتة bm ولا تقولي لاكتافيا ولا جتا بس حأزعل قوي لما مااخدش بالي من بلاعة مفتوحة ولا مطب مش باين ولا سعر قطع غيار

انا معايا اوكتافيا الفئة الى فى النص ومتفرقش كتير عن الهاى لاين غير فتحة السقف والكاسيت بالنسبة للفخامة الاسبورتاج افخم من جوه بكتير من الاوكتافيا ومن الجيتا كمان واوسع
بالنسبة للنعومة الاوكتافيا مش من العربيات الناعمة وكسلانة اوى فى الطلعة وقطع غيارها غالية جدا بس انا معاى اوكتافيا من 4 سنين عربية مريحة وعملية جدا وبتنسى تعمل فيها الصيانة من كتر مابتحسش بمشاكلها وعفشة خيالية انسى انك تعمل فيها حاجة قبل ال100 الف
بس فخامة مش اوى سرعة مش اوى وسع وشنطة اه بس انا ركبت السبورتاج فى المعرض اوسع بكتييير وبذات ورا ولو حد بيقارن بين دى ودى انا شايف السبورتج تكسب لان فئة ال SUV اعلى من السيدان حتى فى الفئة السعرية وعلى فكرة سعر السبورتاج فى اوربا حوالى 30 الف دولار ال 2000 سى سى وسعر الاوكتافيا فى اوربا ال 1800 حوالى 16 الف دولار فده معناه ان السبروتاج اعلى والوكيل بتاع سكودا فى مصر حرامى ومعتمد على رغبة الناس فى العربية والمصريين لما يمسكوا فى عربية بتبقى حاجة تقرف والدليل اللانسر الشكل القديم والانوس الى بقالهم 14 سنة بينتجوا نفس الشكل لمصر بس والناس بتشترى وبتحجز زى الهبل لدرجة ان الانوس بتنافس الادا الى بقالها 50 سنة مغيرتش شكلها
والاوكتافيا نفسها من 96 لحد دلوقتى مفيش تغير جوهرى فى شكل العربية سواء A4 or A5