الموضوع: انا احترت فى الاختيار لانوس ولا اشوف نوع تانى

المشاركة الأصلية كتبت بواسطة mostafa mahmod

و عايز اقول لحضرتك مفيش عربيه مفيهاش عيوب و اللانوس احسن عربيه فى الفئه السعريه دى و اكثرهم انتشارا و اكبر دليل على ده انها لسه بتنزل لغايه دلوقتى فمتهيالى لو فيها عيوب مكانش حد اشتراها
و خدها مبدا عام كل ما بتحافظ على العربيه و بتعملها صيانتها و مبتبخلش عليها هى هتحافظ عليك و مش هتخذلك

من الاخر

المشاركة الأصلية كتبت بواسطة mado83

توكل على الله فى اللانوس
المبلغ ده يجيبلك حاجه حالتها ممتازه موديل 2005
انا بالنسبالى اللانوس افضل من الفيرنا
وطالما الشارع عندك مكسر هتبقى افضل من الكريستاله كمان
وهتلاقيها فول اوبشن
استخير ربنا وتوكل على الله

انا دورت كتير بس للاسف كلها عربيات تعبانه ونزلت السوق وتابعت مواقع زى كونتكت لما بلاقى حاجه كويسه واجى اتصل يطلع مقلب واحد عمله فى زميله وخد من ده كتتتتتتتتير
فعلا زى ما انت بتقول انا اسمع ان الكرستاله واطيه جدااا عن اللانوس طب هو ماينفعش انى اركبلها علايات حسب ما بسمع ؟
واشكر اهتمامك

المشاركة الأصلية كتبت بواسطة michael_lanos

لانوس محترمه، قطع غيار رخيصه، عفشه حديد، بس سحب مش قوى زى الفيرنا ومش بتوفر بنزين زي الفيرنا برده

اه هى فعلا محترمه جدااا بس سمعتها فى اعطلها مقلقه شويه مش مهم موضوع السحب ده اوى لانى مش هطير باالعربيه لاكن المهم توفير البنزين ولا انت مش معايا

المشاركة الأصلية كتبت بواسطة mostafa mahmod

بص يا باشا انت داخل منتدى يعنى اكيد كل اللى هيدخل هيكتب مشكله حاصله له و نادرا لما هتلاقى واحد كاتب مميزات او حاجه حصلتله ( له اقسام خاصه ) اللى اقصده انه اكيد هتلاقى كل الناس بتكتب حاجات بايظه فى العربيه و عايزالها حل و ده نفس الحال لو دخلت قسم الكيا و الهيونداى و حتى البى ام
كلامك مظبوط جدااااا بس مش هلاقى نفس كميه الاعطال وكلها متشابها ولا انا غلاطان معلش هو سعات النقش بيجيب فايده وانا بستفيد من حضرتكم
ا



انا هقولك وجهه نظرى انا بحب 3 عربيات اللانوس و اللوجان و اللانسر الكريستاله
الكريستاله هتبقى موديل قديم و كمان كربراتير فبلاش منها
فبرشحلك اللانوس و اللوجان و بما انك معاك 45 الف يعنى مش هتلحق لوجان يبقى تشوفلك حته لانوس نضيفه موديل حديث و تتوكل على الله
و عايز اقول لحضرتك مفيش عربيه مفيهاش عيوب و اللانوس احسن عربيه فى الفئه السعريه دى و اكثرهم انتشارا و اكبر دليل على ده انها لسه بتنزل لغايه دلوقتى فمتهيالى لو فيها عيوب مكانش حد اشتراها
و خدها مبدا عام كل ما بتحافظ على العربيه و بتعملها صيانتها و مبتبخلش عليها هى هتحافظ عليك و مش هتخذلك

صح كلام منطقى جدااااا

المشاركة الأصلية كتبت بواسطة semsem kane

اللانوس مميزاتها انها قطع غيارها سعرها قليل جدا , ومنتشرة جداااااااااااااا, واى حد بيشتغل فيها وبأرخص الاسعار , وتعتبر مساحاتها كويسة مش واسعة ومش ضيقة مظبوطة يعنى
فعلا انا تعمدت انى اركبها تاكسى مره جنب السواق ومره وراء ممتازه فى الصالون
قطع غيارها فعلا رخيصه جدااااا متابع موضوع اسعار قطع الغيار
طبعا عيوبها انها مش ثابتة بعد 120 , فرامل مش قوية , ومافيهاش اى عوامل امان , بتاكل بنزين , عايزة صيانة باستمرار ولازم تحافظ عليها وماتبهدلهاش , عفشتها ناشفة شوية , سحبها ضعيف خصوصا مع تشغيل التكييف بيبان اوى , طبعا الرشاشات والفتيس ومشاكلهم المستمرة يعنى لازم تحط بنزين 90 على الاقل عشان تحافظ عليهم لانهم بيتعبوا بسرعة
طب موضوع اكل البنزين ده مافيش تعديل مافيش حل معلش هو ليه سحبها بيضعف مع انها 1500 وفى عربيات 1300 مابيحصلش كده مع التكيف مش مهم احط 90 ماهو الى هيخليك تدفع مبلغ زى ده فى عربيه هتستخصر تحطلها 90 الفرق مش مستاهل ابهدل عربيه علشانه ولو حطيت 80 هدفع اكتر م ن الى وفرته اصلاح ورشاشات صح ولا ايه ؟
[color=rgb(0, 43, 255)] على فكرة الكلام دة من تجربة اكتر من عربية دايو لانوس
[/color]
ال byd : واسعة , اوبشن , خامات , مواصفات امان , شكل جميل خارجيا وداخليا , عالية , معقولة فى استهلاك البنزين , ناعمة جداااااااا , تكيفها ممتاز

عيوبها : مش ثابتة بعد ال130 , قطع غيارها مش معمرة مقابل سعرها لان قطع غيارها غالية , التقفيل كويس بس عيبة فية حاجات كدة بتزييق , عفشتها بتبوظ بسرعة جدا

المشكله انها صينى وابن غير شرعى ههههههه شويه تيوتا على متسوبيشى هى توليفه كويسه بس اخاطب مين لما تزعلنى ملهاش توكيل

المشاركة الأصلية كتبت بواسطة sehsss

أي واحدة في الثلاثة كلهم عربيات كويسة جدا، اعمل استخارة، وربنا يوفقك

ربنا يوفقنا ان شاء الله دعواتكم