انا احترت فى الاختيار لانوس ولا اشوف نوع تانى

**MOUSTAFA_SAAD** · 03-10-2011 08:24 PM

مش حتلاقى لوجان بالسعر ده
يبقى شوف اللانوس او لانسر قديمه شويه بس حاله او نوبيرا بس عيبها استهلاك البنزين

**mostafa mahmod** · 03-10-2011 08:36 PM

المشاركة الأصلية كتبت بواسطة aslam555

صح كلام منطقى جدااااا

لا بيتهيالك كل قسم هنا و عدد اللى فيه و بما ان اللانوس هو اكبر قسم هنا فهتلاقيه كتيييييييييير و ناس كتير عربياتها بايظه تخش اى قسم تانى اعضائه قليله جدا ( عربيه مش منتشره ) مش هتلاقى ناس كتير بتشتكى و فين و فين لما حد يقول عربيته بايظه
فده مش مبرر ان اعلربيه حلوه او وحشه فيه فرق بين عربيه منتشره و اكيد ناس كتير عربياتهم عطلانه و فرق بين عربياتهم كلهم عطلانه

اللانوس ما شاء الله عليها مش خساره فيها الفلوس قطع غيار متوفره و رخيصه لو رحت لاى حد هيكون حافظها كويس عيوبها قليله مقارنه بالافيو و الفيرنا

**egyptiandiver** · 03-10-2011 09:05 PM

لانوس يا مدير أساسي. قطع غيار أصلي رخيصة و منتشرة, تكييف تمام, أي مكانيكي يشتغل فيها, سعر إعادة بيع كويس, مواتير gm معروف الحمدلله انها معمرة, شاسيه gm بردو كويس, بس بصراحة بحس إن تجميع السرعة بتاعها في الضياع و إن العفشة فيها أكيد مش ذي هوندا يعني.... مش قمة و أكتر حاجة بتضيئني فيها الفرامل يا معلم بحس انها مش قوية كفاية! و أهو كل برغوت بصراحة على أد دمو و أهي ولله الحمد أديا الغرض و مشية بما يرضي الله و باعتبارها أحسن الموجود في الفئة السعرية ديت و فلوسك تجبلك عربية حديثة منها بدل ما تجيب ياباني بألو 15 سنة بيدحر في السوق مع إنو محترم ... و اعملها الصيانات في معدها و إنشاء الله مفيش مشاكل ، لو حصلها حاجة يا سيدي اعطال العربية محفوظة عند المكانيكية. ربنا الستار ربنا يعملنة يا رب الصالح انشا الله - أحمد سامي

**AutoTycoon** · 03-10-2011 09:07 PM

رأيي سيبك من لانوس و فيرنا .. كفاية عليهم كدا..في كذا اختيار تاني...لوجان ساجا

**aslam555** · 04-10-2011 11:14 AM

والله انا بشكركم جداااا على تفاعلكم مع الموضوع انا استخرت ربنا وان شاء الله لانوس
باقى ربنا يسهل فى عربيه محترمه موديل 2005 وفبريكا بره وجوه وياريت لو لون كحلى او نبيتى ادعولنا بقى
طماع انا كده اوووى مش كده
هههههههههههه

**Michael_Lanos** · 04-10-2011 03:00 PM

المشاركة الأصلية كتبت بواسطة aslam555

اه هى فعلا محترمه جدااا بس سمعتها فى اعطلها مقلقه شويه مش مهم موضوع السحب ده اوى لانى مش هطير باالعربيه لاكن المهم توفير البنزين ولا انت مش معايا

طول ما بتعمل صيانتك فى مواعيدها - حتى لو قطع الغيار سليمه - مش هاتعطل منك، دي عربيه اصيله وبتراعي صاحبها جدا

**aslam555** · 04-10-2011 09:38 PM

المشاركة الأصلية كتبت بواسطة michael_lanos

طول ما بتعمل صيانتك فى مواعيدها - حتى لو قطع الغيار سليمه - مش هاتعطل منك، دي عربيه اصيله وبتراعي صاحبها جدا

بس هى تيجى وليك عليا انى اغيرها كل حاجه اصلى ولو حبت تروح التوكيل هوديها كمان
ادعلنا ربنا يكرمنا فى حاجه تكون نظيفه وفبريكه بمعنى الكلمه

**Abdm** · 05-10-2011 02:03 PM

بص يا سيدى أنت لو بتفكر فى زيرو كنت هقولك لانوس على طول وممكن نيسان صنى كمان وكلة ممكن بالتقسيط وحسب أمكانياتك .

لكن مستعمل قديم شوية صغيرين أنت طلبك ينحصر فى أحسن حاجتين وهما النيسان 1300 هتوفر معاك فى البنزين.. وممكن الكريستالة وممكن لو عايز موديل حديث شوية فى عندك اللانوس والفرق هو هيكون حسب الحالة يعنى الحالة هى اللى هتحكم . دة لو كان مش هيفرق معاك فرق الموديل

الكريستالة والنيسان ممتازين بس لو لقيت عربية نظيفة وأصلى وفبريكة مع أعتبار فرق السنين بينهم وبين اللانوس . بس بصراحة لو لقيت لانسر كريستالة أو نيسان حالة ممتازة هتكون أنت الفائز لآنهم عربيات يبانى ومنتشرين وقطع غيارهم موجودة .

الخلاصة والنصيحة هى أهتم قوى بحالة العربية قبل موديل السيارة
والله الموفق والمستعان

**aslam555** · 05-10-2011 02:18 PM

المشاركة الأصلية كتبت بواسطة abdm

بص يا سيدى أنت لو بتفكر فى زيرو كنت هقولك لانوس على طول وممكن نيسان صنى كمان وكلة ممكن بالتقسيط وحسب أمكانياتك .

لكن مستعمل قديم شوية صغيرين أنت طلبك ينحصر فى أحسن حاجتين وهما النيسان 1300 هتوفر معاك فى البنزين.. وممكن الكريستالة وممكن لو عايز موديل حديث شوية فى عندك اللانوس والفرق هو هيكون حسب الحالة يعنى الحالة هى اللى هتحكم . دة لو كان مش هيفرق معاك فرق الموديل

الكريستالة والنيسان ممتازين بس لو لقيت عربية نظيفة وأصلى وفبريكة مع أعتبار فرق السنين بينهم وبين اللانوس . بس بصراحة لو لقيت لانسر كريستالة أو نيسان حالة ممتازة هتكون أنت الفائز لآنهم عربيات يبانى ومنتشرين وقطع غيارهم موجودة .

الخلاصة والنصيحة هى أهتم قوى بحالة العربية قبل موديل السيارة
والله الموفق والمستعان

اولا انا بشكرك جدااا للتوضيح انا بصراحه نفسى فى لانوس بس خايف منها شويه انا عايز واحده فى حدود 45000 وفعلا انا اتعرض عليا كتير بس حالات وحشه جداا وعربيات متبهدله وراش بره علشان يحلى البضاعه انا بصراحه لو ملقتش طلبى هصرف نظر دلوقتى لحد ما ربنا يوفق