fantasia ... خليجى ام وكيل؟

**esp** · 05-10-2011 03:19 AM

شرح وافي و مفيد بس انا اول مره اسمع حكايه الحساسات الفي بيز لاين دي تبقى ممتازه....

**ahmadm** · 05-10-2011 09:24 AM

السلام عليكم اسمحولى اضيف رايي المتواضع و ارجو التصحيح لو فية غلط فى المعلومة

السيارة المصري تمتاز بحاجتين:
1- التصفيح اسفل السيارة و دة مش موجود فى الخليجي
2- السيارة تمنها مش رخيص يعنى لاقدر الله حصل فيها حاجة بعد سنة ممكن تروح ترميها فى وش الوكيل انما الخليجي هايكون كل حاجة على حسابك

و ربنة يوفقك للخير :)

**atef_5005** · 05-10-2011 01:42 PM

انا اشتريت السنه اللي فاتت اوكتافيا خليجي و كان سعرها 170 الف نفس تمن الوكيل بس الفرق كان في الاوبشنز لصالح الخليجي

1- جنط 16 انما الوكيل طاسات
2- كاسيت تاتش سكريين انما الوكيل كاسيت عادي
3-فرش جلد انما الوكيل فرش قماش
4-سنسور بارك انما الوكيل بدون

الكماليات ديه ممكن تعمل حوالي 25 الف

الحسبه كده توفر 25 الف ولا تاخد ضمان ؟؟؟

**esp** · 05-10-2011 02:53 PM

حد عنده في العربيه بتاعت الوكيل فيشه الipod و الusb؟ المفروض انها تبقى موجوده في الدرج العند ايرباج الراكب.....

**superb** · 05-10-2011 03:21 PM

الخليجى افضل و كماليات اكتر و توفير افضل .. دا غير ان التوكيل سمعته مش قد كدا

**omar-saad** · 05-10-2011 04:56 PM

المشاركة الأصلية كتبت بواسطة khaled ayman

طبعا مقدرش اضيف على كلام عمر حاجه
توضيح بس
الوكيل 2012 نازل فى نفس ارتفاع الخليجى :)

الله يكرمك يا خالد
دة من زوقك بس
ودة خبر كويس جدا
على الاقل بالنسبالى لان فعلا العربية كان ناقصها الموضوع ة وتبقى تمام

**bmw323** · 05-10-2011 06:55 PM

المشاركة الأصلية كتبت بواسطة KHALED AYMAN

توضيح كمان عشان الى عربيته تحك منه ميخفش
لو رفعت العربيه و بصيت عليها من تحت
هتلاقى مفيش اى شىء قابل للكسر او الشرخ ..
كله متغطى و بايت فى بطن العربيه ...
ثانيا الى بتسمعه بيحك فى المطب ده
عباره عن جزئين فايبر ..واحد فى الناحيه اليمين و التانى فى الشمال
الى بتشوفهم لما تبص على العربيه من الجنب ..تحت الباب الى ورا بتلاقى زى حاجه سوده مدلدله كده ..
هى دى الى بتحك ..
لان دى اوطى حاجه فى جسم العربيه من تخت ..
و بالمناسبه مش هيتكسرو لانهم مرنين الى حد ما ..و كمان مش متثبتين تماما لا ده قابلين للحركه (بياخدو و يدو مع المطب يعنى)
لكن الشكمان مثلا بايت تماماااااا فى بطن العربيه ..العتب مستحيل هيحك فى مطب لان فى شفه ورا العتب اوطى من العتب و اصلا حتى دى مش بتحك الى بيحك هو الفايبر زى ما قلت ...

100 100 يا خالد

**RedBull_30** · 05-10-2011 11:00 PM

من رايي كماليات الخليجي احسن بكتير من الوكيل .. انا العربية دي لما بشوفها متهانة بعرف ان صاحبها غشيم

موضوع الضمان عموما في مصر بشعر انه حبل ملفوف على رقبة صاحب السيارة بيقدر عن طريقه انه يجيبك عنده في اوقات تغيير قطع الغيار المزيفة
بالنسبة لو عربيتك اسكودا خليجي هتقدر تدخل اي مركز صيانة معتمد وتشتري منه قطعة الغيار ولو حابب تغيرها عنده مش هيرفض وانا بعمل كده في سيارة والدي في مركز الوهدان في 6 اكتوبر والسيارة خليجي . والمهندس بتاع الاستقبال بيحاول يلف و يدور ويعرض عليا عروض كتيرة وانا بشوف المناسب فقط و بعمله
اما المواصفات المصرية بالضمان المصري فانت ملزم بانك تتبع جدول الصيانة بتاعتهم
يا جماعة وفرّو ال 20 الف جنيه وهاتوها خليجي

**hany_f50** · 08-10-2011 12:20 AM

طيب لا قدر الله حصل حاجة في فتيس او كومبروسر تكييف مش الوكيل هيصلح علي حسابه؟
ولاكن الخليجي انا اللي هدفع تمن الاصلاح بالكامل و يبقي اللي وفرته كله راح