المساعده فى علاج مدمن حقن

**abo_anas** · 04-10-2011 12:32 PM

السلام عليكم

ندخل فى الموضوع:

انا شغال فى المصنع عندى شاب اكتشفت انه مدمن حقن ، الحقن دى بتاعه طلق الولاده ، انا استغربت جدا وماعنديش اى معلومات ابدأ بعلاجه ازاى؟؟؟؟ طبعا انا اسهل حاجه عندى انى اقوله اطلع بره ومااشوفش وشك هنا تانى، ولكن انا عاوز اكسب فيه صواب واعالجه من البلوى دى خصوصا انه متزوج ومعه اولاد.
اخيرا اللى يقدر يقدم نصيحه ربنا يجزيه خير.

**أحمد كمال** · 04-10-2011 12:55 PM

عليك و عالوحدة الصحـ ....... قصدي عليك و عالدكتور احمد عبد الرحمن اللي معانا هنا في المنتدى هو اشتغل فترة في علاج الادمان

**أحمد كمال** · 04-10-2011 01:18 PM

د. أحمد عبد الرحمن :)

**abo_anas** · 04-10-2011 01:32 PM

جزاكم الله خيرا
انا ارسلت رساله خاصه للدكتور احمد للمشوره والمشاركه فى الموضوع ، والله المستعان

**abo_anas** · 04-10-2011 07:44 PM

متابع

**party_0000** · 04-10-2011 10:33 PM

لا الله الا الله
بس هوا ايه حقن الطلق دي بيعمل دماغ ولاده يعني ؟

**abo_anas** · 04-10-2011 11:06 PM

المشاركة الأصلية كتبت بواسطة party_0000

لا الله الا الله
بس هوا ايه حقن الطلق دي بيعمل دماغ ولاده يعني ؟

والله انا زيي زى حضرتك وادينى منتظر مشاركه الدكتور احمد عبدالرحمن، ورجاء من الاخوه الاعضاء اللى معاه رقمه يكتبه .

**SheNo0o** · 04-10-2011 11:24 PM

انا اعرف موضوع حقن الطلع دي سمعت عنها قريب من مده وان كان في حد معرفه من بعيد بياخدها

اهم حاجه في موضوع ادمان الحقن حتي لو كان هيفلي يعني ادمان قوي

ان كل الي حوليه يتكاتفوا حوله ويبعدوا ويساعدوة ويبقوا فاهمين ويتحس وميخرجش تماما ولوحده لا ولا يقابل حد ولا يتكلم مع حد واعتقد ان ده صعب انت تعمله وانت غريب عنه بدون ادخاله لمستشفي او مكان متخصص لكده

كلامي طبعا مش بناء علي مصطلحات او مفاهيم علميه ولكن عن تجربه عشتها مع واحد معرفه من بعيد كان ف الموضوع ده والحمدلله ربنا تاب عليه

اهم حاجه رغبته الشخصيه من داخله في تغيير الي هواه فيه يبقا عايز يتغير والحاله الي هو عايش فيها ف المجتمع او النفسيه بمعني اصح

اتمني ان ربنا يقدرك وتعرف تساعده يارب

ربنا ياجرك عنه ويديك الثواب يارب ويصبرك