الموضوع: شوية مشاكل للاسكورت .. ومحتاج خبير فورد

المشاركة الأصلية كتبت بواسطة mido51eg

طالما مكيفة يبقى السعر ده كويس. ممكن ينزل من 500-1000 جنيه كمان وانت وشطارتك.
العربية دي مفيهاش abs.
وفي السرعات العالية العربية دي راسخة وهتعجبك اوي. يمكن اكتر ميزة فيها هي الثبات على الطريق.
صوت الموتور عالي نسبيا ويمكن ده بسبب ان سير الكاتينة جنزير مش كاوتش.

الف شكر يا جميل على معلوماتك
انا اكتشفت انها محتاجه الكومبيروسر للاسف ,,يترى ممكن يعمل كام وهل بتاعها منتشر وكده اعتقد ان السعر هينزل تانى ولا ايه؟ وينفع احط بنزين 80 ؟
واحسن مكان اكشف عليها عنده كشف كمبيوتر ولا مش محتاجه؟

المشاركة الأصلية كتبت بواسطة egy_3assy

لا العربية مابتعومش و ثباتها كفائة بجد .. بس بالنسبة للعزل يعني مش اوي كمان العربية دي علي جنزير مش سير كاتينة .. فهتلاحظ ان صوتها خشن .. بس اية صباحو غباوة .. مبتهزرش

شكر أ- egy_3assy على انك سمحتلى اكتب فى موضوعك
كنت عايزك توضحلى العربيه مبتهزرش ازاى ؟؟ هل قصدك انها بتجرى ,,ولا ايه قصدك؟

[QUOTE=ahmed_oth;3873863823]الف شكر يا جميل على معلوماتك
انا اكتشفت انها محتاجه الكومبيروسر للاسف ,,يترى ممكن يعمل كام وهل بتاعها منتشر وكده اعتقد ان السعر هينزل تانى ولا ايه؟ وينفع احط بنزين 80 ؟
واحسن مكان اكشف عليها عنده كشف كمبيوتر ولا مش محتاجه؟


بص ياسيدي الفاضل ، العربية دي اساساً كانت بتنزل من بره (مجهزة فقط) للتكييف والوكيل كان بيركب التكييف هنا في مصر كنوع من تخفيض ثمن العربية علشان يكسب اكتر. والكومبريسور اللي بيركب فيها مش فورد ، ده ساندن 508 ياباني ومتوفر جدا جديد واستيراد. معرفش ثمنه جديد بكام. استيراد اعتقد ثمنه من 350-500 جنيه حسب الحالة والنضافة. وان كنت ارشح انك تجيب الجديد احسن طالما هي دي مشكلة التكييف الوحيدة عندك.
معتقدش ان في الفورد ممكن تحط بنزين 80 ، لأن اللي بيحدد نوع البنزين اللي تحطه مش اذا كانت العربية كربراتير ولا انجكشن زي ماالناس معتقدة وانما اللي بيحدد نوع البنزين حاجة اسمها نسبة الأنضغاط . في الفورد نسبة اضغاط المحرك عالية بمعنى انك لازم تحط بنزين 92. بعكس عربية زي اللوجان مثلا نسبة انضغاطها 9.5 يعني عادي جدا انها تمشي ببنزين 80 وتحصل على اداء ممتاز منها.