تم تجربة هديه قسم نيسان (منظف الانجكشن ) من لكوى مولى الالمانى على صنى موديل 2008

**Dewo** · 05-10-2011 11:31 AM

ألف شكر ياباشا على التقرير الجامد ده أنا باستعمله من وقت للتانى وفعلا بيفرق جامد فى السحب وصوت الموتور

**Youssef.Awad** · 05-10-2011 12:24 PM

لازم يا باشا بعد ال100 الف كم
انا عديت ال50 الف كم وملاحظ ان العربية صوتها بقى اعلى وتنتش فى الاول والتانى مع او بدون التكييف من ساعة لما اتزنقت فى العيد وحطيت 20 لتر 92 من بنزينة مصر وشكلهم كانوا مضروبين
وكذا مرة امشى ع اللمبة كتير لحد قرب الاخر وافول تانى من توتال ومفيش فايدة
الحقنى باسمه وسعره ومكان بيعه لو سمحت

**mido51eg** · 05-10-2011 05:56 PM

المشاركة الأصلية كتبت بواسطة mff_629

ألف شكر ياباشا على التقرير الجامد ده

[gdwl]بس بلاش تكتب باللون الغريب ده تاني أنا عيني دمعت و أنا بحاول أقرأه[/gdwl]

+1111111111111111111

**WalidAdel** · 05-10-2011 10:14 PM

المشاركة الأصلية كتبت بواسطة bmw5260

الله ينور عليك تقرير منظم ،،،،،،،،،،،،،،، هو منظف الإنجكشن ده لأي ماركة

منظف الانجكشن لاي نوع عربيه ياباشا

المشاركة الأصلية كتبت بواسطة maged george

شكرا يا وليد باشا وانا جربته مرة واحدة وكان نوعه stp من بنزينة شيل وكان تاثيرة حلو وفرق شوية وكان ب 28 جنيه.

فعلا ال stp كويس بردوا هو كده كده اي نوع هايقضي الغرض بتاعه

المشاركة الأصلية كتبت بواسطة donzi

شكرا على التقرير و مشاركة التجربة

شاكر لمرور حضرتك

المشاركة الأصلية كتبت بواسطة sehsss

تقرير جميل، بس بخصوص الكاوتش، حضرتك عربيتك لو 2008 ex ما ينفعش تضبط الهواء 36 / 33 الكلام ده في 2011 بس علشان العفشة مختلفة، أما لو سوبر صالون يبقى تمام، ولو إني برضه قرت على قايم السوبر صالون 2009 إنها 32 / 29

هو اللي انا اعرفه ياباشا عفشه العربيه هيا هيا سواء 2008 او 2011 مافيش اختلاف يحسسك ان في حاجه جديده تحت في العفشه لاني سوقت دي و سوقت دي و بالنسبه للسوبر صالون الفرق الوحيد الاستبليزر علي ما اذكر
بس مش لاقي معلومه مؤكده علي ان نفخ الكاوتش في ال2008 كذا و ال 2011 كذا و ليه
بس من التجربه العمليه ان العربيه ارتاحت عن الاول زي ماقولت سواء في المطبات او علي الطريق بس علي سرعات عاليه و ياريت لو عندك معلومه مؤكد لييييه تقولينا

المشاركة الأصلية كتبت بواسطة ali_abo_amr

الله ينور عليك يا ليدو وربنا يباركلك فى عربيتك
ويسلم ابو حميد على تعريفه لينا سكة المنتجات الحلوة دى

على فكرة ان زميل ليا فى العمل خليته راح جاب liqui moly برضه وعجبه جدا
هو معاه لانسر 2008 عاملة 80 الف كيلو اشترى زيت وعجبه جدا ... واشترى عبوة لعلاج تآكل الموتور بس الحمد لله طلع ما عندوش تآكل علشان الزيت لم ينقص بعد ما حط العبوة دى ... واشترى منظف الانجكشن اللى انت جربته وقاللى نفس الكلام اللى انت قولته ...
تسلم يا باشا على التقرير واتمنى اشوفك قريب

ابو علي ياجامد اخبار سعتك ايه .. ياباشا ربنا يخاليك علي زوقك
بس انت بتعمل حاجات من ورانا كده ياعم كنت تقول داحنا تعبنا ياراجل علي الموضوع ده .... ينفع كده

**WalidAdel** · 05-10-2011 10:25 PM

المشاركة الأصلية كتبت بواسطة y2y1500

لازم يا باشا بعد ال100 الف كم

انا عديت ال50 الف كم وملاحظ ان العربية صوتها بقى اعلى وتنتش فى الاول والتانى مع او بدون التكييف من ساعة لما اتزنقت فى العيد وحطيت 20 لتر 92 من بنزينة مصر وشكلهم كانوا مضروبين
وكذا مرة امشى ع اللمبة كتير لحد قرب الاخر وافول تانى من توتال ومفيش فايدة
الحقنى باسمه وسعره ومكان بيعه لو سمحت

بالنسبه لاماكن بيعه للاسف ماعرفش .... احمد تي في بقي هو اللي ممكن يفيدك في الموضوع ده

**Ahmed.TV** · 06-10-2011 06:45 PM

اخيرا استخدمته .. تمام يا ويل .. وبعدين دى مش هدية دى اقل حاجة نقدمهالك يا حبى .. على ذوقك وعلى مساعدتك للناس .. وعلى طيبتك .. وجدعنة ولاد البلد اللى فيك

المشاركة الأصلية كتبت بواسطة ali_abo_amr

الله ينور عليك يا ليدو وربنا يباركلك فى عربيتك
ويسلم ابو حميد على تعريفه لينا سكة المنتجات الحلوة دى

على فكرة ان زميل ليا فى العمل خليته راح جاب liqui moly برضه وعجبه جدا
هو معاه لانسر 2008 عاملة 80 الف كيلو اشترى زيت وعجبه جدا ... واشترى عبوة لعلاج تآكل الموتور بس الحمد لله طلع ما عندوش تآكل علشان الزيت لم ينقص بعد ما حط العبوة دى ... واشترى منظف الانجكشن اللى انت جربته وقاللى نفس الكلام اللى انت قولته ...
تسلم يا باشا على التقرير واتمنى اشوفك قريب

ايه ياعلى مش تقولنا كدا
ياريت تقولنا على اسم الزيت اللى جابه صحبك من لكوى مولى .. وتعرفلنا اخبار العربية ايه
عاوزين تقارير كتير عن الزيوت يا جماعة وعن الاضافات لانها مهمة جدا

وبخصوص منظف الانجكشن .. ممكن يتحط كل 20 الف عادى عشان بس ينظف الدنيا من البنزين بتعنا ..

وبخصوص يوسف لو عايز تحطه وانت عامل 50 الف شغال بردوا حيظبطلك الدنيا

وبخصوص المنظف ده انا سمعت معلومة من الشركة بتقول ان يفضل تحطه قبل تغير الزيت .. عشان اى رواسب تنزل من عملية التنظيف تنزل فى الزيت .. ولما سالتهم اى رواسب كبيرة .. قالولى لا .. بس يفضل وانت حاطط الزيت القديم .. وبعد كدا تحط الزيت الجديد

المهم ان المنتج ناس جربوه كتير .. وبيشكورا فيه سواء الاضافات او الزيوت

وانا بجيب حاجات منهم عشان اركبها فى صيانة ال40 الف باذن الله .. وحجيب اضافة من عندهم مهمة اوى وقريت عليها بره كتير اللى هى اسمها سيرتك .. موجودة مع الناس فى الكتالوج اللى وزعته عليهم فى المقابلة

المادة دى بتتحط مع تغير الزيت الجديد .. ومع اى نوع زيت مش شرط الزيت من عندهم .. ان شاء الهل تحط زيت شل او موبيل .. المهم بتحط معاه المادة دى .. وبتعمل طبقة سيراميك عشان تقلل الاحتكاكات فى الماتور وبتعمل على تبريده .. وتمنها 126 جنيه .. وبتفضل فى الماتور حوالى 50 الف كيلو يعنى بتغير عليها حوالى 5 تغيرات زيت وهى لسه عاملة طبقة جوة

وعلى فكرة اللى شبيه بمنتج السيراتك ده بيتباع فى شركات اخرى من 200 جنيه وانت طالع وبيوصل الى 400 جنيه

بصراحة اسعارهم ومنتجاتهم المانى ومحترمة جدا وعن تجربة

وانا جبت لبيشوى واحد .. وفى ناس عايزة .. وهو مكانهم فى الشيراتون .. واللى مش عارف يوصلهم يقولى وانا اجبله او اوصله ليهم

وهما فى القريب باذن الله حيكون فى بينهم وبينا اتفاق باذن الله ومفاجاءت كبيرة باذن الرحمن
ادعوا بس تتم فى القريب وعلى خير

دعواتكم

-

الموضوع: تم تجربة هديه قسم نيسان (منظف الانجكشن ) من لكوى مولى الالمانى على صنى موديل 2008

LinkBack

أدوات الموضوع

عرض

-

-

-

المواضيع المتشابهه

منظف الانجكشن

تجربتي مع منظف الانجكشن ليكوي مولي

سؤال فني عن منظف الانجكشن

تجربة زيت ليكوى مولى الالمانى

هل منظف الانجكشن السائل مفيد؟

الكلمات الدلالية لهذا الموضوع

المفضلات

المفضلات

ضوابط المشاركة