اخيرا جبت السيراتو

**hasanmagdy** · 05-10-2011 12:15 AM

السلام عليكم ورحمه الله وبركاتة
الحمد لله بعد حيرة كبيرة بين السيراتو والالنترا اشتريت السيراتو
خليجى كويتى 2012 طبعا المعرض مصمم انها سعودى بس انا اكدتلة انها كويتى من رقم ال vin
العربية كاملة جنط 17 بصمة
انا كنت متفق مع المعرض على الموكا بس للاسف قالى اتباعت وموجود الاسود والفرانى والابيض والنبيتى صليت استخارة ورحت تانى يوم وعينى على الاسود للاسف لقتها اتباعت رحت لسمير ريان وقالى ان عندو واحدة سودة سعودى قلتلة ماشى رجعلى بعد شوية وقالى انها اتباعت وواقفة بتتغسل علشان واحد هيستلمها طبعا زعلت لانها سعودى وكانت اخر واحدة رحت للعربية وطبعا البية بيضحك عليا العربية مش سعودى طلعت كويتى قالى فى واحدة شرق اوسطى فرانى ارخص الف جنية بس انا مبحبش اللون دا لان عربية اخويا لانسر فرانى المعرض الاول كلمنى وقالى فى واحدة بتنجانى روحت لقتها تحفة بصراحة احسن من السودة خلصت فيها وجربت كل حاجة حتى البلوتوث وكانت عاملة 21 كم والحمد لله رخصتها وماشيا معايا كويس وبصراحة العربية هايلة والعفشة ناشفة بس مش بالدرجة الى ناس كتير متصوراها انا واحد كرهنى فى العربية وقالى ان المطبات بتخبط فى الظهر طبعا الكلام دا مبالغ فية جدا العربية عاملة 560 كم دلوقتى وربنا يستر من السرقة
انا اسف على الاطالة اصل دى اول عربية ليا
كنت عايز اسأل اظبط الكاوتشات على 30 والا 32
وهل احط نيتروجين بدل هوا والا اية ودا بعملة فى صيانة الالف والا اى حد بتاع كويتش يعملة
واخر سوال اية افضل طريقة علشان العربية متتسرقش انا بحلم كل يوم ان العربية اتسرفت
وشكرااااااا

**tarek_rcc** · 05-10-2011 12:52 AM

الف الف مبروك يا ابوعلى على السيارة .... وربنا يعطيك خيرها ويكفيك شرها ويحميها لك مكن السرقة..
افضل لك تضبط الهواء على 30 والنيتروجين افضل وتعملة عند بتاع الكاوتش ( طبعا يكون عندة نيتروجين ) ...
بس حابب اسالك اية رقم vin وازاى تعرف منه نوع المواصفات سعودى ولا كويتى ؟؟؟؟
ولية ما اختارتش اللون النبيتى ؟؟

**ahmed_911_98** · 05-10-2011 03:24 AM

مبروك يديك خيرها ويكفيك شرها

**yasserelsayad** · 05-10-2011 03:27 AM

الف مبروك يا باشا واللون البتنجانى زى لون عربيتى وهو لو جميل بس بيحتاج عناية شوية عشان بيبان فيه التراب اوى.
واعمل الكاوتش تيتروجين وعلى 32 عشان البلالين.

**m_s_h_a** · 05-10-2011 10:02 AM

الف مبروك وربنا يحفظهالك

**hasanmagdy** · 05-10-2011 02:53 PM

المشاركة الأصلية كتبت بواسطة m_s_h_a

الف مبروك وربنا يحفظهالك

المشاركة الأصلية كتبت بواسطة pirlo2000

الف مبروك ياباشا و ربنا يباركلك فيها......

انا بالنسبالي النيتروجين و لا فرق خالص (جنط 17) ...

ممكن عند اي حد عنده نيتروجين... في مراكز بريدجستون ممكن تعمل عندها....

و احسن طريقة انك تركب انذار في التوكيل او قفل السيارة بأه و ربنا الحافظ في الاول و في الاخر

المشاركة الأصلية كتبت بواسطة ahmed_911_98

مبروك يديك خيرها ويكفيك شرها

الف شكر يا جماعة والله

**M.Akef** · 05-10-2011 03:06 PM

الف مبروك يا باشا و ربنا يبارك لك فيها ان شاء الله :)

**hasanmagdy** · 05-10-2011 04:11 PM

[QUOTE=medoakef;3873847500]الف مبروك يا باشا و ربنا يبارك لك فيها ان شاء الله :)[/

الله يبارك فيكQUOTE]

[QUOTE=yasserelsayad;3873846703]الف مبروك يا باشا واللون البتنجانى زى لون عربيتى وهو لو جميل بس بيحتاج عناية شوية عشان بيبان فيه التراب اوى.
واعمل الكاوتش تيتروجين وعلى 32 عشان البلالين.[/

لون جميل بس لما تتغسل لانها بتلم تراب انا عايز اعرف انت بتغسلها عادى والا فى اى مادة احطها على الصاج علشان اخلى فية لمعة وشكرا يا ياسر QUOTE]

المشاركة الأصلية كتبت بواسطة tarek_rcc

الف الف مبروك يا ابوعلى على السيارة .... وربنا يعطيك خيرها ويكفيك شرها ويحميها لك مكن السرقة..
افضل لك تضبط الهواء على 30 والنيتروجين افضل وتعملة عند بتاع الكاوتش ( طبعا يكون عندة نيتروجين ) ...
بس حابب اسالك اية رقم vin وازاى تعرف منه نوع المواصفات سعودى ولا كويتى ؟؟؟؟
ولية ما اختارتش اللون النبيتى ؟؟

الله يبارك فيك يا طارق

رقم ال vin بيبفى مكتوب على الازاز الى وراك هتلاقى 17 رقم وحرف اكتبة وبعد كدة اعمل بحث فى المنتدى واكتب سيراتو vin هيجيلك موضوع واحد فى المنتدى عاملة ربنا يباركلة من خلالة هتمشى على خطوات وتعرف العربية خليجى اية ولونها وتاريخ تصنعها موديلها او هاتلى الرقم وانا اقولك الحاجات دى واى خدمة

**masterzmind** · 05-10-2011 05:37 PM

مبروووووووووووووووووك يا باشا بس عاوز اعرف حاجة هوة الى انتا جبتها شرق اوسط ولا سعودى وجبتها بيكام وانى الاحسن السعودى ولا الشرق الاوسط وشكرااااااا

الموضوع: اخيرا جبت السيراتو

LinkBack

أدوات الموضوع

عرض

-

-

-

المواضيع المتشابهه

اخيرا سوقت السيراتو!!! عربية رائعة و تحذير من الجنط 17

يااااااه اخيرا لقات حد مركب اكصدام الكوبيه على السيراتو الاربع ابواب بالصور

اخيرا اخيرا اخيرا ..... جبت الصب البايونير ( كلاكيت تانى مره )

الحمد لله استلمت السيراتو اخيرا

اخيرا استلمت السيراتو

الكلمات الدلالية لهذا الموضوع

المفضلات

المفضلات

ضوابط المشاركة