وعليكم السلام ورحمة الله وبركاته
يتم إصلاح الكربراتير السوزوكي سويفت وتركيب خراطيم الفاكيوم الهامة لضبط الكربراتير والمحرك
وشكراً على المشاركة
لو سمحت انا معايا كيا سبكترا 2003 و عندي مشكله في ضعف السحب و يعد الكشف على العربيه اكتر من تلات مرات لايوجد عطل بها و دايما بيقولولي العربيه سليمه لحد ما بدات اخد بالي ان تانك البنزين لما بينزل تحت النصف ب 5 لتر العربيه سحبتها تتظبط تمام و تيجي في اخر التانك بتبدأ تقطع شويه و تكتم تاني و لما افول تبدأ تكتم و هكذا و تم اخنبار ضغط الطرمبه و كانت تمام و غيرت 2 فلتر بنزين في حوالي 5000 كم و النتيجه ان الفلتر بيطلع شبه مسدود و علشان كده كان الارجح ان المشكله من التانك مش نضيف و محتاج تنضيف ... سؤالي بقى هل في عنكوا تنضيف التانك من غير فكه يعني شفط البنزين اللي فيه و ضخ سائل للتنظيف و شفطه تاني ؟ ... انا جربت سائل التنظيف stp مرتين في 6000 كم و لم تتحسن حالة السحب...
ليكو فروع فى اسكندرية ولا ايه ولو ملكمش فروع تنصحنى اروح فين فى اسكندرية مركز يكون محترم زى حضرتكم مع العلم ان انا امتلك عربيه تمبرا
مركذ بصراحة كرهت العربية بسبب المركذ دة وعدم الصدق فى التعامل اهم حاجة الفلوس وبس صارف اكتر من ثمن الكاربرتير على الصيانة وفى الاخر والله بعت العربية بسببة زهقت دة غير المشوار من حلوان الى جسر السويس والعربية باتت هناك اكثر من مرة بصراحة الله يسامحهم ويخلو الصبيان هما اللى يشتغلو فى العربية وعاملين فيها مهندسين دة غير الانتظار على رجلك فى الشارع الحمد لله على كل شىء وانشاء الله مش هروح هناك تانى
[color="purple"]
السلام عليكم ورحمة الله وبركاته
شكراً على المشاركة مع العلم بأن بالمركز يوجد به إستراحة عملاء ومصلى وبوفيه
كما أن مدير المركز يتابع الشكاوى بنفسه والدليل على ذلك الرد على سيادتكم
ونحن لا نعرف حتى نوع السيارة ولا نعرف حتى ما هى المشكلة التي بالسيارة لكي نعرف أصل الموضوع
ولكن على العموم أنت نورت المكان و نحن اللي خسرناك يا إفندم
والسلام عليكم ورحمة الله وبركاته
معاية لانسر 2009 سوبر اكشن ... بعانى من استهلاك البنزين لدرجة كبيرة واللتر بيعمل مابين 6.5 ك الى 7 ك جوا البلد من غير تكييف وفى السفر مابين 9 الى 10 ك فى اللتر من غير تكييف
وديتها التوكيل عندنا فى المنصورة مرتين غيروا فلتر البنزين ( الخلفى ) وكمان ظبط التقسيمة للعربية نظف الأنجكشن ونفس الموضوع ... وروحت تانى مرة كشف عليها تانى وقالى العربية تمام فمش عارف يبقى احتمال العيب منى بقا .....ههههه
مع العلم ان العربية ماتقطعش ابدا الحمد الله وما بتتأخرش فى الدوارة فى الصبح فى الشتا فقط استهلاك بنزين غير عادى بمقارنتها بعربية سابقة لانسر 2005 كانت معى قبلها ..
فما رأيك فى هذه المشكلة لأن خايف اجى من المنصورة للقاهرة ومفيش حل ؟؟ وماهى التكلفة المقدرة لهذا الموضوع ؟
طيب هل الأستهلاك الذى ذكرته سابقا يمكن تحسينة ولا ايه ؟
لأنه سفر عقبال ما اجى ليك ... فلو بفايدة مش مشكلة انى اجى للقاهرة !!!
السلام عليكم ورحمة الله وبركاته
يجب إحضار السيارة لأن هناك قياسات معينة للعادم يتم قياسها بالأجهزة
قياس العادم في حالة السرعة أو السلانسيه ....
وذلك بقياسات محدده نستطيع من خلالها التعرف على الإستهلاك
وهل يمكن أو حتى هل يجب تعديله أم لا
وهناك حل أخر وهو أن تبلغنا بقياسات الإستهلاك من خلال قياسه بجهاز قياس عادم لديك
وتكتب لنا القياسات على السلانسيه وعلى السرعة العالية بالأرقام
وشكراً على المشاركة
عندي لانسر٩٧بتاكل بنزين وعايز اظبط الاتشوك عايز اعرف التكلفه وياريت بيان باسعار 2014
الحقونى دخنة سوداء بعد تصليح الكربراتير نوع الكربراتير سوليكس عادى انا سيارتى 131 موديل 76
من اسبوعين انا غير طقم سيور و سير كاتينة
وظبط تاكيهات السيارة وبعدها وانا على الطريق السريع لما بجيب الرابع واحرق فيه العربية بجيب 120 ك اخرها ونفس الكلام فى الغيار الخامس نفس الموضوع ال rpm مش بيعدى ال 4 الاف دورة والسرعة مش بتزيد عن 120 ك على الرغم قبل معمل الشغل ده فى العربية كنت بجيب 160 بسهولة بس كان صوت التاكيهات عالى وسحبها كان اعلى شوية من دلوقتى ولمبة الايرباج بقت منورة على طول وغيرت كمان البوجهات
وهل ظبط التاكيهات بالعربية له اثر على السرعة؟
السلام علكيم انا معيا كيا برايد سيدان اتوماتيك وجيت المركز عندكم من كام شهر وكانت بسبب الاستهلاك المشكله دلوقتى انى فيه ريحه بنزين على السرعات العاليه بشمها وكمان وانا بسسخن العربيه بصيت على البوجيهات لاقتها مهببه ولسه مكملتش 6 اشهر مغيرها وانا كنت عامل طقم شنبر بس مغيرتش البوجيهات بعد الشنبر هى القديمه وانا لما زورت المركز ظبطوا بس الكاربراتير وخدو 120 ج عايز اعرف اه المشكله وعمل حسابى على كام فلوس وانا جاي بخصوص المشكله ده وبرده الاستهلاك مش مظبوط حسه عالى يعني 160 فى الصفيحه فى الزحمه ومع والتكيف 140 عابز اعرف كده محتاج اه
بعد التحية
عربيتي هيونداي جيتز 2010 150000كم بها مشكلتين عاوز اعرف المطلوب عمله والتكلفة المتوقعة:
1-دائما بتهبب البوجيهات ومرتين غيرت بوجيهات اريديوم (العمر الافتراضي 100000)وبلاتينيوم (العمر الافتراضي 60000)
الاولى اتغيروا على حوالي 50000 والتانيه ما كملتش 150000. والموجود دلوقتي الاستاندرد ما كملش 2000كم وكشفت عليه وجدته مهبب.
2- صوت تكتة خاصة عند بداية التشغيل والعربية باردة.
ملحوظة: انا مركب فلتر هواء رياضي. سلوك البوجيهات الفابريكة
السلام عليكم ورحمته الله وبركاته
كنت بسأل هل بتشغلوا فى المرسيدس موديل 1983 والسعه 2000 سى سى كربراتير والمشكله عندى الاستهلاك عالى جدا ؟
والكشف والمصنعيه كام ؟
ولكم الف شكر
مش متعود ان مركز الصفا مايردش على سوال هنا فى المنتدى
ياترى ايه السبب فى التأخير فى الرد
اكرر سؤالى تانى
هل بتشتغلوا فى المر سيدس موديل 83 وهى 2000 سى سى والمشكله عندى الاستهلاك عالى
الكشف والمصنعيه كام ؟
السلام عليكم
هل يمكن كبس دورة التبريد لسيارة لانوس 2 عندكم ... لمعرفة سبب التسريب ... وهل من الممكن معرفة حدود التكلفة.. وشكرا
السلام عليكم
انا عميل لكم من فترة طويلة وكان معى اكسنت ماشاء الله عليكم
والمهندس احمد كتر خيرة
انا معى الان لانوس2 موديل2002 وراكب فيها رشاشات فيرنا والعربية بتستهلك بنزين عالى جدا وبتغيب فى التدوير فى كل وقت
لو احتجت رشاشات ومسطرة هل بتجيبوا الاستيراد وتركبوها لان خايف اجيبها تطلع تالفة
ولو عايز اركب بتوع bmwm40 اية راى حضرتكم
مع العلم مهندس احمد جابلى فى عربيتى القديمة كاربرتير
ولحد مابعتها مكنش فيها اى مشكلة الله يبارك لة
ارجو الافادة
السلام عليكم ورحمته الله وبركاته
الساده القائمين على العمل فى مركز الصفا وعلى رأسهم المهندس احمد واخوه المهندس محمود
اشكركم جزيل الشكر على النظام والدقه فى العمل داخل المركز بصراحه دى تانى تجربه ليا وبصراحه حاجه مشرفه والعربيه المرسيدس ظبطت فى الاستهلاك
واخص بالشكر مهندس الورشه المهندس احمد رجل محترم وفاهم شغله والفنى اسمه رجل على مستوى عالى من الخبره والف سلامه عليه وربنا يشفيه
ده شكر واجب لازم اقوله
من غير نفاق وربنا اعلم
السلام عليكم
والدى معه سياره كورلا موديل 2005 معدل الاستهلاك عالى والسعه اللتريه 1300 سى سى يوجد لمبه اتشك انجن بتنور بستمرار check engain عايز اعرف العيب منين ؟
السلام عليكم ورحمة الله وبركاته
رشاشات الفيرنا غير ملائمة لمحرك السيارة لانوس ، وإن أفضل رشاشات إستيراد يتم تركيبها للمحرك لانوس هى أفنتى زرقاء ، وهى متوفرة لدينا بالمركز رشاشات أفنتى إستيراد تم إختبارها وتنظفيها بالإجهزة الخاصة بذلك بالمركز ، إضافة إلى أن المركز يمنح ضمان سنة علي طقم الرشاشات من تاريخ تركيبها بالمركز .
وبالنسبة للرشاشات bmw40 فإنها جيدة للمحرك لانوس ولكنها غير متوفرة بالمركز وتأتي من طرف العميل ويمكن تغييرها وأختبارها لدينا .
وشكراً على المشاركة
السلام عليكم ورحمة الله وبركاته
معايا عربية نوبيرا 1 والتفويلة كاملة بتعمل حوالي ٢٢٠ كم والاستهلاك عالي جدا
ونفسي أعالج الأمر ده
ارجو الإفادة وجزاكم الله خيرا
االسلام عليكم
انا اشتريت نيسان صني موديل 1995 سعة 1300 مانول عداد 193000كم كنت محتاجة اعمل صيانة كاملة للسيارة تغيير سيور وزيوت وفحص معدل الحريق وكنت محتاج اعرف التكلفة تكون في حدود كام وشكرا
وعليكم السلام ورحمة الله وبركاته
يتم تغيير سير الدينامو وسير التكييف فقط للسيارة نيسان صني 95 وذلك لأنه لا يوجد سير كاتينة بها .... وقيمة تغيير سيور الدينامو والتكييف ب 50 جنيه
وبالنسبة لفحص معدل الحريق وكشف استهلاك البنزين فقيمة الكشف فقط 25 إلى 35 جنيه
وأما في حالة وجود مشكلة في إستهلاك البنزين يتم عمل صيانة كاملة للكربراتير بقيمة 120 جنيه شاملة الكشف وغير شاملة القطع الغيار
وشكراً على المشاركة
بالتوفيق
السلام عليكم
عفوا الرشاشات عندى طلعت الرفيعة واللى راكبة الاصلية
ارجو معرفة اسعار قياس وتنظيف الرشاشات والتركيب
جزاكم الله كل خير
السخان مش شغال بتاع الكربتداير
لانى الصبح العربيه مش بتدور الا لما اديها بنزين
هيا رنسر اتو 98
دة بيتصلح ياريت حد يرد عليا
ولو عندى مشكله فى المكيكانيكا حضرتكم شغالين فيها ولا كربتداير بس
وياترى فى خصم لينا ولا مفيش
ارجوكم