خريطة مركز الصفا
http://img10.imageshack.us/img10/7245/27041970.gif
خريطة مركز الصفا
http://img10.imageshack.us/img10/7245/27041970.gif
انا كان عندي صديق بيتابع عربيته هيونداي اكسيل 1500 كربراتير مع المركز كل سنة وكان بيشكر لي في المركز بشكل غير عادي ........
وفق الله مركز الصفا وأكثر من مراكز الصيانة المتميزة
وطبعا شكر عظيم و مميز للاستاذ كريم منير المنسق العام للمنتدي
انا كنت عايز اسال انا عربيتى اوبل فيكتر موديل 95 سعه المحرك 1600 سى سى مانيوال الكربيراتير فى رشاش واحد وبيسموه هاف انجكشن ده لو حبيت اجى عندكم هيبقى تبع الكربيتير ولا الانجكشن علشان انا عايز افكه وانضفه واعمل ضبط ليه ممكن تتصلح عندكم ولا لا لان الاوبل مش كتير شغالين فيه
أنا إن شاء الله ناوي أروح أكشف على اللانسر في التوكيل الجديد ... عشان عاملين عرض إني اكشف ببلاش ... ولو في أي حاجة قلولي أغيرها حاجي إن شاء الله أغيرها عندكم
واتمنى إنكم تكونوا عند حسن ظني وشكر الناس فيكم ... عشان الواحد زهق فعلا من العك ... وعايز يعمل حاجة نضيف بسعر مناسب ... أتمنى ألاقي ده عندكم
بعد مرور شهر تقريباً من تعاملى مع مركز الصفا ... اقدر اقول ان النظام والمعاملة هناك كويسة لاكن النتائج بالنسبالى كانت غير مرضية .
متابع
السلام عليكم ورحمة الله وبركاته
اولا اعتذر نيابة على المركز في وجود اي نتائج غير مرضية لسيادتكم
ثانيا اود ان اسألك عن اذا ما ان كنت تعلم عن مراجعة السيارة المجانية خلال اسبوعين وهل تكلم معك احد من قسم متابعة العملاء او تم ارسال رسالة لك بتذكيرك بالمراجعة ام لا ؟؟
ثالثا : من حقك ان تأتي الى المركز حتى ولو بعد المراجعة اذا كان نفس العطل موجود والتحدث شخصياً الى مدير المركز ويتم العمل في سيارتكم من اول وجديد حتى يتم تصليح العطل حرصاً على رضا سيادتكم .
واخيرا اود ان اعلم نوع السيارة الخاصة بكم ورقم لوحتها واليوم الذي تمت فيه الصيانة لها ورقم تليفونك
لتحديد ميعاد لتشرفنا لكي نعمل اللازم في السيارة بدون اي رسوم .
واحيط علم سيادتكم بأن مدير المركز علم برسالتك وامرنا بعمل اللازم مع سيادتكم وشكراً
شكراً لاهتمامكم ... تم مخاطبتكم بالمشكلة على الخاص .
السلام عليكم انا معايا عربيتين لانسر بطة 92 وارنبة 97 هل ممكن اجي بيهم لتضبيط الكربراتير هو بستم وشكرا
سؤال للسيد ممثل مركز الصفا :
مركزكم الموقر هل يقوم بأعمال ميكانيكية أخرى - بجانب ما يخص الكربراتير والإنجكشن - مثل تركيب سير كاتينة - ضبط تاكيهات - الميكانيكا المعتادة للسيارة ؟
وهل بالمركز تخصصات أخرى كالعفشة وضبط الزوايا وعمرات الفرامل والدبرياج وأعمال الكهرباء والسمكرة ؟
أرجو الشرح بشىء من التفصيل لعموم الإستفادة
مع جزيل الشكر لسيادتكم
المركز شغال فى كل انظمة الحقن الإلكتروني (شغال فى الأوبل )
روحت المركز و عملت scan و تحليل عادم و نظافة رشاشات
بصراحة الناس ذوق و محترفين و قالولى الأسعار قبل الشغل
أنا بس عندى ملحوظة لو أخذها المكز فى اعتباره هتكون النتائج أحسن و هى ان عربيتى اشتغل فيها 3 مهندسين و 4 فنين و ده حصل لأن كشف عليها 2 مهندسين و عملو اسكان و تحليل عادم و بعدين 2 فنين فكو الرشاشات و 2 غيرهم ركبوها و اخيرا مهندس غير الاثنين اللى كان فى الأول عمل اسكان تانى
أعتقد ان من الأفضل يكون مهندس بعينه مسؤل عن كل حاله أو عربيه عشان العميل يقدر يتابع معاه و لعدم تكرار الكلام و حسن المتابعه يعنى لما عملنا اسكان قبل و بعد لم نقارن النتائج لأن أصلا النتائج غير مطبوعة و اللى قاس قبل غير اللى قاس بعد
ده برضه لا يقلل من احترافيه و مهاره و تنظيم الناس هناك
السلام عليكم ورحة الله وبركاته
نعم يافندم مركز الصفا به قسم للميكانيكا ولكن بالحجز حسب ظروف العمل ويعمل قسم الميكانيكا في السيارات من موديل 1995 فالاحدث وخدمات الميكانيا عندنا مثل تغيير سير الكاتينة وضبط التاكيهات واعمال الميكانيا المعتادة وعمرات الموتور وضبط وتغيير العفشة وتغيير تيل الفرامل وطقم الدبرياج واعمال الكهرباء ولكن لانعمل في ضبط الزوايا والسمكرة وعمرات الدبرياج .
السلام عليكم ورحمة الله وبركاته
نظام عمل المركز يا فندم قائم على فرق العمل ففريق العمل يتكون من مهندس او 2 مهندسين استقبال لتحديد الاعطال و فني محترف للقيام بالاعمال التي تتطلب مهارة ويشرف على فنيين مساعدين له لضمان اعلى جودة للشغل فالتخصص يكون افضل لاداء افضل وخدمة اعلى مستوى .
انا عندي فيات 132 كربراتير 2 كامه كنت عايز اظبط كرابرتير وكهرباء كنت عايز اعرف التكلفه كام لو سمحت لاني هاجيلكو من الزقازيق
شكرا
السلام عليكم
انا معايا متسوبيشي كولت موديل 1997
مسقط موتور 4g94 2000cc موديل 2008 الي بينزل في بريلينس جالينا
الموتور شغال كويس بس بياكل بنزين حطيت العربيه علي جهاز كشف اعطال بين ان حساس العادم او حساس الشكمان مش شغال قرأته ضعيفه ولازم يتغير
وطبعا مش لاقيه عندي في اسييييييييييييوط ولما لاقيته كان استيراد وانا مش مقتنع بيه
فهل الحساس موجود عندكم جديد وسعره كام
هوالحساس الي بيركب في الهيدر(الفرن) بتاع الشكمان
علشان لو موجود انا هاجي مخصوص من اسيوط اغيره وظبط الانجيكشن كله بالمره
و شكرا لكم
السلام عليكم المركز الموقر
انا عندى ستورين ax 1995
كنت عايز اظبط الكربراتير بتعها ياترى بتشتغلوا فيها و التكلفه التقديرية اذا امكن
وكل عام وانت بخير
نعتذر لسياتكم عن التأخر في الرد وذلك بسبب سرقة كابلات التليفونات الخاصة بالمركز
مركز الصفا يهنىء الامة الاسلامية بحلول العيد الاضحى المبارك وكل عام وانتم بخير
بتشتغلو فى الفورد فيستا موديل 2000 انجكشن
عاوز انضف الرشاشات ( السعر كام )
اعمل اختبار كبس الماتور( السعر )
السلام عليكم ورحمة الله وبركاته
نعتذرعن التأخر في الرد على استفسارات سيادتكم وذلك لانقطاع الانترنت بسبب سرقة كابلات التليفون للمرة الثانية على التوالي ...... وكل عام وانتم بخير
انا عندي هوندا سيفك 1984 كربراتير كنت عايز اظبط كرابرتيرو كنت عايز اعرف التكلفه كام لو سمحتوا وشكراً لكم
نعم نعمل فى الهوندا السيفيك تكلفة المصناعية 100 وقة الاصلاح ساعتان من بدء العمل بها الاستقبال حتى الساعة 3 م
السلام عليكم ...إدارة مركز الصفا المحترمة
عندي سيارة هيونداي إكسيل 95 بها مشكلة انها بتاكل بنزين اريد الاستفسار عن اسعار الاصلاح
ولو شئ هتغير وجزاكم الله كل خير ....ابو عاصم
أنا معايا هيونداي جيتز 2010 - 1600سي سي
81000 كم
عندي احساس بأن استهلاكها للبنزين في تزايد
عاوز أعرف ما سيتم بهذا الخصوص والتكلفة القصوى ان أمكن
في انتظار ردكم الموقر
ولكم كل التقدير
سؤال لو تسمح حضرتك ممكن اجيب الكربراتير مفكوك ونعملة الصيانة اللازمة ولا لازم اجى بالعربية لان المشوار بعيد فبفكر ابعته مع حد يكون نازل اللقاهرة
السلام عليكم عندى هوندا اكورد 81 الكربيراتير بهبب البوجيهات غيرتها مرتين فى شهر ارجوا معرفه تكلفه الصيانيه الكربيراتير استيراد
انا عندي عربية دايو اسبيرو 94
العربية ساعات بتفصل مني لما بهدي لمطب او اهدي في الطريق ولفيت كتير مبقتش عارف اوصل للمشكله وغيرت البوجيهات ورحعت علي كهربه البطارية والدينامو وكله تمام وكشفت كمبيوتر ملقاش حاجه خالص بس العربية بتفصل برده مبقتش عارف اعمل ايه الرشاشات شغاله تمام 4 سلندر كله شغال فلتر البنزين فكيته لقيته ما شاء الله نظيف خالص وفكيت ترمبه البنزين وبرده كله تمام مش عارف يا جماعه الحل ايه ومركب بوجيهات 3 شمعه ارجوكم دلوني اعمل ايه او ممكن تكون المشكله فين