السلام عليكم ورحمة الله وبركاته
إن قيمة الكشف الشامل بالمركز 150 جنيه
وشكراً على المشاركة
السادة الافاضل
عندى مشكلتين فى عربيتى اولا هيا نوعها اسكودا فليشيا موديل 1997 اول مشكله هيا فى السلنسيه مؤشر الار بي ام مره يبقى على 5 ويطلع ل 10 وبعد كدا 8 وعمال صوت العربيه يطلع وينزل عاوز ليها حل
التانى عندى كل ما اشغل التكيف العربيه بتبطل روحت لمكانيكى قالى ان منظم التكيف الخرطوم بتاعه مش واصل فى الكربيراتير وصدقنى معرفشي بيركب فين فهل يوجد امكانيه عندكم لفحص العربيه وكربيراتير العربيه وظبطها علشان حاسس برده ان سحبها مش مظبوط مع العلم ان العربيه معايا من الزيرو وعاوز اسال هل يمكن تظبطوا تكيهات العربيه دى ولا ايه ؟
وانا ان شاء الله ناوى اجيلكوا وتشيكوا على العربيه بس يارب يكون فى اكراميه فى الحساب للعضاء اللى مش معاهم استيكر المنتدى
وهل يوجد تربيط وكشف على العفشة ( يعن من الاخر عاوز اطمن على العربيه كلها )
هل يمكن تقدير تكلفه مبدائية للموضوع دا
وشكرااا
ارجو الرد للاهميه
وشكرااااا
السلام عليكم ورحمة الله وبركاته
1 - بالنسبة للعيب الأول في السيارة ومشكلة السحب والإستهلاك يتم حلها بإذن الله من خلال فحص الكربراتير وإصلاحة إن إحتاج ذلك وقيمة الكشف فقط 35 جنيه وأما في حالة إصلاح الكربراتير ومراجعة كهربة المحرك فقيمة الإصلاح 135 جنيه شاملة الكشف - غير شامل قطع الغيار التي قد تصرف للكربراتير حسب إحتياجه .
2 - بالنسبة للتكييف يجب النظر على السيارة لمعرفة وجود إمكانية تشغيل التكييف مع السيارة وتكلفته داخل مصنعية إصلاح الكربراتير .
3 - يوجد لدينا ضبط تاكيهات للسيارة اسكودا فيلشيا وقمة الضبط 50 جنيهاً مع العلم أنه يجب أن تكون السيارة في حالة برودة تامة .
4 - من الممكن الكشف على العفشة وتربيطها وقيمته 25 جنيهاً ( ولكن يبدأ شغل العفشة لدينا بالمركز بعد الساعة 1 ظهراً ).
5 - يوجد لدينا خدمات وفحوصات أخرى في المركز مثال كشف قياس كبس المحرك ، وكشف كبس تسريب المياه ، وكشف قياس درجة الطلاء ( الدوكو ) .........
وشكراً على المشاركة
بالنسبة للبند رقم 2 وه الخاص بالكتيف
السيارة هيا اصلا مكيفة ولما بكون ماشي على الطريف بشغل التكيف بيكون تمااام وتلاجه لما بهدى وامور العربيه وادوس دبرياج العربيه بتبطل منى والسبب فى دا ان المفروض لما بشغل التكيف العربيه بتعلى لوحدها من خلال منظم التكيف اللى موجود عندى ودا طالع منه خرطوم بس غير واصل فى الكربيراتير
روحت لمكانيكى قالى لازم نشزف عربيه نفس الموديل وتكون مكيفه ونشوف واصل فين
القصد من السؤال سبق لكم التعرض لهذه المشكله ولديكم سابق معرفه بالموضوع دا
وهل يوجد حجز ميعاد حيث انى مقيم بالعاشر من رمضان شرقيه وعلى اتم استعداد للحضور يوم الجمعه القادم 9 صباحا بمشيئة الله
اما بالنسبة لظبط التكيهات فمدى الوقت المستخدم لاتمااام ظبطها ( كام ساعه تقريبا ) حتى يبرد الماتور ويكون جاهز لظبط التكيهات
وشكراااا
ارجو الرد
تم بحمد الله شراء السيارة بعد الكشف عليها بالمركز .. وشكرا لذوق كل الناس اللى هناك .
عايز اعمل صيانة ال 100 الف لسيارة رينو لوجان 2010 .. ينفع عندكم .. والتكلفة كام وبتبقى عبارة عن ايه
اوكتافيا 2008
مياه حمرا نوعها ايه و بكام ؟
و هل في مياه مقطره ؟
السلام عليكم ورحمة الله وبركاته
يتوفر لدينا صيانة ال 100 ألف للسيارة رينو لوجان 2010 ( بدون تغيير سير الكاتينة )
وتكلفة الصيانة 150 جنيه
وهي عبارة عن تغيير طقم سيرفيس
كشف عادم وفحص كمبيوتر
مراجعة تيل فرامل أمامي وخلفي
تربيط عفشة
تغيير زيت محرك وفلتر زيت
مراجعة السوائل والزيوت
تجربتي مع مركز الصفا
السيارة : bmw e21 318
رحت انهارده و العربية وصلت بالعافية و صديق ليا كان ماشي معايا و بيقطرني لما بعطل ده بعد ركنة فوق ال 4 شهور بسبب اني مش لاقي حد يظبط الكاربراتير صح و العربية مش ماشية مظبوط خالص وبتعطل اكتر ما بتمشي...
خارج مش مصدق اني ما قابلتش مشكلة واحدة في اي حاجة و اسلوب التعامل مع العميل ممتاز ممتاز ممتاز و مهندسين فاهمين و محترفين... ده غير اني خارج بجرى بالعربية كاني شاريها جديد...صوتها اتظبط..نعومة الموتور رجعت..السحب رجع...
ده بفضلكم بعد الله
شكرا
السلام عليكم ورحمه الله وبركاته
انا عربيتى لانشيا موديل 96 هاف انجيكشن ديدرا 1600
استهلاك البنزين عالى جدا جدا يعنى اللتر 80 بيعمل 3 ك وطبعا العربية مش مضبطة خالص زائد دخنه سوداء عشان البنزين النى وشغل هلامى !!
ناس قالولى احولها كاربرتير عاده احسن وريح دماغى من الحساسات والكلام ده عشان انا دوخت عند الميكانيكيا ومحدش عارف يضبطها خالص فهل عندكم حل للموضوع ده وتكلفته كام تقريبا وهلى فى خصم 10 % لكل اعضاء الجروب ولا دى اشاعه وياريت الرد بسرعة وشكرا جزيلا
مركز فاشل فاشل 30 فاشل
روحت بعربيتى كروس فوكس الماتور بيبرجل ومشكلة فى الدوارة والعربية بتبطل فى السلانسيه ، قبلت المهندس شرحت له المشاكل قالى بسيطة مش ها تمشى الا والمشكلة مش موجودة ، قالى ها ننضف الرشاشات بتاعت البنزين وها نكشف على البوابة وان شاء الله ها تتظبط التكلفة 350 جنيه تقريبا ، قولت ماشى حوالى 3 ساعات شغل الراجل الاكان شغال فى العربية قالى خلصت ، ادور العربية مافيش اى شى اشتكيت منه مباقش موجود كل شى زاى ماهو ، الشخص الاكان شغال فى العربية نادى المكانيكى قاله انا قولت من الاول ده حاجة فى وش السلندر بص يابشا مصنعيته 550 جنيه غير قطع الغيار ادى نصابية تانية مصنعية على شغل ما يعرفش ايه هو ، جه المهندس الاقبلنى قولتله مافيش اى حاجة اتصلحت قالى ماهو واصل وفى الاخر قالى العربية فيها حاجة فى وش السلندر بص يباشا انا مش ا احسبك على تغير فلتر البنزين تمام كدة ، قعدت اضحك بس ، ودفعت الفلوس زاى الباشا وخارج من قدامه العربية بتبطل منى وهو عامل من بنها
السلام عليكم و رحمة الله و بركاته
مركز الصفا المحترم
عربيتي هيونداي اكسنت موديل 2000 1300 سي سي كاربراتير
ملاحظ ان استهلاك السيارة للبنزين زيادة يعني 25 ليتر يعملو 180 كيلو فكنت عاوز اعرف ايه معدل الاستهلاك الطبيعي علما اني ان شاء الله بكرة رايح فرع الجيزة بتاعكم و اتمنى من الله اني اخرج من عندكوا و المشكلةمحلولة باذن الله
العربية اول ما بدور الصبح لمدة 30 ثاني دخان اسود خفيف جدا لكن بعد كده مفيش لون بيطلع من الشكمان
علما اني لسه مغير من شهر لبوجيهات ان جي كيه بلاتينيوم
الحاجة الثانيةكنت عاوز اعرف ازاي احصل على ستيكر نايل موتورز
الى مركز الصفا انا روحت لكم فرع النزهة وتم ضبط الكرباريتر وبعدها بفترة صغيرة غيرت الكرباريتر بسبب انة كان جاب الاخر على فكرة العربية لادا واللى ضبط الكرباريتر عندكم ما قال لى الكرباريتر بيخلص علشان تاخدوا فلوس وخلص ولو حصل وسيادتكم طلبتم الحضور لو جاءت مش هدفع ولا مليم لانك مفروض تقول للعميل حالة الكرباريتر مش تغير لة بيكات وتضبط لة هواء وشكرا قول لة الحقيقة اكسب العميل
السلام عليكم ورحمة الله وبركاته
حضرتك أن فرع النزهة تم إغلاقة من سنة 2008
وليس لنا إلا الفرع الرئيسي في 52 شارع مختار أباظة المنطقة الصناعية بقباء أمام عمارات الفاروقية من شارع جسر السويس
والفرع الثاني والوحيد في الجيزة 145 شارع ترعة الزمر بجوار محطة مترو فيصل !!
وسوف نتحرى عن هذه الورشة التي تنتحل اسم مركز الصفا
وعليكم السلام ورحمة الله وبركاته
أن متوسط الأستهلاك في السيارة أكسنت 1300 ... هو [ 220 كيلو ] في لكل 20 لتر بنزين وذلك في الطريق الطوالي بسرعة 90 إلى 110 كيلومتر في الساعة
حضرتك تقدر تشرفنا بفرع الجيزة لتحليل وقياس نسبة العادم وضبط الكربراتير ومراجعة الكهرباء والبوجيهات واسلاك البوجيهات والفلاتر وعمل اللازم وان شاء الله يتم القضاء على كل مشاكل الدخنة السوداء والإستهلاك بفضل الله
وبالنسبة لإستيكر نايل موتورز فإن قيمته 100 جنيه .. ولكنه متوفر حاليا ً بالفرع الرئيسي فقط
وليس متوفر حالياً بفرع الجيزة .
عنوان فرع الجيزة [ 145 شارع ترعة الزمر بجوار محطة مترو فيصل - 01011068887 - 01154014759 ]
وشكراً على المشاركة
السﻻم عليكم و رحمة الله و بركاته
الساده مركز الصفا
انا لسه جاي من فرع الجيزة و الحمد لله المعاملة محترمة و المقابلة محترمة
و بلغت م / احمد مرعي بمشكلتي في الاكسنت و زيادة الاستهﻻك و تم فك الكربراتير بعد قياس العادم و تم التنظيف و تغيير جوان و مشيت و بعدين لقيت رجة على السﻻنسيه و العربية بطلت فرجعت و الفني على ال ار بي ام شوية و اختفت الرجة
اكن انا ليه ملحوظة ان ﻻزم الفني او المهندس يتكلم مع العميل و يمشيه معاه ستب باي ستب يعني يقوله فكينا مثﻻ و لقينا كذا فهنعمل كذ لان العميل خاصة المرة اااولى بيبقى قلقان علشان موصوع الكربراتير ده كله قلق
و ان شاء الله انا هفول العربية و هبدا احسب و ارجع بالرد ان شاء الله و اتمني ان المشكلة تتحل ﻻانها جابتلي صداع
ملحوظة م/ احمد جاه معايا عند كهربائي لان كان فيه فيشة مقطوعة و تم حل المشكلة و انا بشكره جدا على مجهوده
و اتمني بقه اشكره اكتر على موضوع البنزين
فيه مﻻحظة تانية ان يا ريت تدوا العميل ريبورت بقياس العادم قبل و بعد و شكرا
السلام عليكم ورحمة الله وبركاته
لقد تشرفنا بتقديم خدمات المركز لسيادتكم
وبالنسبة لموضوع متابعة الفني للعميل ستيب باى ستيب ... فإن ذلك الأمر نفعله في بعض الآحيان فقط وذلك حين تواجهنا مشكلة كبيرة لا نستطيع حلها ونحتاج مراجعة العميل فيها أو عند عمل عملية إصلاح إضافية أخرى غير المتفق عليها وحينها نرجع للعميل أو عند تغيير قطع غيار إضافية مثل البوجيهات أو الفلاتر أو كابلات أسلاك الوجيهات ... .. أما ما دون ذلك فإن الفني لا يعود للعميل في شئ وذلك لأنه بالفعل أخذ الأمر والخطة من مهندس الإستقبال بعمل المطلوب منه وكذلك لان هذا صميم خبرته وشغلة وكذلك أن الفني يكون منهمك ومشغول في إنجاز عمله..
وبالنسبة لموضوع أخذ القياسات قبل وبعد .. فإن ذلك بالفعل ما تم مع سيادتكم ومع كل عملاءنا الكرام وقد تم الإتصال بحضرتك وتوضيح أمر الريبورت الأزرق الموضح فيه القياسات قبل الإصلاح وبعد الإصلاح وهذا الريبورت الآزرق مرفق مع الفاتورة .
ونتمنى أن نكون حزنا على حسن ظنكم بنا
وشكراً على المشاركة
عندي صني 98 في مشكله غريبه كنت قبل كده تم تنظيف الكاربراتير من سنين بعد ذلك اصبحت العربيه بتاكل بنزين قررت من حوالي شهرين اذهب عندكم تم عمل صيانه للكاربراتير والخمد لله اصبح الاستهلاك مظبوط 240 بدلا من 160 للصفيحه لكن في الايام الاخيره عند تسخين العربيه صباحا احيانا وليس دائما الاحظ بشكل ملفت للنظر ان موشر البنزين بينزل بشكل ملحوظ وبالتالي الاستهلاك بيزيد والعربيه بتعمل 180-200 لكن اثناء السير بها الاستهلاك بيكون مظبوط المشكله فقط اثناء التسخين ممكن حد يقولي ايه المشكله ايه بالظبط و حلها و هل سيتم فك الكاربراتير مره اخرى مع العلم اني غيرت اثناء الصيانه البوجيهات و فلتر البنزين و فلتر الهواء
السلام عليكم وحمة الله وبركاته
المشكلة هي ضبط في جزء بوابة السخان العلوية وهناك إمكانية لضبطها بدون فك الكربراتير
وما يؤيد هذا التشخيص إذا كان هناك دخنة سوداء من الشكمان صباحاً أثناء بداية التدوران صباحاً
وأن لم يكن هناك دخنة سوداء صباحاً يجب الكشف على السيارة وتحليل العادم ومن ثم إمكانية فك الكربراتير من عدمه
وشكراً على المشاركة
الأستاذة والمهندسن والفنيين المحترمين لمركز الصفا
عربيتي ريحاتا 85 .. عاملة 90000ك أول مشتري
لاحظت رائحة بنزين ني جامد جدا جدا وأستهلاك عالي 170ك=25لتر أو أكثر كمان 92
وذي باك فاير يكاد ملحوظ عسطة صغيرة كده كل خمس ثواني حاجة زي كدة موجودة في السلانسية بس بتبان .. وغير كدة غير ملحوظة
أسف على الإطالة
توجهت لمتخصص كاربرتير وفك الكربراتير أمامي وقالي زي الفل مفيهوش حاجة ونظفه بالهوا المضغوط
وكشف على علأكس والباب تجاه النور أكيد طبعا حضراتكو عارفين ليه
وقالي مفيهمش أي بوش إطلاقا والبيكات بتاعاتك ممتازة وبحالة الأصلية الجيدة
ولكنه وجد العوامة عايزة تتظبت عشان إبرتها أو البلف إنتو طبعا تفهموا عني بكتير بس انا بحاول اوضح كل اللي فهمتو ليكو وظبتها على البلف بتاعها وقعد يتأكد كده بكذا حركة إنها تمام .. وبعد كدة قص الجوانات وركب
وفعلا ظبت ريحة الحريق الني و الآستهلاك وصل 10ك في اللتر جوة البلد
ولكن العطسة مازلت موجودة في السلانسية بس بتبان .. وغير كدة غير ملحوظة .. غيرت بوجيهات+كوندسر+ أبلاتين بالفيلر ونفس العطسة موجودة
قولت مش مشكلة العطسة المهم الإستهلاك ظبت والريحة تقريبا انتهت
3شهور أو أربعة يامهندسين ورجعت نفس الريحة حريق ني جامد جدا .. ورجع نفس الإستهلاك العالي تاني
أنا هيجيلكو فرع الجيزة يوم الجمعة إن شاء الله الساعة 7.30 الصبح .. أنا عارف بتفتحو 9 ** بس أنا هتتجن وأعرف .. ممكن حد يفهمني بجد .. بارك الله فيكم
انا مستني رأي الخبراء فيكم يامركز الصفا المحترمين
أفيدوني بالله عيكم
الأستاذة والمهندسن والفنيين المحترمين لمركز الصفا
عربيتي ريحاتا 85 .. عاملة 90000ك أول مشتري
لاحظت رائحة بنزين ني جامد جدا جدا وأستهلاك عالي 170ك=25لتر أو أكثر كمان 92
وذي باك فاير يكاد ملحوظ عسطة صغيرة كده كل خمس ثواني حاجة زي كدة موجودة في السلانسية بس بتبان .. وغير كدة غير ملحوظة
أسف على الإطالة
توجهت لمتخصص كاربرتير وفك الكربراتير أمامي وقالي زي الفل مفيهوش حاجة ونظفه بالهوا المضغوط
وكشف على علأكس والباب تجاه النور أكيد طبعا حضراتكو عارفين ليه
وقالي مفيهمش أي بوش إطلاقا والبيكات بتاعاتك ممتازة وبحالة الأصلية الجيدة
ولكنه وجد العوامة عايزة تتظبت عشان إبرتها أو البلف إنتو طبعا تفهموا عني بكتير بس انا بحاول اوضح كل اللي فهمتو ليكو وظبتها على البلف بتاعها وقعد يتأكد كده بكذا حركة إنها تمام .. وبعد كدة قص الجوانات وركب
وفعلا ظبت ريحة الحريق الني و الآستهلاك وصل 10ك في اللتر جوة البلد
ولكن العطسة مازلت موجودة في السلانسية بس بتبان .. وغير كدة غير ملحوظة .. غيرت بوجيهات+كوندسر+ أبلاتين بالفيلر ونفس العطسة موجودة
قولت مش مشكلة العطسة المهم الإستهلاك ظبت والريحة تقريبا انتهت
3شهور أو أربعة يامهندسين ورجعت نفس الريحة حريق ني جامد جدا .. ورجع نفس الإستهلاك العالي جدا تاني
أسف على وقتكم ولكن راغب في علمكم والإفادة من خبراء مثلكم
بارك الله فيكم
شكرا لردكم الغالي أيها الأستاذة المحترمين
سؤالي ياهندس هل تحليل العادم لقياس الإستهلاك يكشف العيب من الكرابتير .. أو
وهذا هو المهم أو من الصبابات .. وأرجو من سيادتكم توضيح عطل الصباب أو جلوده والبلووف الخاصة به وعلاقته بالحريق الني الجامد جدا جدا وإستهلاك البنزين العالي .. أرجو منكم الرد
لأني عملت طقم شنبر وفورش - وتأكدت من عدم وجوود بوش في الهالايل
وغيرت جوان وش السلندر والمكانيكي الله يسمحه مرضيش يعمل روديه ولايجي جنب الصبابات وجلودها
مع اني قولتلو بالمرة واحنا فاتحين نعمل جلد الصباب ونكشف على كل حاجة بالصبابات بالمرة
ولكنه رفض بشدة يا أستاذي الفاضل وقالي حالتهم زي الفل وأنا فاهم بعمل إيه
فممكن فعلا تفهمني موضوع الصبابات يا استاذي وتكون مشكورررا
أسف على التطويل عليكم
شكرا لردكم الغالي أيها الأستاذة المحترمين
سؤالي ياهندس هل تحليل العادم لقياس الإستهلاك يكشف العيب من الكرابتير .. أو
وهذا هو المهم ـــ> أو من الصبابات .. وأرجو من سيادتكم بعد إذنكم توضيح عطل الصباب والدلايل أو جلد الصباب والبلووف الخاصة به وعلاقته بالحريق الني الجامد جدا جدا وإستهلاك البنزين العالي .. أرجو منكم الرد
لأني عملت طقم شنبر وفورش - وتأكدت من عدم وجوود بوش في الهالايل
وغيرت ب2جوان وش السلندر والمكانيكي الله يسمحه مرضيش يعمل روديه ولايجي جنب الصبابات وجلودها أبدا
مع اني قولتلو بالمرة واحنا فاتحين نعمل بقى جلد الصباب ونكشف على كل حاجة بالصبابات بالمرة
ولكنه رفض بشدة يا أستاذي الفاضل وقالي حالتهم زي الفل وأنا فاهم بعمل إيه
فممكن فعلا تفهمني موضوع الصبابات يا استاذي وتكون مشكورررا لأن المعروف أن الكرابترير لو في دخان أسود يبقى بنسبة90% هو الكرابتير بالطبع .. وده مش موجود عندي إطلاقا لآيوجد دخنة سوداء نهائي لاعلى السلانسيه ولافي المشي أو حتى القرص.. ناهيك عن إستهلاك البنزين
ولكن الدخنة البيضا الخفيفة في بداية أول ربع ساعة فقط من تشغيل العربية فقط ورائحة البنزين الفظيعة الني دايما مشمومة رائحة حريق ني .. يبقا كدا صبابات فعلا
وشكل عطسة الشكمان اللي حضرتك عارفها دي غلطة من الصباب .. في عدة واحدة غلط في الشكمان غلطة بسيطة كده كل 7أو8ثواني
صح كلامي ياباشا ولا ليك رأي تاني يامركز الخبرة والهندسة
أرجوك مستني ردك
السلام عليكم ورحمة الله وبركاته
للرد على جميع إستفسارات حضرتك والرد المفصل على جميع تساؤلاتك برجاء الإتصال بالآرقام التالية :
01143636693 - 01225873240 - 21828377 - 21828563
والسؤال على المهندس / أحمد حسين
أو
المهندس / محمود حسين
وشكراً على المشاركة
شكرا يا باشا
أنتم غاية في الأحترام ولكم جزيل الشكر
معي فورد اسكورت انجكشن موديل 1998 واستهلاكها للبنزين مش كويس وكنت عاوز اعرف من حضراتكم هل سيارتي من السيارات الممكن الكشف عليها لديكم أم لا
السلام عليكم , انا عندى نيسان صنى 99 1300cc , العربيه بتبطل على السلانسيه ولازم اعلى الموتور علشان تفضل دايره . هل العيب ده يكون فى الكربراتير؟ ويمكن الاصلاح فى المركز؟
شكرا جزيلا