السلام عليكم ناسف لتاخر الرد بسبب صلاة التراويح فى مكان بعيد المواعيد فى رمضان من الساعة 10ص الى 5 م و بنقبل شغل لغاية الساعة 2 م فقط برجاء الحضور باكر الاجازة يوم الاحد فقط وشكرا للمشاركة
السلام عليكم .. أنا عربيتى نوبيرا موديل 2006 ماشية 94000 كم و الرشاشات بتاعتها ماغيرتهاش خالص من ساعة ماجبت العربية وظهرت من كام شهر كده مشكلة انها بتغيب فى الدوارة لما بتكون سخنة و ظهرت مشكلة تقطيع و بطء سحب العربية و رحت للميكانيكى وغيرت بوجيهات و فلتر بنزين و ظهرت المشكلة تانى بعديها بشهرين كده .. دلوقتى هل العيب فى الرشاشات عايزة تتغير ولا تنضيف بس ؟ ولو هتتغير هيبقى الافضل أشترى بتاعت الدايو ولا رشاشات الأكسنت أفضل ؟
شكرا .. جزاكم الله خيرا
السلام غليكم هذاالعيب فعلا بسبب الرشاشات و لاتقبل نظافة لانتهاء عمرها الفتراضى وهو 60000كم فى مصر بسبب البنزين و رشاشات الالنترا هى الحل و ليثة الاكسنت الرشاشات الاصلى ب 1100 الى 1300ج مصرى رشاشات الهيونداى الجديدة اللى موجودة بالاسواق ليثة الاصلية ب 750ج و الاصلى الستيراد فى الحرافيين فى حدود 250 الى 350ج و موجودة بالمركز تم اختبارها و تنظيفها و ضمان عام كامل 450ج و خصم خاص لسيادتكم اسال على المهندس احمد حسين عند الحضور و شكرا للمشاركة
السلام عليكم
بعد اذنك يا باشمهندس انا عندي عربية شيفورلية افيو 2006 بقالها مدة فىها مشكلة ان الrpm اقل من الطبيعي بتاعها يعنى الصبح عند التسخين المفروض الrpm بيكون فوق الالف وينزل لما تسخن لكن عندي بيكون على حدود 800-900 ولما العربية بتسخن بيقل عن كدة كمان بينزل لحدود 500-600 وده بيخلى العربية تقيلة وبترجرج عند بداية الحركة والمشكلة بتزيد اكتر مع التكييف مع العلم ان لمبة الاعطال منورتش
فبعد اذنك عاوز اعرف تكلفة الاصلاح المبدئية وسبب المشكلة وهل المركز شغال بعد الافطار ؟
l,trdk hk ahx hggi .
متاسف للتعليق السابق انا كتبت التعليق ولم احول الكى بورد للغه العربيه والتعليق كان -- موفقين ان شاء الله .
السلام عليكم
مشكلتى ان عربيتى ماشية 180 الف وكانت تمام بس من فترة السحب اقل وتجميع العربية بقى وحش وكمان سلانسية العربية فجاة وطى وبالاخص لما صحلت التكييف مع العلم ان العربية ميته والتكييف شغال حاجة يعنى تشل انا من المنصورة وجايلكم المركز مخصوص غدا ان شاء الله بس كنت عاوز اعرف تقريبا اية المشكلة وممكن تتكلف اد اية بالتقريب طبعا وشكرا