برجاء الحضور للمركز يوم الجمعة لسهولة التجربة فى الشارع و فى وقت مبكر لمحاولة تحديد العيب و انشاء الله يكون فى حل عندنا وشكرا
سؤال؟ هل عندك فى المركز كشف كبس الماتور الجاف والزيت لمعرفة ان كان الماتور يحتاج طقم شنبر من عدمة؟وسعر الكشف؟وشكرا
السلام عليكم
سياره شاهين موديل 2000 مرفوعه 3 سنوات الكربراتير فى السلانسيه غير منتظم وبيعلى و يوطى صوت الموتور يا ترى فى حل وشكرا
السلام عليكم ورحمه الله وبركاته
معى عربيه هونداى اكسل موديل 97 عملت نصف عمره ماتور منذ شهر المهم العربيه بتاكل بنزين بشراها لاتتخيلها من قبل العمره وبعد العمره اريد ظبط تكيهات اما بخصوص الكاربراتير
فى باب مكنته عاطله يفتح برحته ويقفل برحته هل اجدها عندكم وكم التكلفه كلها واشكركم على حسن استماعكم جزاكم الله كل الخير
السلام عليكم
أنا سيارتى لانسر 1993 المشكله أنه يوجد نتشه فى العربيه على السرعات البطيئه لحد سرعه 60 كم وتختفى
تقريبا على السرعات العاليه و النتشه هذه غيرت على أثرها الأتى :
فلتر البنزين ( مرتين )
فلتر هواء ( مرتين )
البوجيهات ( 3 مرات )
سلك البوجيهات ( مرتين )
ومع كله ده والمشكله ما زالت قائمه
أحد أعضاء المنتدى الكرام وهوه هيما لانسر قال لى أن المشكله ممكن تكون فى الكربراتير
فهل يا ترى الكربراتير فيه المشكله ولا مشكله كهرباء بالرغم من أنى غيرت الأشياء اللى أنا ذكرتها
أرجو الأفاده من أهل خبره مركز الصفا
السلام عليكم هذا العيب ممكن يكون بسبب انسداد رشاش التعجيل بالكربراتير او نسب الخليط اقل من المعايير القياسية وهذا ممكن حله بالمركز بجاء الحضور اى يوم جمعة لتجربة السيارة على الطريق بعد الاصلاح وهذا بسبب ازدحام الطرق فى اى يوم اخر وشكرا للمشاركة م احمد حسين مدير المركز
good work
السلام عليكم
تم الذهاب للمركز يوم الجمعه الساعه 930 وكنت رقم 10 وتم الكشف بالاجهزه حوالى 4 اجهزه وتم فك الكربراتير وتغيير عدد 2 رداخ كاوتش نشفوا من ركنه العربيه وتمت التجربه و تم ضبط السياره كالفابريكه
الملاحظات :
المركز محترم وبه عدد وافر من العماله و الامكانيات
العامل اللى كان معايا اسمه احمد شخصيه محترمه ومهذبه وفاهم بيعمل ايه
اللى لقيته بعد ماروحت ان الشفاط ما بيشتغلش بس ليا ضمان اسبوعين لمراجعه الشغل
السلام عليكم سوالى هل اصلاح الكربراتير لو سوسته باب من البان الاثنين تم تغيره وظبطه بمبلغ 85 ج بس لعربيه هونداى اكسل مع الكشف وشكرا
بعد اذن حضرتك انتم بتشتغلوا فى كربراتير البيجو 305 ولا الموديلات دى بقى خلاص المراكز الكبيرة مبتشتغلش فيها وشكرا جزيلا لحضراتكم واهتمامكم
المركز يعمل فى موديلات اقدم واصغر مثل فيات 128 127 اليابانى النصف نقل ولكن لايعمل فى البيجو 305 بسبب حالات المحرك المستهلكة ولكن فى حالة جودة المحرك يسمح لها بالدخول والعمل بالكربراتير فقط و السيارات التى لا نعمل السيات133 الامريكانى القديم الفولكس بيتلز الفولفو كربراتير بستم القديم المرسيدس الانجيكشن القديم2000 و ما قبله
لو سمحتم انا عربيتى سيينا 1400 والعربيه بتستهلك فى الصفيحه حوالى 170 كيلو مترهل ده يعتبر استهلاك عالى للبنزين ولا لا ولو هو عالى ممكن تكون المشكله فين وممكن الصيانه عندكم ولا لا والتكلفه تقريبا ممكن تكون كام وهل لازم احجز قبل ما اجى ولا لا
السلام عليكم ورحمة الله وبركاته
ارجو من سيادتكم معرفة
هل تتعاملون في السيارة فيات ارجينتا موديل 86
بتاكل بنزين
ولكم جزيل الشكر
المركز يعمل فى السيارة السيينا 1400 باجهزة كشف الاعطال و تحليل استهلاك الوقود الدقيق برجاء تجربة السيارة على الطرق السريع اولا لمعرفة الاستهلاك الحقيقى للسيارة ثم الحضور للمركز و على العموم الكشف فقط 50ج او الاصلاح150ج شامل الكشف وحسب حالة السيارة و شكرا
بسم الله الرحمن الرحيم
الساده مركز الصفاء
بعد التحيه
انا املك سياره اوبل فيكترا موديل 95 سعه المحرك 1600 سى سى برشاش واحد فقط والعربيه بتهبب البوجيهات مع العلم ان مغير البوجيهات جديده من التوكيل جى ام اتنين شمعه ومغير حساس الكولنت جديد توبران والعربيه بيخرج عادم لونه اسود بسيط ويكاد يكون غير ملحوظ ومش باستمرار ومش عارف ممكن يكون العيب فين
وهل ممكن يكون الرشاش سبب فى هذا العيب وهل يمكن الكشف على الرشاش ومعايرته وطبطه اذا احتاج لضبط
ولكم جزيل الشكر وممكن اجى يوم الجمعه لو العيب ده ممكن اصلاحه ولو يمكن اصلاحه ممكن الرد على بسرعه لتحديد موعد علشان انا هاجى من الاسماعيليه وده رقم التليفون 0113663963
لانسر 93 سرعة الموتور عالية فى السلانسيه
بالتوفيق ان شاء الله
عندي سياره جيب ديهاتسو 1980 (موتور تويوتا 2000 cc ) الكربراتير بيعمل 130 كيلو في الصفيحه اتعمله اكس وباب وتغير البكات ممكن اعرف ممكن يتصلح لتقليل استهلاك البنزبن والسعركام وبالنسبه للميكانيكا الموديل قديم نوعا ما هل لو حبيت اعمل صيانه للموتور وذلك مما وجدت لكم شهره وحسن المعامله وهل اسعاركم متوسطه فعلا ولا لا ولكم جزيل الشكر
عندى العربية بتطلع دخانة سودة جامدة من الشكمان
كشفت كمبيوتر الراجل قالى احتمال يكون رشاش فكة لاقى فى الرشاش جزء بنى بلاستيك مفتوح و قالى نغيرة هل ممكن ينظف ولا اية
العربية فيكترا موديل 2000 1600 سىسى
رشاش واحد
وياريت لو اعرف تكلفة التنظيف
والله انا في حيرة جامدة اوي وشكوتي كتبتها كتير اوي انا عندي اوبترا مو 2007 العربية بتعمل في ال 40 لتر 160 كيلو بس المهم في دخنة سوده من الشكمان انا انهردة روحت الحرفين و كشفت علي الجهاز بصراحة مكنتش قربت عنكم خالص غير دلوقتي المهم الرجل قالي في حساس كاتب كود و انا مسحتو و ان شاء الله هتضبط معاك ياريت بس حضرتك تقولي اكواد الحساس لما تكون معلقة و تتمسح ممكن يكون السبب منها هو قالي حساس الكامة و الشكمان تقريبا و انا مسحتهم خلاص و مظهروش تاني لما عمل ليها كشف بطل و دور و ووصل الكمبيوتر ياربت بس تطمني و تقولي ممكن يكون العيب من اية و شكرا ليكم بجد معلش حضرتك شغالين يوم الحد و لا لا
عربيتي فورد اسكورت 1300 كربراتير كان استهلاكها في البنزين عالي وبتهبب بوجيهات وطبعا كان فيه دخنة سوداء من الشكمان. اتصلت بمركز الصفا الأسبوع اللي فات ورد عليا المهندس محمود وقولت له على المشكلة وطلب مني اني اروح يوم الجمعة الصبح بدري علشان اخد رقم متقدم. فعلا روحت الساعة 9:20 الصبح وكنت رقم 3.
قام المهندس / علي بفحص العربية على جهاز co وفعلا اكتشف زيادة الأستهلاك لكنه اخبرني ان الأستهلاك العالي ده على السرعات العالية. تم فك الكربراتير واخدوه في الورشة وبعد حوالي ساعتين تمت صيانته وتركيبه. سألت الفني اللي كان بيعمله الصيانة وبيركبه عن سبب استهلاك البنزين وتهبيب البوجيهات ، اخبرني ان كان فيه جوان بين نصفي الكربراتير وكان مقلوب وده كان بيسد مجاري الهواء فالعربية كانت بتعوض نقص الخليط عن طريق البنزين الزيادة ، بالأضافة لأن كان فيه بك سرعة وسع شوية وتم تركيب واحد تاني نفس المقاس .
قطع الغيار المستخدمة:
1- بك سرعة
2- اورانج (معرفش ايه ده الحقيقة)
3- جوان قاعدة
قبل تركيب الكربراتير تم الكشف على اسلاك البوجيهات عن طريق جهاز شبه الأفوميتر كده للتأكد من فاعليتهم.
بعد تركيب الكربراتير تم ضبط العربية على الجهاز لضبط نسب الخليط ، وبعد كده خدتها مشوار للعاشر من رمضان علشان الشكمان يطرد الهباب المخزن فيه.
ملاحظاتي:
1- العربية بقت انعم عن الأول.
2- بعد مشوار العاشر توقف الدخان الأسود عن الخروج من الشكمان.
3- العربية كان اخرها معايا 120 كم/س ، بعد موضوع صيانة الكربراتير جبت بيها 160 كم/س في طريق العاشر.
4- لاحظت حدوث تعريق مياه من الشكمان وده مكنش بيحصل قبل كده.
النتيجة:
شكراً مركز الصفا.
انا عربيتى تيريوس موديل 2000
1300 cc
لما بدور العربيه بشم رائحة بنزين خام فى العربيه وبعد كده بتروح هل المشكلة دى ليها حل عندكم
السلام عليكم ورحمه الله وبركاته ارجو من الأخوه الكرام اعطائي المشورة عربيتي هيونداي اكسيل 1300 الكربراتير بتاع العربية اصبح متهالك لان الميكانيكية الله يسهلم كانوا بيتعلموا الصنعة عليه المهم اشتريت كربراتير ولكن لموتور 1500 هل ينفع يتركب علي موتور 1300 بدون تعديلات لاني شايف ان الكربراتير به وصلات كهربا علي ما اعتقد غير الموجود في الكربراتير 1300 وشكراً لاني طولت عليكم
اللهم صل على محمد وعلى آله وصحبه أجمعين شكر خاص خاص لمركز الصفا علي رده السريع مع دوام التوفيق
اولاً انا اشكر المهندس احمد (على ما اعتقد) "صاحب و مدير مركز الصفا , لأنى اتعاملت معاه كذا مره من عام 2008 .... ثانيا المركز فعلا من احسن المراكز الموجوده فى مصر من ناحيه العماله و الذوق و الخبره و المهندسين و الفنيين و الأحترام و ايضا الأسعار ... و بالفعل هذه شهاده يستحقها المركز و يمكن متأخره شويه لأنى اول مره اشوف الموضوع , بس فعلا مركز الصفا من احسن و افضل المراكز لخدمه السياره و ربنا يباركلكم
عربيتى اكسيل 1500 موديل 96 العربيه بستهلك بنزين جامد فى الداخلى حوالى 110الى 120 لتر فى الصفيحه بنزين 90 طبعا وديتها كذا مره للناس بتوع كربيراتير واتعملها اكس وباب ولكن المشكله قائمه وعلى السريع حوالى 230 الى 240 فى الصفيحه وبصراحه انا مبقتش عارف ايه الاسباب هل هناك مشكله اخرى فى دورة البنزين ولا ايه بالظبط والعربيه مش بتعمل دخنه غير اول دقيقه فقط دخنه خفيفه لا ترى تشم فقط