لأ عربيتك مش أحسن عربية في الفئة دي في أحسن منها وبنفس السعر

**Ahmad Allawy** · 17-05-2008 02:15 AM

المشاركة الأصلية كتبت بواسطة ESO_POP

صديقى اللى انا معرفوش Nile_StORM

انا مقصدكش انت فى موضوع التحيز للهيونداى ده لانه فعلا فيه ناس فى القسم متحيزين اكتر ولكن انا اعرف اتنين اصحابى متحيزين للفيرنا بطريقه كرهتنى فيها (سورى يا جماعه لملاك الفيرنا) بس حقيقى الحوار ده متعب نفسيا
(وبالمناسبه انا عايز اشترى عربيه رشحولى بقى و ورونى التحيز)

فيرنا طبعا يا باشا بلا منازع..
:) :) :) :)

**nasr-eldeen** · 17-05-2008 06:57 AM

والله الموضوع ده مثالي 100% لأني من كثرة التعليقات المتعصبة جداً بخاف اني أتكلم عن أي عيوب من وجهة نظري رأيتها في اللانسر سبورت2008 اللي معي مقارنتاً بسيارتي السابقة فيات بترا2003 مانيوال خوفاً من ملاك اللانسر في المنتدى ليعرفوا عنواني وانا راجل عندي ولاد وعايز اربيهم .
هي اللانسر عربية جميلة ياعم احسن يوصلولي ، بس بصراحة البترا ( الصخرة بالإيطالية ) كان فيها تقنية أعلى بكثييير رغم تفاوت الموديل .
بس بصراحة اللانسر عربية جميلة بالنسبة للسيارات اللي في فئتها وبكل صدق سوقتها النهاردة على Ds وكانت غول على طريق 6 أكتوبر .
بس من الاخر فعلاً ياريت محدش يتعصب لسيارة لمجرد انها عنده أو حتى بيحبها

**Nile_Storm** · 17-05-2008 07:35 AM

و بعدين شباب نريت نركز علي مضمون الموضوع و لا تتحول لساحه للنزاع بين سيريون و جين تو مثلا
لانه طبيعي هنلاقي بتوع الجين تو هيردو الان و مش هنخلص كده
سعادتي بعربيتي لايجعلني اعتقد ان مفيهاش عيوب " ان مكنتش جامده كمان "
و مصداقيتي تكمن في ان اقول عيوب سيارتي قبل مميزاتها
مش احاول بالعافيه الاقي لها ميزه باي شكل
ياشباب بالمنظر ده مكن الاقي بكره موضوع واحد بيسال اشتري 131 ولا بي ام هاتش باك
و تلاقي واحد رادد لا ياعم بي ام ايه اللي انت بتتكلم عليها اشتري 131 طبعععععععععععا علشان قطع الغيار :) ولا عشان الشنطه اوسع في ال 131 شويه :arghh:

المشاركة الأصلية كتبت بواسطة أبو عبدالله

لا في عربيات تحت 100 الف ومفيهاش عيوب

مفيش عربيه مفيهاش عيوب ده شء منطقي جدا حتي لو كانت بكام

**Eng_aly** · 17-05-2008 08:03 AM

احب اقول ان فعلا التعصب شىء سىء جدا جدا وكمان اللى بيقول كلام وهو مش راضى عنة او مش مقتنع بية 100% او بيخبى بعض الحقائق او بيجمل بعض العيوب اعتقد والله اعلم انه يكون ناطق بشهادة زور اعوذ بالله لذلك ارجو من الاخوة فى المنتدى الجميل ان يتحروا الموضوعية وان لا يتسبب احد بدون قصد فى ان يضلل اخ لنا بقول معلومات غير صحيحة وقد تودى الى خسارة مادية
وشكرا

**mazen86** · 17-05-2008 08:40 AM

انا عندي راي في الموضوع دا

كل واحد بيبقا شايف عربية كاملة من ناحية متطلباته مش اكتر

يعني مثلا واحد العربية عنده هيا الشنطة واحد تاني الشنطة مش مهمة واحد مهمةعنده المكنة وكدا

واحد تاني المهم انه ميدفعش علي العربية جنية وهكذا

بس التعصب دا مشكلة كيبرة جدا في المنتدي

عشان كدا انا اخدت قرار هقول رايي في اي عربية ومش هسمع التعليقات علي ردي

مادام قلت رايي عن تجربة او حد اعرفه حكالي التجربة عن عربيته

شكرا