Cerato vs Shark vs Cruze vs City

**mezo_88** · 07-10-2011 02:19 PM

للأسف احنا المصريين بنحكم على الحاجة بالشكل بدون تجربة
احنا عندنا العربيتين و الأتنين عمليين كيلومتر قريب من بعض و عارف ايه عيوب دى و عيوب دى و مميزات دى و مميزات دى
يبقى غلط انى اقولها و وضح للناس؟ انا لو معملتش كده ابقى غلطان

**nouranwar** · 07-10-2011 02:42 PM

مش هقولك غير اللي كانت عندي و بجد ندمت اني بعتها الشيفروليه كروز بجد فوق الرااااااااااائعة بس للاسف انت طالب مالتي فانكشن و اير باجز و ايه بي اس و الحاجات الثلاثة دول زي ما انت قولت في الفئة الهاي لاين و التوب لاين بتوعها
بالتوفيق في الاختيار الاعضاء هنا هيفيدوك احسن مني ان شاء الله

**ahmedmohamed7** · 07-10-2011 03:08 PM

السلام عليكم

دلوقتى احنا عندنا عربيات كروز سيراتو شارك و سيتى
مبدايا السيتى من المفترض انها فئة اقل من الباقى

انا هتكلم الاول عن سيراتو و الكروز من واقع تجربة صديق فى الجامعة ......كان معا الينترا و بعدين سيراتو و دلوقتى كروز و كان سبب التغير ...من غير سبب فقط للتجديد و للتغير بفض النظر عن تفكيره الغريب ده xDسالته عى رايه فى ال عربيات و كان رده ان الكروز تتفوق فى كل شىء باستثناء قوة الموتور و تسارع العربية من الثبات لغاية 80 كيلو متر تقربيا و بعدين بتبقى كويسة جدا...النقطة ديه كانت متفوقة جدا فيها الالينترا بلا منازع و هو مش ندمان انه غير من السيراتو لكروز لانه بقولى انه حاسس بفرق فعلا للأحسن مع انهم نفس الفئة ......

السيراتو كانت ليها عدت تجارب معايا..... واحده منهم ان العزل بتاع العربية على الطرق السريعة مكنش كويس بالنسبة ليا و كمان العربية الى كنت ركبها كان فيها رجه على السلانسيه و هى مشغلة التكيف...العربية كانت لسه عاملة صيانة ال50 الف....
تانى تجربة مع عربية صديق تانى و سيراتو بردو ان فى اصوات تزيق طالعة من العفشة الخلفية فى حالة وجود نقرة او مطب ....

وجهة نظرى ان لو الاختيار ما بين سيراتو و كروز يبقى كروز و ما يعيب الكروز هو توكيلها _منصور

السيتى .......ماركبتش الشكل الجديد بس ركبت القديمة و فعلا عربية محترمة جداو مع واحد صاحبى و ماشاء العربية عاملة فوة ال50 الف و لما باسالو عن العربية دايما ردو زى الفل و مافيش اى مشاكل مافيش غير الصيانات الدورية و تغير الاجزاء الميكانيكة الاستهلاكية و تستحق فلوسها بس يعاب عليها توكيلها و اهتمامه المنصب على السيفيك فقط و مقولة لو هوندا يبقى سيفيك +اسعار قطع الغيار مبالغ فيها بعض الشىء....

الشارك ماركبتهاش و هى ماشيةxD ركبتها و هى واقفة فى المعرض .... بحبها جدا جدا ماعرفش ليه....بحس انا الطابلوه منظم و مريح جدا للعين و الكراسى قمة فى الراحة ما شاء الله بس يعاب عليها السياسة التسعرية و عدم وجود عوامل امان كافية باستثناء الفئة الاعلى منها ...

حضرتك ممكن تبص على الرينو فلوينس عربية واسعة و شيك و مهاعها دعم فنى و تفنى محترم جدا .....
وفيه كمان المازدا 3
الخلاصة بقى انا لو مكان حضرتك هشترى السيتى او الشارك او الفلوانس .....
عايز اقول حاجة كمان انا اتكلمت دون الدخول فى الميزانية الى حضرتك حطيطها كحد اقصى ....شوف العربية الى فيها عوامل الامان تجهيز اساسى فى العربية و توكل على الله و هاتها ....

**ahmedmohamed7** · 07-10-2011 03:13 PM

المشاركة الأصلية كتبت بواسطة mezo_88

من حكم تجربتى بالسيراتو 2010 و السيتى الشكل القديم 2007 ارشلك السيتى طبعا لأنى السيتى 2007 أحسن 100 مرة من السيراتو 2010 و الأثنين ثبات واحد و اكيد السيتى 2011 احسن بكتير من السيتى 2007
عن صدق احنا هنا فى البيت بنندم اننا جبنا السيراتو و الحمد لله السيتى لسه موجودة و علربية محترمة جدا و مهما كان هيا يابانى تقفيل تايلاندى بس احسن فى كل حاجة من السيراتو

الراجل ده انا اعرفه شخصيا و شاهد على المعاناه الى بيشوفها مع السيراتو xD
لأ الهوندا غير بصراحة

**ahmedmohamed7** · 07-10-2011 03:13 PM

المشاركة الأصلية كتبت بواسطة nouranwar

مش هقولك غير اللي كانت عندي و بجد ندمت اني بعتها الشيفروليه كروز بجد فوق الرااااااااااائعة بس للاسف انت طالب مالتي فانكشن و اير باجز و ايه بي اس و الحاجات الثلاثة دول زي ما انت قولت في الفئة الهاي لاين و التوب لاين بتوعها
بالتوفيق في الاختيار الاعضاء هنا هيفيدوك احسن مني ان شاء الله

+1

**mido** · 07-10-2011 05:51 PM

انا بعت السيراتو و جبت كروز
صحيح الكروز مبتحرقش زى السيراتو ال 4 نقلات بس بجد عربيه تحفه و صدق او لا تصدق بتجيب ال 120 و ال 140 فى وقت اقل من السيراتو..مش عارف ازاى بس هى بتبدى تصحى من اول 80 بس برده قبل كده مش بطه يعنى بس مش سيراتو برده

طبعا الكروز هاى لاين اوبشنز اقل من السيراتو sx بس الكروز عفشتها احسن و اريح و مش بتتنطط و استهلاك البنزين تقريبا واحد ( بقارن ب ال 4 سرعات ) انا جبتها عشان العفشه و الثبات

ا

**SAMEH_FOUAD** · 07-10-2011 07:15 PM

المشاركة الأصلية كتبت بواسطة mezo_88

من حكم تجربتى بالسيراتو 2010 و السيتى الشكل القديم 2007 ارشلك السيتى طبعا لأنى السيتى 2007 أحسن 100 مرة من السيراتو 2010 و الأثنين ثبات واحد و اكيد السيتى 2011 احسن بكتير من السيتى 2007
عن صدق احنا هنا فى البيت بنندم اننا جبنا السيراتو و الحمد لله السيتى لسه موجودة و عربية محترمة جدا و مهما كان هيا يابانى تقفيل تايلاندى بس احسن فى كل حاجة من السيراتو

وشهد شاهد من اهلها والله ياريت الناس كلها تتكلم بيحيادية كدة

بس للاسف هما ماركبوش السيتى عشان يحكموا عليها

المشاركة الأصلية كتبت بواسطة mezo_88

بالعكس انتا الى مركبتس السيتى عشان تتكلم عليها و تقول ضايعة مع الأحترام الكامل و دا من تجربة و الحمد لله انا بقول الحق ولا الحق بيزعل؟؟؟

الحق فى السيراتو بيزعل طبعا

**IronHead** · 07-10-2011 09:24 PM

يا ريس الشارك عربية جبارة وابشنز ثالث (155 الف) ورابع فئة (162 الف) كتير وحلةة بس برة المزانية, منصحكش بالفئات الاقل 2011 عشان مواصفات الوكيل الجديد فى اول فئتين من غير ِabs & ُebd, على عكس الرواس كان منزل الفئات كلها بيهم. كان فيه اخ عامل موضوع فى قسم ميتسوبيشى عن عربيتين شارك 2009 زيرو مواصفات الرواس عند سمير ريان اول فئة اوتو ب 115 تقريبا, والهاف سبورت ب 123 والاثنين فيهم abs& ebd

فكر جديا فى التيدا هاى لاين, هتحللك المعادلة الصاعبة, وسعرها اقل من 130.

**Mohab.Nabil** · 07-10-2011 10:11 PM

بدون الدخول فى اى مقارنات

السيتى مبالغ جدا فى سعرها .. و بصراحة تحت اى ظروف انا شايف انها متستاهلش انها تبقى فى الفئة السعرية ديه

زى ما الار بى ما تستهلش تكون فى الفئة السعرية اللى هى فيها دلوقتى

مشاهدة نتائج الإستطلاع: Anho agmad 3rbya f dool mn3ees el shakl wel ada2

الموضوع: Cerato vs Shark vs Cruze vs City

LinkBack

أدوات الموضوع

عرض

-

-

-

-

-

-

-

المواضيع المتشابهه

shark vs cruze vs sunny

cruze vs. shark (face off)

(New Cerato Vs Chevo Cruze(Drag

Kia Cerato Vs. Honda City ???

cerato vs cruz vs city

الكلمات الدلالية لهذا الموضوع

المفضلات

المفضلات

ضوابط المشاركة