الموضوع: Cerato vs Shark vs Cruze vs City

المشاركة الأصلية كتبت بواسطة mi5a412

الف شكر يا حسام و الاسعار دى دلوقتى؟ و تنصحنى بانهى عربيه طيب منهم؟

ايوه دى احدث اسعار , وزى ماقولتلك لو مستعجل وماينفعش تأجل الشراء دلوقتى يبقى السيراتو انسب لك

المشاركة الأصلية كتبت بواسطة semsem kane

هو مش بالطول والعرض, معلش انا معاك ان السيتى من شكلها الخارجى اصغر بس من جوة اوسع وانا قولت انها قد السيراتو ماقولتش السيراتو اضيق منها

بالنسبة للعرض العربية عرضها 1695 مقابل تقريبا 1775 للسيراتو طيب اية المشكلة ودية بتاخد ثلاثة ودية بتاخد ثلاثة , الاتنين ثباتهم واحد , ماتور السيتى اقوى كسحب وتسارع

انا عارف ان مش بالطول ولا العرض بالمساحات الداخليه , بس برضه المساحات الداخليه مرتبطه بالابعاد الخارجيه يعنى مينفعش عربيه تبقى اقل من عربيه ب 12 سم ومع ذلك نفس وسعها من جوا

ومعظم العربيات السيدان حتى لو صغيره بتاخد تلاته بس مرتاحين ولا مزنوقين

الثبات اشك بصراحه ان السيتى ثباتها زى السيراتو اكيد أقل

الموتور مش عارف

انت فى بلدك هنا خلاص من كتر استهبال التوكيلات مابقاش فية عندك حاجة اسمها مين ينفع ينافس مين بقى السعر اللى بيحددك

يعنى معلش لما تقولى ال kia bicanto 2012 full option 98.000 l.e

حلو يبقى كدة دخلت فى الفئة السعرية بتاعة الكيا سيراتو الفاضية , والاكسنت rb وهية اصلا مش بتنافسهم نهائى , لانها بسعرها دة خرجت عن الi10 والشيفرولية سبارك اكيد لأ طبعا ماينفعش المقارنة بينهم اساسا بس سعرها اجبرك انك معاك مثلا 100 الف لقيتها قصادك وفيها كمية الاوبشن دية هتعمل اية؟؟؟؟؟؟؟؟؟؟؟؟؟ دية توكيلات بلدك

حلو اوى انت قولت افضل مثال يشبه السيتى , زى ما البيكانتو حتى لو وصلت 150 الف مينفعش تتقارن كعربيه بعربيه تانيه من فئه اكبر , نفس الكلام ينطبق على السيتى , اللى هى فئة الريو الجديده والاكسنت ار بى والافيو الجديده

لكن السيتى بسعرها كدة مالهاش منافس لان اى عربية فى فئتها مافيهاش نص اوبشنها ولا فيها محرك بقوتها يبقى هتنافس مين مافيش قدامنا غير اننا ندخلها مع عربيات اكبر منها حجما بس اقرب ليها جدا , انا عارف انها المفروض ماتنافسش دول بس النصيب ان سعرها يبقى كدة واوبشنها يبقى كدة , فاكيد اى واحد هيلاقى حاجة فى نفس السعر اللى كاتبة لازم يدخلها معاة فى حساباتة

مالهاش منافس لان محدش هايشتريها اصلا , زى برضه المثال بتاع البيكانتو مين اللى يجيبها ويسيب العربيات الاكبر كذلك السيتى ليه ادفع فيها 137 وفى عربيات فئات اكبر بنفس السعر ويمكن اقل

طيب مالسيراتو والكروز تقريبا طول واحد وعرض واحد وتلاقى الكروز ضيقة بفرق ملحوظ عن السيراتو اشمعنى دية ماتكلمتش عليها

معاك حق الكروز اضيق عشان سقفها اوطى لكن فى النهايه دول عربيتين ابعادهم زى بعض تقريبا مابالك باللى ابعادها اصغر صعب اوى تبقى اوسع او حتى نفس الوسع

ياباشا تصميم العربية هو اللى بيفرق , العربية دية فى النهاية هتبقى عاملة ازاى عائلية ولا رياضية , واسعة ولا ضيقة

طيب كويس مقاس الكاوتش بتاع السيتى كام 65\175 r15 يعنى مش جنوط 13 ولا 14 بس عرضة هو اللى غريب وانا واثق تماما ان العربية دية لو اتركبلها جنوط 195 مش هقول 205 هتبقى تحفة فى الثبات

اكيد لو عرضنا الكاوتش على حجمها دا ثباتها هايبقى ممتاز لكن فى الوضع الحالى صعب تبقى اثبت من اى عربيه من التلاته المذكورين فى الموضوع

فى كمان نقطة ان عفشتها مستقلة يعنى عفشة مصروف عليها ومحترمة

مستقله ازاى ياباشا السيتى تعليقها الخلفى تورشن بيم

شوف هو انتوا مشكلتكوا انكوا مش معترفين بحاجة ان العربية دية تبهدل العربيات الاكبر منها حجما ومحركا فى كل حاجة وصدقنى اركبها الاول وبعدين احكم لكن ماتحكمش عليها وانت ماجربتهاش ماينفعش , لكن لو جربتها ودية وجهة نظرك عن العربية يبقى رأيك يحترم وعلى عينى وراسى مقدرش اقول فيها حاجة لان العربيات دية ازواق وراحة نفسية

انا فعلا مجربتهاش ورأيك انت كمان يحترم ياباشا لكن انا باقارن مواصفات العربيتين على الورق ودى حاجات مش لازم فيها تجربه , الحاجات اللى ماتنفعش من غير تجربه لو مثلا هاتكلم عن قوة الموتور عن التسارع عن استهلاك البنزين , لكن كمساحه واوبشن ونظام تعليق وسعر بيتهيألى مش محتاجه تجربه

المشاركة الأصلية كتبت بواسطة semsem kane

الاخ حسام تمام ياباشا الحمد لله يارب تكون بخير

على فكرة تكييف السيتى تلج وانا من تجربتى لتكييف السيراتو اداءة مابين جيد وجيد جدا وبياخد وقت على مايجمع حتى لو العربية مركونة فى الظل , او فى جراج ودة بيدل على ضعف فى الكباس عموما

انا مجرب تكييف السيراتو كتير وفى حر الخليج واديله درجة امتياز

المشاركة الأصلية كتبت بواسطة semsem kane

طيب اذا كان السيفيك اعلى منهم كلهم اداء وسعرا يبقى نعمل اية بس

الحل ان الهوندا تنزل عربية بين الاتنين سعرها يبدأ من 120 الف وينتهى عند 150 الف

اعتقد مفيش مكان لفئة بين الاتنين , الحل السيفيك تنزل شويه لاسعار العربيات التانيه مش هانقول تبقى زيهم بس حتى تبقى قريبه منهم مش شاطحه اوى كدا