مشروع مهم عايز رايكو فيه

**yousef1978** · 06-10-2011 11:31 PM

ابعد نهااااااااائيا عن الشراكة إلا في الشئ المحسوم واللي لو حبيت تسمه يتقسم

يعني مثلا تدخل مع واحد في حتة أرض وتقلبوها

في استثمار عقاري ويبقى كل واحد عارف عليه إيه وله إيه

في تجارة دهب

لكن دكان وورش والكلام ده صعب وممكن تندم بنسبة كبيرة وتخسر صاحبك للأبد

**minicooper20** · 07-10-2011 04:43 AM

المشاركة الأصلية كتبت بواسطة midoabdeen

بص مجال البويات مربح جدا
بس متوقف على عدة عوامل

1- المكان ودا اهم العوامل ياعنى لازم تختار مكان لسة جديد زى المدن الجديدة او الاماكن الجديدة فى وسط القاهرة زى منطقة حديقة بدر مثلا
2- الاسعار لازن تكون اقل من اللى حواليك فى الاول علشان تجذب الناس ليك اكتر ودا هايكون اقل جنية وساعات ربع جنية كمان
3- العاملة الكويسة ودى طبعا حاجة انت عارفها
4- التنويع ياعنى لازم تشتغل فى كذا جاحة ياعنى مثلا
حدايد مع بويات و ديكورات وفيوتيك وكمبيوتر وممكن كمان تعمل جزء صغير للدوكو

وكمان انت معاك ميزة جامد جدا لانك كدة ممكن تمسك الشغل بتاعك اصلا مونة ومصنعية ودى هاتعمل معاك مصلحة جامدة

وبالتوفيق

شكرا جدا يا فندم
طيب هل حضرتك اشتغلت فى المجال ده
و هل من دراسه جدوى كالتكلفه فقط و الميزانيه المتوقعه
انا ناهاردا سالت على جهاز الكمبيوتر لقيتو ب 120 الف جنيه
بتدفع 30 و الباقى اقساط
بالنسبه للشغل بيتاعى انا هنفصل عن والدى انفصال تام كتجربيه نجاح مهمه بالنسبالى لالثبات الذات و هو كتر خيروعلى كده طبعا هيسعدنى بس انا عايز اعتمد على نفسى و اتعب و اخسر و انجح و ربنا يسهل
شكرا على مسعدتك جدا

**minicooper20** · 07-10-2011 04:45 AM

المشاركة الأصلية كتبت بواسطة yousef1978

ابعد نهااااااااائيا عن الشراكة إلا في الشئ المحسوم واللي لو حبيت تسمه يتقسم

يعني مثلا تدخل مع واحد في حتة أرض وتقلبوها

في استثمار عقاري ويبقى كل واحد عارف عليه إيه وله إيه

في تجارة دهب

لكن دكان وورش والكلام ده صعب وممكن تندم بنسبة كبيرة وتخسر صاحبك للأبد

ناس كتير قلولى كده ياعنى حضرتك بترشح مشروع البويات

**yousef1978** · 07-10-2011 12:19 PM

لو عاوز رأيي

في الوقت الحالي تبتعد عن اي مشروع فيه رأس مال ميت

بمعنى إن المشروع اللي تدخله في حالة أي ظروف تقدر تبيع كل اصوله بدون خسائر حقيقية وحتى لو بعتهم بأقل من سعر الشراء فما فيش خسائر نسبية لأنه بيكون ده سعر السوق ونازل على الكل

يعني مثلا لو عملت ورشة وجبت أجهزة وخلافه والمشروع ما ظبتش معاك أو أرهقك أو عانيت منه وده طبيعي لأنك ما جربتهوش قبل كده - فاللي هيحصل إنك هتبيع المعدات بسعر فيه خسارة كبيرة جدا وهتخسر قيمة التجهيزات التانية والرخص و
يعني في الآخر رأس مالك طار تقريبا وممكن المشروع يستنزفك من حيث لا تدري

لكن اتخيل لو انت تاجرت في الدهب أو الأراضي وسعر الدهب نزل فانت مش خسران لأن كل شئ نزل معاه بالتوازي

وكذلك لو تاجرت في الحديد أو الأسمنت وكده

منين ما تحب تقف تجارتك بتبيع بسعر السوق وتلم نفسك

لأن الجو حاليا ما يتحملش مشاريع فيها أصول ثابتة كتير

كمان بالنسبة لتجارة الدهب والحديد والاسمنت وحتى الأراضي لو انت استمريت فيهم فدايما بيبقى عندك كمية معينة ثابتة ما تقلش فما بيفرقش معاك نزول أو صعود السعر إلا لو حبيت تصفي خالص

يعني بتاع الدهب مثلا بيحتفظ معاه قول بكيلو دهب ولو باع مائة جرام بسعر اليوم بيشتري غيرهم في نفس وقت البيع ويستفيد بالفرق ولو السعر نزل بيبيع بالنازل ويشتري بالنازل ويكون الفرق مكسب وكذلك لو السعر رفع وما يشعرش في النهاية بالمكسب الإجمالي أو الخسارة الإجمالية إلا لو صفى وقفل المحل خالص وساعتها هيكون سعر البيع موازي لأسعار كل حاجة في الدنيا

**minicooper20** · 07-10-2011 05:03 PM

بس يا فندم تجاره الدهب و الحديد و الاسمنت تجاره راس ملها كبير جدااااااااااااا و كمان فيها عتاوله بمعنى الكلمه
بس حضرتك ممكن تفهمنى اكتر عن تجاره ذات اصول ثابته و اقتراحات لمشروع بعينه

**midoabdeen** · 07-10-2011 05:30 PM

المشاركة الأصلية كتبت بواسطة minicooper20

شكرا جدا يا فندم
العفو يا فندم
طيب هل حضرتك اشتغلت فى المجال ده
انا الفترة دى شغال فى التشطيبات لغاية ما اخلص جامعة
بس من خلال شغلى اقدر اقولك ان المجال دا مربح جدا بس عامل المكان دا فى منتهى الاهمية ياعنى لازم تختار مكان مايكونش فية نفس المجال كتير وكمان لازم لازم تكون منطقة جديدة
علشان الطلب على السلعة يكون كبير
و هل من دراسه جدوى كالتكلفه فقط و الميزانيه المتوقعه
انا ناهاردا سالت على جهاز الكمبيوتر لقيتو ب 120 الف جنيه
بتدفع 30 و الباقى اقساط
والله انا ماعنديش فكرة عن التكلفة كام بس موضوع الجهاز ب 120الف متهيئلى دا مبالغ فية شوية
انت ممكن تسعى انك تاخد توكيل من شركة بويات وانصحك سايبس او يوتن وممكن سايبس لانى عليها طلب فى منتجات التلوين والديكورات اكتر لان الخامات كويسة وكمان الاسعار حلوة
وكمان دا هايعمل معاك مصلحة كويس
بالنسبه للشغل بيتاعى انا هنفصل عن والدى انفصال تام كتجربيه نجاح مهمه بالنسبالى لالثبات الذات و هو كتر خيروعلى كده طبعا هيسعدنى بس انا عايز اعتمد على نفسى و اتعب و اخسر و انجح و ربنا يسهل
والله هو قرار احترمك فية
بس بصراحة كدة انت هاتحتاجلة وهو كمان هايحتجلك لان المجال مشترك وانتوا الاتنين هاتستفيدوا خاليك عملى وسيبك من الكلام الكبير دا شوف المصلحة فين واجرى وراها مش عيب انك تشتغل مع والدك بالاخص كمان ان انت لو هاضرة مش هايتعامل معاك ياعنى بالبلدى كدة الشغل مافيهوش معرفة اعرض علية منتجك اقل من السوق وهو يتعمال معاك يبقى انت كسبت وهو كمان كسب
شكرا على مسعدتك جدا

**minicooper20** · 08-10-2011 06:55 PM

شكرا جدا يا فندم طيب هل عندك معرفه ببغض اسعار البيع و الشراء

**party_0000** · 08-10-2011 07:37 PM

صاحبك وقريبك لاتشاركه ولاتناسبه ولا تسلفه
انا عملت التلاته وفي النهايه خسرنا بعض والناس اتكشفت على حقيقتها
ابعد عن الشراكه واتكل على الله لوحدك

**midoabdeen** · 08-10-2011 07:59 PM

المشاركة الأصلية كتبت بواسطة minicooper20

شكرا جدا يا فندم طيب هل عندك معرفه ببغض اسعار البيع و الشراء

انا اعرف اسعار البيع فقط وماعرفش اسعار الشراء او الاسعار اللى امنتج واقف عليك بيها
مثلا البويات الكمبيوتر الكيلو بيتراوح بين 35 ل 40 ج
بس علشان اقعد اقولك على الاسعار مش هاتستفاد حاجة فى الاخر لان اللى هايفيدك اكتر هامش الربح
واللى اعرفة ان هامش الربح بيبقى بين 10 - 25 %
انا دا اللى بسمعة فى السوق بس مش عارف الشغل ماشى ازاى بالظبط
لو حابب تعرف الاسعار قولى وانا اقولك على اسعار البيع فقط دا اللى انا اعرفة
وممكن تجرب كدة تتصل باى شركة من شركات البويات وتعرف لو حبيت تاخد توكيل اية اللى مطلوب وكمان هامش الربح بتاعك يبقى قد اية مش هاتخسر حاجة لو سالت
وبالتوفيق

**minicooper20** · 08-10-2011 08:50 PM

طيب ممكن اعرف نمر تلفونات احدى الشركات لان انا كلمت جوتن و قلتلهم اخود توكيل قالى 150 الف جنيه الاجهزه سعرها 120 الف جنيه بيتدفع 30 الف بس هما بيتكفلو بالدعايه و كده و كمان المكان لازم ليه اشترطات