الموضوع: تسعيير السيارات المستعملة الجزء الرابع

المشاركة الأصلية كتبت بواسطة neno09

سكودا فيفوريت 94 1300 cc دواخل فابريقة تماما و رشه بره و ممكن تحتاج وش نظافة بس بدون خبطات والعفشة محتاجه مصاريف والموتور بحاله جيده والكاوتش جديد بالكامل
ياريت حضرتك ترد عليا بسرعه عشان الناس هيشفوها بكره وشكرا

تعمل 19 الف

المشاركة الأصلية كتبت بواسطة shawshaw_2021

استاذ شريف كل سنه وحضرتك طيب سؤال عم كده هوه من حيث العمر الافتراضي فعلا الياباني احسن كتييييييير من الكوري اصل انا لقيت بومة سوبر اكشن 2007 مافيهاش خدش ب 88000 وبنفس السعر تقريبا الانترا 2009 بفتحة سقف وبرده مفهاش خدش ومحتار بالنتسبة للركوب انا برتاح في الالنترا بس الناس مقلقاني من موضوع الكوري والياباني ده وناس تقولي الكوري بقى زي الياباني بالضبط الكلام ده ةكان زمان .يعني مثلا مقوله مشهورة الكوري يفتح بقه بعد 70000 ك لكن الياباني بعد 120 او 150 ،ايه رأي حضرتك عموما في الكوري والياباني ثم خصوصا في العربيتين دول وبرده الماتركس ناس كتير بتقولي مطلوبة زي البومة واكتر من الانترا بكتير وصيانتها سهلة ؟ معلش انا اسف على الاطالة

الكلام ده بالفعل كان زمان ايام ما كان الكوري تقليد للياباني و بالفعل كانت كل شركة كورية ليها مدرسة في الياباني وقائ ليها يغذيها بالاجزاء الحيوية مثل المحركات والجيربوكسات وخلافه و كانت مدرسة الهيونداي ميتسوبيشي و مدرسة الكيا مازدا ومدرسة دايو اوبل ولاحظ حتي قطع الغيار في التسعينات نلاحظ ان المحرك والفتيس في الانسر عيون صفية هي هي الاكسيل و هكذا الفيكترا والنوبيرا
و في هذه الفترة كان بالتاكيد شراء الشيء الاصلي افضل من تقليده
اما في فترة الالفينات و الثورة الكورية في التصنيع اصبحت هذه الشركات منفصلة تماما وصناعتها اصبحت كفاءة جدا ولك ان تلاحظ منذ عام 208 الي 2011 ان الشركات الكبيرة عندها مشاكل في التصنيع علي مثال تويوتا و مشاكلها في دواسة البنزين في الموديلات العالية و الفتيس في الكورولا ال ام ام تي
وشركات اخري في حين ان الشركات الكورية كادت مشاكلها بسيطة جدا
بالاضافة الي ان السيارات الياباني الي عندنا هنا اغلبها تقفيل مش ياباني زي الكورولا جنوب افريقي و البومة ماليزيا والصني مصر
مما سبق اكيد اتضح لحضرتك الامر وانا حبيت اشرحة بالتفصيل علشان يكون امام حضرتك الصورة واضحة ومش مجرد معلومة ان الكوري اصبح زيه زي الياباني بل و ظني الشخصي انه سياخذ الافضلية في الاعوام القادمة

المشاركة الأصلية كتبت بواسطة mmohamed2

لو سمحت ياأستاذ شريف :
- ماتريكس مانيوال 2004 عامله 80 ألف كيلو رشه بره فبريكه دواخل ولو اتوماتيك بنفس المواصفات ديه تبقى عامله كام


- لانسر 2003 مانيوال رشه بره فبريكه دواخل عامله 90 الف كيلو

الاثنين يعملو 58 الف بدون مصاريف وحالات جيدة
اما الماتريكس لو اوتوماتيك بنفس الحالة والعداد تعمل 63 الف

المشاركة الأصلية كتبت بواسطة mmohamed2

جزاك الله خير

لا شكر علي واجب وانا تحت امر حضرتك في اي وقت