الموضوع: تسعيير السيارات المستعملة الجزء الرابع

السلام عليكم
رجاء تسعير سيارة فيرنا 2008 1600 هاف ابشن فبريكة من الداخل و الحارج بس محتاجة رفرف امامى فقط السيارة ملك جارى و بفكر اشتريها بس عامله 140الف كيلو بس اكتر من نصفهم سفر لانه مهندس بترول فى مطروح
ورخصة سنتين و 7شهور شكرا

استاذنا شريف
مطلوب سعر تويوتا كرولا موديل 83 خليجى مانيوال 1300 سى سى كان فيها برومة فى الداخل تحت الكراسى وارضية الشنطة وفى اجزاء من الأبواب واتعالجت اتعاملها زى ما بيقولو عمرة بارومة والعربية طبعا رشة اجزاء بالداخل ورشة برة يالكامل نظافة واللون سماوى ميتالك والعربية واطية شوية على الأرض والكاوتش بتاعها قديم محتاجة 4 فرد كاوتش جديد واتركب ليها اكصدامات فيبر الشكل الحديث اللى هى بتبقى مسقطة لتحت واخد لون العربية لإن اكصداماتها الأصلية هلكت وفيه حاجة كمان ان الشنب راشش لإن كان فيه خبطة بسيطة فى اكصدامها الأمامى القديم بس لما اتسقط لها اكصدامات جديدة الشكل الحديث زى ما قلت لحضرتك مش باين قوى الا من الداخل ممكن يبان واتركب ليها فرش جديد وكراسى جديدة ممتازة الماتور بتاعها ادائه جيد ميكانيكى شافه وقال عليه جيد والعربية اساسيتها سليمة مش مركبة لا نصف ولا غيره بس التابلوه بتاعها اوشاشه البلاستيك ناقصة والوش الفوقانى أقصد الغطاء الفوقانى اللى هو بيبقى فوق التابلوه من فوق كمان ناقص
والكهرباء بتاعتها اتعمل فيها اللازم كله واتغير ليها عفشة كاملة يابانى الأصلية والتكيف بتناعها فريون يعمل بس محتاج شحن والبطارية جديدة فى الضمان بس العربية محتاجة تغير علبة شكمان لإن الشكمان مخروم ومحتاجة مرايات داخلى وخارجى والزجاج بتاعها عادى مش كهرباء والدركسيون بتاعها خفيف زى ما يكون فيها نصف باور العدادات كلها شغالة البنزين والحرارة والسرعات شغل الكهرباء كله اتعمل واتغيرليها طقم الفوانيس الأمامى والخلفى بس بالتقليد بتاع اليابانى اللى هو التايوانى فوانيس جديدة مش مستعملة لإن اليابانى الأصلى بتاعها مش موجود موجود منه مستعمل بس وبها جهاز انذار ومفيش لحامات خالص فى الشاسية بتاعها
السؤال :
العربية دية بتاعة واحد قريبى وكنت بفكر اشتريها منه بس رخصتها منتهية بس هو ميعرفشى سعرها كام دلوقتى لو باعها وهو قالى اسأل على سعرها وقولى وبعدين نتفاوض مع بعض
أولا : هل العربية كده بالمواصفات دية تبقى حلوة وسعرها كام دلوقتى فى السوق على حالتها المذكورة دية ؟ وتخلص بكام لو اخذتها منه من غير ما اظلمه ولا اظلم نفسى ؟
ثانيا : هل قطع غيارها متوفرة وممكن الاقى قطع غيارها الأصلية ولو مستعمل حتى فين اسأل ؟
ثالثا : بالنسبة لإعادة بيعها تعمل كام لو صرفت عليها وجبت تابلوه مستعمل أصلى ليها كامل وكذلك لو اشتريت لها كاوتش جديد وجنط العربية واهتميت بيها ورفعت العربية عن الأرض لعلاج الوطى بتاعها ؟ وهل اعادة بيعها بيكون سهل وتكسب ولا تخسر فيها او حتى ممكن تجيب فلوسها تانى من غير ما تخسر ولا تكسب

رابعا : انا مش عاوز اظلمه ولا اظلم نفسى

فأرجوا النصيحة منك بالتفصيل علشان دية هتبقى تانى عربية لو قدر الله واشترتها لإنى كان معاية 24 سيات موديل 77 وبيعتها لمشاكل كتير فيها

الرجاء تسعير ex saloon 2010 نبيتىABS ايرباج واحده اتوماتك 56000 كم .فابريكه بره و جوه ما عدا بعض الخدوش بالاكصدام. الصاج كله سليم.
كل حاجه شغاله بكفاءه عاليه . تكييف ممتاز
متركبلها بارك سينسور و فلم حرارى 3m امريكى ب 1600 جم
الاستبن مانزلش الارض
كل الصيانات معموله فى السبع
لا توجد اى مشاكل فى العفشه او الميكانيكا
متغيرلها الكاوتش على 52000 كم
معاها تأمين شامل عند أليانز لغاية 28-10-2012 (ومش هعمل نقل ملكيه علشان اللى هيشتريها يستفيد بيه)
اللى هيشتريها هياخد معاها شوية قطع غيار كنت شاريها من السبع لحين تركيبها و مركبتهاش (تيل فرامل ب440ج -طقم سيور ب280 ج -4 فلاتر زيت ب220 ج) وكله اصلى

عربيه رينو كليو موديل 2008 كامله مانيوال 4زجاج كهرباء تكييف باور مرايات كهرباء ايرباج فبريكه بالكامل مفيش خربوش صيانه بالتوكيل كل 5 الالف كيلو بالكتالوج والمفتاح الاحتياطي وفواتير الصيانه كوتش جديد كونتينيتال بطاريه جديده فرش فربريكه زيرو ماشيه 61000 بحاله فوق الممتازه رخصه حتي شهر 7 \2012 تعمل كام مع العلم انها مش فرق معايا ان تكون غاليه لاني بدور علي حاله لعربيه فضي وهو طالب 55000 الالف

لو سمحت يا أستاذ شريف

فيرنا 2007 .. كاملة مانيوال .. لونها أسود .. فابريكة برة وجوة .. 4 جنوط .. 4 فرد جداد .. ماشية 60 ألف كم .. رخصة باسم صاحبها من الزيرو .. فيها رخصة سنة