تسعيير السيارات المستعملة الجزء الرابع

**sherifowahba** · 05-10-2012 04:40 PM

المشاركة الأصلية كتبت بواسطة elkorany

ا شريف
دايو نوبيرا 2006 كاملة مانويل فضى فابريكة برة وجوة عاملة عدد كيلو قليل جدا حوالى 25 الف كيلو فيها رخصة سنه سعرها كام تقريبا وهل سعرها ثابت فى السوق ولا لا وهل فيها عيوب مشهورة ولما اتفرج عليها
اتأكد من ايه يعنى ابص على ايه للتأكد من الحالة
معلش انا عارف ان اسئلتى كتير
ربنا يجزيك خير

تعمل 55 الف
حاول تاخذ معاك اي فني خبرته كويسة في الكشف للتاكد من العداد و التاكد انها برة وجوة فعلا
و ان لم يكن حاول تكشف عليها في اي بنزينة كويسة في الكشف

**alnggar** · 05-10-2012 05:07 PM

ربنا يبارك في حضرتك يا باشا ومعلش انا قدامي هيونداي اكسيل 1500- موديل 93 فابريكه- لم ترش دواخل - سيدان - تكييف - وسنتر والموتور حالته 80 % ومتشكر ليك أ/ شريف

**alnggar** · 05-10-2012 05:11 PM

وحضرتك ترشحلي ايهم دي ولا الدوجان ال1600 موديل 95بالكماليات برده وفابركه من حيث قطع الغيار وجوه البلد ( ألف ألف شكر لحضرتك وتعبك معانا)

**Olala** · 05-10-2012 05:21 PM

سعر عربيه النترا ٢٠٠٩ اتومتيك لونها اسود عامله فى العداد ٥٦ الف
الاستبن منزلش على الارض
فيها بعض الخدوش العاديه جدا
وفابريقه جوه وبره

**elkorany** · 05-10-2012 05:54 PM

المشاركة الأصلية كتبت بواسطة sherifowahba

تعمل 55 الف
حاول تاخذ معاك اي فني خبرته كويسة في الكشف للتاكد من العداد و التاكد انها برة وجوة فعلا
و ان لم يكن حاول تكشف عليها في اي بنزينة كويسة في الكشف

شكرا لحضرتك
سؤال اخير
هى العربية دى اعتمادية وسهله فى البيع
بعد كده يعنى سوقها ماشى
وتنصحنى بيها ولا لا فى رنج السعر ده

**elkorany** · 05-10-2012 06:20 PM

حضرتك متعرفش عنوان بنزينة نضيفة او مركز صيانة قريب من مصر الجديدة
او فى المناطق القريبة منها ويكون ثقة وشاطر اكشف فيه على النوبيرا دى
وشكرا لحضرتك وربنا يحعله فى ميزان حسناتك

**abo_anas** · 05-10-2012 08:43 PM

استاذ شريف برجاء تسعير سياره تريوس 2009 اول فئه اتوماتيك ، جنوط سبور ، فابريكه بالكامل ، 4 زجاج كهرباء وحدات رفع ، بدون ايرباج وبدون مرايات كهرباء ، عداد 140 الف كم لون فضى
وشكرا

**voovle** · 05-10-2012 09:35 PM

أ/ شريف ....تحيه طيبه وربنا يبارك في حضرتك ويفتح عليك من ابواب المعرفه ان شاء الله
كنت طالب من حضرتك تسعير فيات 131 موديل 76 حاله الموتور 1300 لسه معمر ...راشه جوه ...مفيش برومات ...البودي من تحت سليم ...حاله الكهربا كويسه ...الكرونه حالتها جيده ...حاله الدهان الخارجي جديد بس جودته متوسطه ...كماليات اللهم سنتر وزجاج كهربا بس...حاله الفرش جديد..الكاوتش حالته جيده جدا ....حاجتها لمصاريف/ لا توجد حيث انها لسه معمره ومتغير الكاوتش (باين انه جديد) وفي السير جيده جدا ....عذرا لاطاله ...وبارك الله يمينك ومجهودك
م/ عصام شكري

hh · 06-10-2012 12:48 AM

المشاركة الأصلية كتبت بواسطة sherifowahba

رجاء توضيح اوتوماتيك ولا مانيوال بالنسبة لكل السيارات و الفئة بالضبط كاملة ولا هاف اوبشن

الأربع عربيات أوتوماتيك,

أوبترا 2006, عاملة 69000كم , أول يد, فابريكة جوة و رشة برة اكصدام و كبوت و مغيرة التكييف (شغال كويس جدا). العربية خليجي كاملة و فيها جنوط و اير باج Full options

ياريس 2006,عاملة 89000, رشة جانبين, كاملة جنوط و فوجات و سبويلر Full options

ياريس 2007, عاملة 43000كم , فابريكة برة بس مخبطة و محتاجة تترش, صيانات في التوكيل, مش كاملة (الزجاج مانيوال) Half options

ياريس 2008, عاملة 75,000 كم - رشة جوانب, زجاج مانيوال Half options

يا ريت حضرتك تقول لي تسعيرهم و ترتيب الأفضلية لو حشتري واحدة منهم ان شاء الله.