تسعيير السيارات المستعملة الجزء الرابع

**mmedali1978** · 15-10-2012 06:00 PM

دايو لانوس موديل 2005
فابريكه بالكامل بره وجوه ومفيهاش اى تجريحات
موتورها ممتاز جداً
عدادها 70000 الف كيلو
4زجاج كهرباء مركبهم بالفرش والزراير والمكن كاملين
تعمل كام ياريس

**hurgada90** · 16-10-2012 05:17 PM

جولف 4 موديل 2002 عاده 80000 كيلو مش راشه غير اكصدامين اتوماتيك1600 cc فيها Abs و Ebd اربع زجاج كهربه خليجى و باور ستيرنج و وساده هوائيه
سنتر لوك
تعمل كام يا أستاذ شريف ؟

**mfs** · 16-10-2012 05:55 PM

عربية جوليت 99 فبريكة جوة و السقف مش مرشوش الجنبين و الكبوت مرشوشين
فيه فى صدر العربية خبطة صغيره مخبوطة من فوق (بيقول زى شاكوش وقع على شنب العربية)
و اتردت و فيه خبطة فى الرفرف اليمين من ناحية الباب تعتبر دخلت جوه و مردوده على الحامى (معرفش ممكن تعتبر رشت من جوه و لا لا فى الحتة دى ) فيها جنوط سبورت كاوتشات جديده ماكينة جيدة تكيف اربع ازاز كهربا عاملة 100 الف كيلو

تعمل كام و هل الخبطات اللى ذكرتها تعيب العربيه فى حالة اعادة بيعها ام لا

**abodza** · 16-10-2012 09:14 PM

السلام عليكم
انا عايز مساعدة حضرتك في تسعير عربيتي لاني ان شاء الله ناوي اعرضها للبيع بعد العيد مباشرة و يريت حضرتك تقولي منزلش عن كام

بيجو 308 موديل 2008
العداد :27000 كم
خليجي اتوماتيك
فيها جنزط و فوجات
لكن التكييف العادي(مش تتش) و لا المريات ضم

والعربية الحمد لله فبريكة برة و جوة و مفيهاش خبطات خالص و الميكانيكا ز الكهربا بتاعتها مفيهاش حاجة
و الصيانة كلها في التوكيل

وجزاك الله كل خير

**arakysolom** · 17-10-2012 09:26 AM

السلام عليكم
كل سنه و حضرتك طيب يا شريف باشا
انا قدامي كورولا 2002 اوتوماتيك كاملة بدون مرايت ضم وانا شوفتها بس كان باليل ومقدرتش احدد هي رشة بالكامل بس اللي متأكد منه انها رشة جنب يمين عدادها 44 الف ك و صالونها نظيف جدا بس صاحبها بيتكلم انها جايباله 75 الف طبعا سعر وهمي في الخيال العلمي لعربية بقالها معاه 11 سنه و حتي مغيرلهاش كاوتش من ساعة ما اشتراها ايه السعر العادل للعربية دي باعتبار انها رشة و انها محتاجة كاوتش جديد بالكامل و اكصدام خلفي و شكرا لحضرتك مقدما

**rabeasaber** · 17-10-2012 10:38 PM

لو سمحت يا أستاذ شريف : 128 موديل 84 رشه دواخل بس سليمة دهان خارجى جيد رخصة 6 شهور وفحص 2015 يطارية جديدة محتاجة طقم شنبر وفردتين كاوتش وممكن عفشة أمامية تعمل كام؟

**M.Al-Hefnawy** · 18-10-2012 12:45 AM

سلام عليكم أستاذ شريف ... رجاءً تسعير سوزوكي ماروتي 2008 فبريكة دواخل وخوارج لون سماوي بها تسخين برفرف أمامي بدون دهان في مساحة 15 سم خلف الفانوس ماشية 42000 كم بها 4 فرد كاوتش وبطارية جداد الشهر ده وتم عمل السرفيس ليها من شهرين.

**go7aaaa** · 18-10-2012 03:02 AM

ماركة السيارة: هوندا
طراز السيارة : سيفيك vti
موديل السيارة : 1997
سعة المحرك ال سي سي : 1500 اوتوماتيك
حالة الدهان : اللون نبيتى لم ترش من الخارج .
الاساسيات والدواخل : فابريكه (خرابيش خارجيه )
عداد الكيلومتر : 200.000
كماليات السيارة : ساوند سيستم .
حالة الموتور والميكانيكا: جيده جدا
حالة الكهرباء : ممتازة
حالة الصالون : ممتازة
حالة الكاوتش و الزجاج: سليم
الحالة العامة للسيارة وهل محتاجة مصاريف ام لا : مصاريف بسيطه جدا..

أرجو التسعير لسرعة البيع ..وجزاكم الله كل خير ..

**Aboahmed2009** · 18-10-2012 10:09 AM

المشاركة الأصلية كتبت بواسطة Aboahmed2009

السلام عليكم ( شريف باشا)
اشكر حضرتك على ردودك السريعة والمفيدة على الموضوعات.
نخش على المفيد بقههههه

سيارة 132 مو 1973 1800 سى سى
اساسيات وقوايم وحوض وشنطة ومن تحت وكرتيرات سليمة 100/100
من برة 100/100 بالنواكل بتاعتها
من الداخل محتاجة ( تابلوه - تنجيد كامل )
الموتور جيد
الفيتيس فيه شغل ( شخلله)
الكارونة فيها ونة حفيفة
بس كدا تعمل كام بالحالة دى
ولو صاحبها ظبطها تعمل كام
انا اسف ان موضوعى طويل واسئلتى كتير لكنى اعشم فيك كل الخير
وجزاك الله خيرا عن الأعضاء جميعا.

شريف باشا
حارمنا من ردودك ليه

**dodyam** · 18-10-2012 05:11 PM

معروض عليا عربية لوجان 2010 كالتالى

ماركة السيارة: رينو
طراز السيارة : لوجان
موديل السيارة : 2010
سعة المحرك ال سي سي : 1600 مانيوال
حالة الدهان : اللون نبيتى لم ترش من الخارج
الاساسيات والدواخل : فابريكه
عداد الكيلومتر : 32 ألف كيلومتر
كماليات السيارة : هاف أوبشن
حالة الموتور والميكانيكا: جيده جدا
حالة الكهرباء : ممتازة
حالة الصالون : ممتازة
حالة الكاوتش و الزجاج: سليم
الحالة العامة للسيارة وهل محتاجة مصاريف ام لا : مصاريف بسيطه جدا
عليها تأمين شامل حتى مايو 2013

فبعد إذنك ممكن سعرها كام