تسعيير السيارات المستعملة الجزء الرابع

**zedteck** · 19-10-2012 02:18 PM

استاذ شريف بعد اذن حضرتك كنت عايز اعرف سعر العربيتين دول كام
العربية الاولى
الماركة : هوندا سيفيك
الطراز : كوبيه هاتشباك
الموديل : 1996
سعة المحرك :1500 سى سى exi
حالة الدهان الداخلى : فابريكة
حالة الدهان الخارجى : رشة من شهر ما عدا السقف مفيهاش خربوش (الحمد لله )
عداد الكيلومتر : 225000
كماليات السيارة : فتيس مانيوال شورت شيفت، 2 شمعدان امامى sir، فوانيس شبورة جديدة زينون، (ديسك و اسطوانة اصلى - تيل امامى و خلفى) ما كملوش 10000 كم، تكييف - سنتر - باور- زجاج كهربا
حالة الموتور و الميكانيكا : ممتازة - موتور بحالة 90%
حالة الكهرباء : ممتازة
حالة الصالون : جيد جدا
حالة الكاوتش : فردتين امامى جداد ( اقل من 10000 كم )
حالة الزجاج : ممتاز- نقرة صغيرة فى الزجاج الامامى
الحالة العامة للسيارة : ممتازة (الى ناقصها جنوط سبور وتظبيط عفشة)

السيارة الثانية
الماركة : هوندا سيفيك
الطراز : كوبيه سيدان
الموديل : 1998
سعة المحرك :1600 سى سى sir
حالة الدهان الداخلى : فابريكة
حالة الدهان الخارجى : رشة نظافة بدون معجون
عداد الكيلومتر : 136000
كماليات السيارة : صبابات وبساتم سبور منفل سبور وكرنك سبور وهيدر وشكمان ستاليس سبور أصلي فلتر وسلك بوجيهات سبور ودسك وأسطوانة سبور للفتيس شورت شفت مومو عدادات لونين وكاسيت وسماعات بيونير ايرباج طارة وطبلوة زجاج كهربا زينون عالي وواطي وشبورة عفشة sir وطنابير تهوية مقاس 14 وجنط وكوتش مقاس 17 والدواسات الأصلية لم تستخدم
حالة الموتور و الميكانيكا : ممتازة
حالة الكهرباء : ممتازة
حالة الصالون : ممتازة
حالة الكاوتش : جيد جدا
حالة الزجاج : ممتازة
الحالة العامة للسيارة :لا تحتاج مصاريف

معلش يا استاذ شريف انا متقل عليك... ربنا يجازيك خير

**zerox2010** · 19-10-2012 05:13 PM

سياره كيا سيفيا موديل 2000 فابريكه بالكامل من الداخل والخارج العداد 100000كم- ثانى يد - كامله مانيوال (تكييف جيد - ماتور جيد - عفشه جيده - فتيس جيد - كاوتش جيد - مرايات كهرباء 4 زجاج كهرباء ياريت اعرف السعر النهائى لها
وايه رأى حضرتك فى العربيه كيا السيفيا كويسه ولا اجيب دايو لانوس 2

**mostafa mahmod** · 19-10-2012 09:12 PM

عربيه بروتون ساجا موديل 2010 عامله 30 الف كيلو اوتوماتيك
عامله حادثه خفيفه و محتاجه على اثرها شويه مصاريف كتغيير علبه الدركسيون و بعض مشاكل فى العفشه

**memo2000soft** · 19-10-2012 10:17 PM

استاذ شريف بعد اذن حضرتك كنت عايز اعرف سعر عربيتي اللانوس كام
الماركة : دايو لانوس
الطراز : لانوس 2
الموديل : 2000
سعة المحرك :1500 سى سى
حالة الدهان الداخلى : فابريكة
حالة الدهان الخارجى : رشة وفيها بعض الخرابيش
عداد الكيلومتر : 100000
كماليات السيارة : فتيس مانيوال ، (ديسك و اسطوانة اصلى- اربع مساعدين ياباني جداد (kyb) -فرش الفباريكة - بطارية جافة جديدة - تيل امامى جديد) ما كملوش 5000 كم، تكييف - سنتر -تكييف
حالة الموتور و الميكانيكا : ممتازة - موتور بحالة 90%
حالة الكهرباء : ممتازة
حالة الصالون : جيد جدا
حالة الكاوتش : فردتين امامى جداد ( اقل من 10000 كم )
حالة الزجاج : ممتاز- نقرة صغيرة فى الزجاج الامامى
الحالة العامة للسيارة :جيدة (الى ناقصها جنوط سبور ومعالجة الخرابش )

**aboalmaty** · 20-10-2012 10:57 AM

أ/شريف باشا
عربية لوجان 2010 كامله مانيوال ماشيه 7000 كيلو فقط فابريكا بره وجوه تعمل كم ؟

وعربية تانيه لوجان 2011 كامله مانيوال ماشيه 28000 كيلو وفابريكا بره وجوه تعمل كم ؟

والافضل شراء ال 2010 ولا ال 2011 ؟

**zedteck** · 20-10-2012 11:17 AM

سلام عليكم يا استاذ شريف ... انا ملاحظ ان حضرتك بئالك اسبوع منقطع عن الرد ... يا رب إن شاء الله يكون المانع خير ... وكل سنة و حضرتك والاعضاء كلهم بخير

**aboalmaty** · 20-10-2012 11:31 AM

المشاركة الأصلية كتبت بواسطة zedteck

سلام عليكم يا استاذ شريف ... انا ملاحظ ان حضرتك بئالك اسبوع منقطع عن الرد ... يا رب إن شاء الله يكون المانع خير ... وكل سنة و حضرتك والاعضاء كلهم بخير

ربنا يحفظ الاستاذ شريف ويجزيه خيرا ويرجع لنا بالف سلامة

**mohammadrashee** · 20-10-2012 01:28 PM

استاذ شريف
السلام عليكم

عايز اعرف سعر عربيه تريويوس 4x4 اوتوماتيك مو 2008 زجاج فيمه 100 الف كيلو خليجي فابريكه بره وجوه تحتاج رش خارجي تحتاج تغيير كاوتش
واذا كان عندك سياره مماثله مضمونه يكون افضل
مع الشكر

**gmslem** · 21-10-2012 01:12 AM

السلام عليكم ورحمة الله وبركاته
الأخ المحترم جدااااااااا جداااااااااا المهندس شريف
اولا شكرا لكم و كل عام وانتم بخير
ثانيا برجاء تسعير سيارة كالأتي :
متسوبيشي لانسر موديل 2005 بومة كاملة اتوماتك 1600 سي سي ايرباجز واردة من دبي لمعاق و معه الافراج الجمركي فعلا عداد 81 الف حالة ممتازة . كل الكماليات الا فتحة السقف و الجنوط " جنوطها عادية وليست سبور " الدهان فبريكا الدواخل بالكامل و برة ايضا مع وجود بعض الخدوش في الجنبين تحتاج رش للجانبين و 4 كاوتش- لان الذي بها حالته 60% .... الحالة العامة حوالي 85 % .... ..... كم تساوي طبعا هو سيفك الحظر على حسابه .
شكرا لكم و في انتظار جميل آخر من حضرتكم
د / خالد

**midoooocomm** · 21-10-2012 02:15 PM

استاذ شريف مجهوك اكثر من رائع جزاك الله خيرا عنا ,,,
بعد اذن حضرتك ممكن تسعرلي السيارة شيفروليه لانوس كاملة ls مانيوال الفئة الاعلى جميع الكماليات تكييف وباور وطارة قابلة للأمالة واريال كهربا وساعة ومرايا كهرباء وسنتر لوك وانذار وريموت كنترول زجاج كهربائي امامي وخلفي صيانة دوريةبالتوكيل بالمستندات بحالة فوق الممتازة استعمال راقي للغاية فابريكابالكامل بلا استثناء وبها بعض الخدوش البسيطة جدابها تأمين شامل السيارة بحالة نادرة اللون ازرق سماوي عداد كم 40 الف كم اول يد من الزيرو مرور الدقى.

ولكم جزيل الشكر والعرفان