تسعيير السيارات المستعملة الجزء الرابع

**sonysony_110** · 13-11-2011 04:13 AM

السلام عليكم و رحمة الله و بركاته
أنا أشتركت فى هذا المنتدى حتى أنال شرف التواصل مع حضرتك
أرجو من حضرتك إعطائى نصيحة فى تسعير سيارة لانسر كريستالة موديل 98 1300ccتكييف وكاسيت فقط بدون اى كماليات (الزجاج الكهرباء والسنتر والانذاروالجنوط)كل ده غير موجود ، دواخل فابريكه ماشية 210 ألف كيلو متر ، رش خوارج نضافه - رخصه ساريه- موتور وعفشه بحالة جيده ، الفرش جيد والتابلوه كالجديد ولا تحتاج مصاريف، و هو المالك الأول طالب فيها 44 الف جنيه نهائى ، فهل هذا السعر عادل؟؟
واكون شاكر ليك جدا ياريت تقولى لو اشترتها واحتجت ازودها بالكماليات دى(الزجاج الكهرباء والسنتر والانذار) تكلفنى كام تقريبا؟؟ و هل صيانتها و قطع غيارها سهلة و رخيصة ، مع الوضع فى الأعتبار أنها أول سيارة لى .
وشكرا جزيلا

**thunder155** · 13-11-2011 08:59 AM

المشاركة الأصلية كتبت بواسطة thunder155

أستاذ شريف /

كنت عايز أعرف رينج السعر بتاع السويفت سيدان ـــ و الـ فيات uno موديلات التسعينات

بفرض إنهم دواخل فابريكة و بدون مصروف و عداد مناسب , انا عارف ان فى عوامل تانية بتدخل فى تحديد السعر بس كنت عايز حضرتك تقولى تقريبياً بيبقى سوقها ماشى من كذا إلى كذا

"فى حاجة كمان حطلبها منك بس عايزك تخليها على بالك"
عايزك تعملنا موضوع كيفية شراء سيارة مستعملة
أنا عارف ان الموضوع موجود بالفعل , بس الموضوع الموجود طويل و مش معقول الواحد حيفتكر كل الكلام اللى فيه , فـ كنت عايزك تعملنا (برشامه) تقولنا فيها أهم الحاجات اللى ناخد بالنا منها كويس و الحاجات اللى لو لقيناها فى عربيه نصرف نظر عنها فوراً , و عايزين برضه شويه حاجات من اللى هيا مش بتاعت أى حد (يعنى التركات و الفنيات الصغيره ) و إزاى أقدر أحدد صاحب العربيه دي (ركيب) و لا لأ .

المشاركة الأصلية كتبت بواسطة sherifowahba

طيب ممكن حضرتك تحددلي الموديلات هل التسعينات ولا الالفينات وهل مكيفين ولا بدون كماليات
ارجو التوضيح لتضييق الرينج الي هيساعد حضرتك بناء علي احتياجاتك

موديلات التسعينات و بدون كماليات , فقط دواخل فابريكة و عداد مناسب و مفيهاش مصروف

**ahmed_bq** · 13-11-2011 09:46 AM

كل سنه وانتا طيب يا استاذ شريف
ارجو تسعير السيارة التالية:

النوع: ميتسوبيشي لانسر
الموديل: 2008
الفئة: سبورت (خليجي سعودي) ... 1600 سي سي - اوتوماتيك -فتحت سقف -جنوط سبور - اعتاب وكساحات - اريال سقف - فوانيس شبوره -سبويلر - 2 ايرباج - abs & ebd
حالة الدهان: فابريكه دواخل .. راشه: مرمات اكصدامين ورفرف و 2 باب .. وراشه الفيبر العتب الجانبي (الباقي فابريكه) لايوجد بها خدوش او تعريج .. الحالة جيده جدا
عداد: 79000 كلم
رخصة: سنتين مرور الدقي
اللون: شامبين

بالاضافه الى السي دي تشانجر لايعمل (يحتاج تغيير ميكانيكا) .. وزجاجة فتحت السقف ليست اصلية (عموله).

حالة الصالون الداخليه فوق الممتازة (فرش جلد متركب) يوجد انذار ابجريد ووحدات رفع ..صيانة دورية في التوكيل (قطع غيار اصلية) ... لا يوجد مشاكل في العفشة - كبس الموتور 79%

شكرا مقدما استاذ شريف .. وبالتوفيق

**kangaro** · 13-11-2011 11:01 AM

السلام عليكم ... من فضلك
جولييت .. 2001 .. رشه جانبين .. مانيوال .. 4 زجاج كهربا .. تكييف وباور .. سنتر .. طارة قابلة للتعديل .. مرايات كهربا .. عداد rpm .. فوانيس شبورة .. سي دي .. كاوتش وبطارية جداد .. عداد 160 الف ... وشكرا

**mohamed94** · 13-11-2011 11:43 AM

السلام عليكم و رحمة الله و بركاته
أرجو من حضرتك تسعير مرسيدس c180 موديل 2000، 1800سي سى فرش جلد فابريقة، مثبت سرعة ماشية 100000 كم، راشة بره ماعدا السقف و مغيرة باب السائق و فابريقة جوه بالكامل ،صالون نضيف و شكلها مش متبهدل ، محتاجة كاوتش جديد فيها رخصة 6 أشهر
و ما رأيك فيها كعربية ركوب و قطع غيار و صيانة و إعادة بيع
و جزاك الله كل خير

**key_ro** · 13-11-2011 01:49 PM

برجاء تسعير اسكودا اوكتافيا 2003 70 الف كيلو a4 رشة 2 اكصدام والباقى فابريقة مانيوال
وشكرا

**Osama_I** · 13-11-2011 03:00 PM

السلام عليكم و رحمة الله و بركاته
الاستاذ شريف
سيارة نيسان 2009 اتوماتيك ex راشة اكصدام امامى و خلفى و باب السائق
المطلوب سعر بيعها كام؟؟؟؟؟؟؟؟
و لو فى حالة متغير جوان وش سلندر بالتوكيل للأمان يكون السعر كام؟؟؟؟؟؟
برجاء من سيادتكم توضيح فرق سعر البيع بعد تغيير الجوان و قبله "يعنى موضوع الجوان ده حيفرق فى الفلوس كام مش مهم سعر العربية"
و شاكر جداً لسعة صدرك

**kangaro** · 14-11-2011 12:58 AM

المشاركة الأصلية كتبت بواسطة kangaro

السلام عليكم ... من فضلك
جولييت .. 2001 .. رشه جانبين .. مانيوال .. 4 زجاج كهربا .. تكييف وباور .. سنتر .. طارة قابلة للتعديل .. مرايات كهربا .. عداد rpm .. فوانيس شبورة .. سي دي .. كاوتش وبطارية جداد .. عداد 160 الف ... وشكرا

معلش .. كمان .. جولييت .. 2002 .. رشه رفرف .. مانيوال .. 4 زجاج كهربا .. تكييف وباور .. سنتر .. مرايات كهربا .. عداد rpm .. عداد 88 الف ... آسف للإطالة وشكرا

**engineer05** · 14-11-2011 12:31 PM

السلام عليكم أستاذي الكريم

ميجان موديل 2009 اوتوماتيك فابريقة بالكامل الفئة التانية بدون فتحة سقف أو مثبت سرعة ماشية 42ألف كم تعمل كام إن شاء الله؟

جزاكم الله خيراً