الموضوع: تسعيير السيارات المستعملة الجزء الرابع

المشاركة الأصلية كتبت بواسطة gmakram

قبل اى حاجه احب احييك على الخدمه الكبيره اللى بتقدمها لأعضاء المنتدى,لك جزيل الشكر والامتنان,ربنا يوفقك

برجاء تسعير سيارتى:

ماركة السيارة :دايهاتسو
طراز السيارة :سيريون
موديل السيارة :2009 استلام شهر اغسطس
سعة المحرك ال سي سي:1300

حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا : دواخل فابريكه بالكامل ومن الخارج مغيره رفرف وأكصدام امامى وشنطه فى التوكيل ولو كنت عملتهم برا مكانوش هيحتاجوا يتغيروا خالص كما انه توجد بعض الخرابيش البسيطه اوى فى الرفارف لا تستدعى الرش خالص

عداد الكيلومتر:50000

كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا: gl ودى اول فئه فى الاوتوماتيك شامله كماليات 4زجاج كهرباء وباور وتكييف وما الى ذلك بالاضافه لتركيب انذار ووحدات رفع بالتوكيل

حالة الموتور والميكانيكا:لا اعلم بصراحه بسبب انى اول مالك للسياره وانا جاهل ميكانيكا بصراحه لكن بصفه عامه العربيه مفيهاش اى اعطال وانا بعملها كل الصيانات الدوريه فى التوكيل بأستمرار ولم اقم بعمل اى اصلاحات من اى نوع خارج التوكيل

حالة الكهرباء :لا توجد اى اعطال من اى نوع ولكن للأمانه قمت بتركيب امبليفير وسماعات على الضفيره خارج التوكيل

حالة الصالون : فابريكه

حالة الكاوتش و الزجاج:الكاوتش حالته جيده جدا حيث ان قيادتى عاديه مش بحرق على العربيه والزجاج فابريكه

الحالة العامة للسيارة وهل محتاجة مصاريف ام لا :لا تحتاج اى مصاريف

تحياتى

اولا لا شكر علي واجب حضرتك
سعر السيارة 62 الف بالحالة المذكورة

المشاركة الأصلية كتبت بواسطة mostafaelhamzawy

معلش استاذ شريف بنتعبك معانا بسس ليا طلب معلش تسعيير عربية لانسر 2007 1300 خليجي مانيوال عاملة 60000 كم فابريكة بره وجوه بطارية جديدة محتاجة كاوتش بعد 5000 كم ومعمولها كل الصيانات حتى الزيت متغيير من كام يوم علشان دي بتاعت زميلي وفعلا العربية نظيفة جدا ومحافظ عليها ما شاء الله محتاج اعرف سعرها التقدريري علشان مظلموش ولا يظلمني ومعلش واسف مرة تانية بنتعبك معانا وربنا يجازيك خير ان شاء الله

تعمل 67500