إستطلاع : هل أنت فخور لكونك مصرى؟

**subhimust** · 06-10-2011 10:14 PM

لألألألألألألألألألألألأل ألألألألألألألألألألألألأ لأ والاسباب كثيرة ولن ارمي العيوب على النظام السابق نحن كشعب نحتاج اشياء كثيرةةةةةةةةةقوي لسه بدري علينا

**tameraast** · 06-10-2011 10:18 PM

no

no
no
no

**MOUSTAFA_SAAD** · 06-10-2011 10:24 PM

نفسى اسيبها واهج منها

بس كل لما احس ان اليوم ده حيقرب

تلاقينى من جوايا باتمناه انه مايجيش

حد يقولى الحل ايه

**shaddadfalcon1** · 06-10-2011 10:25 PM

اكيد طبعا بحبها وفخور جدا مهما كان فيها وان شاء الله يجي الوقت اللي اي انسان علي وجه الأرض يتمني انه يكون مصري

**AutoTycoon** · 06-10-2011 11:00 PM

بص انا بحب البلد ..لكن مش فخور اني واحد منها بسبب تصرفات معظم الناس

**mazher_m** · 06-10-2011 11:03 PM

نعم انا فخور اني مصري
لكن في سلبيات كتيرررررررررررررررررررر جدااااااااااااااا في تعاملنا مع بعض محتاجه انها تتغير
وياريت بدل منتكلم عن الاحزاب والعسكر والخونه والفلول والثوار والمحاكمات
نتكلم ازاي نعالج السلبيات اللي في الشخصيه المصريه وطرق العلاج وكل واحد يبداء بنفسه
يعني محتاجين واحد زي جمال حمدان الله يرحمه مؤلف كتاب شخصيه مصر
وكام دكتور في علم الاجتماع والسلوك والطب النفسي.
والله احنا طيبين جدا وغلابه
اللهم انا نسالك العفو والعافيه في الدين والدنيا

**aminibrahim** · 07-10-2011 12:30 AM

بحب مصر انا المصري

اللي يشوف معابدها والتاريخ ممكن يتهبل انا لما ببص علي نص هيروغليفي اومنظر جوه المعبد

بحس اني اصيل ::: سيبك من الكلام بتاع الناس والكلام الفارغ ممكنده كله في الجيال القادمه احلي بكتيييييييييييير

عارفين يا جماعه اهم شي الجيل الجديد بعد الثوره اولادنا لازم يتربو صح ترقي البلد

قد ايه بحس ان الاجانب حاقدين علينا وهما عارفين ان هما لا شئ

لن ممكن اقول ان بكره القاهره بعشوائيتها عشان كده سبتها ورحت لاسوان في احضان الطبيعه

كتير مننا ملفش وشاف مصر بس للاسف الحراميه كتييييييير

اقول ايه والا ايه بحكم اني شفت كتير في البلد

**MASERATI** · 07-10-2011 12:40 AM

السلام عليكم و رحمة الله و بركاته

أنا لا بحبها و لا فخور أنى مصرى و حاسس أنى كونى مصرى ده حاجة بتعيبنى, أنا بحاول جاهدا أن أكون انسان ملتزم تجاه كل شئ, لكن للأسف المجتمع اللى حواليا, أغلبه غير ملتزمين و بيعملوا الغلط و بيبجحوا كمان و بيبقى هاين عليا أمسك راس الواحد من دول و أقعد أخبطها و أخبطها و أخبطها فى قايم العربية اللى هو راكبها لحااااااااااد دراعى مايوجعنى, هوا أكيد هيكون مات من زمااااااااااان.

أنا حاسس أنى عماااااااااااااال أجرى فى الدنيا فى كل اتجاه و مش محصل حاجة خالص و حاسس أنى نفسى بقى قصير و هيتقطع و ده احساس صعب جدا, أنك تبقى جايب آخر ما فى جهدك و رغم كده, مش محصل حاجة و تلاقى رعاع و صيع حواليك, واكلين كل حاجة عشان الفساد و المحسوبية و الرشوة و الأكادة كمان, أنهم تلاقيهم بيطلعولك لسانهم و يغيظوك.

أنا عندى امتحان فى آخر الشهر الحالى, ادعولى أنى أنجح عشان أغور من أم البلد الteeeeeeeeeeeet دى.

البلد دى تبقى حلوة للفنانين و الرقصات و لعيبة الكورة و وكلاء النيابة بتوع 50% و 50000 جنيه و أهاليهم المستشارين, لكن ليا أنا لأ.

**abou_ruqi** · 07-10-2011 12:52 AM

عاوز اجابة سريعة ؟ طبعا كل انسان بيحب وطنه ، زي ما كل طفل بيحب امه
وفي فرق بين الحنين للبلد اللي اتربيت ولعبت مع صحابك فيها وبين انك تكون فخور جدا بيها او تتشرف بيها
ومحدش يكذب على نفسه في اجابة السؤال ده ، لو خيرت قبل ان تولد، الغالبية العظمى مش حيختارمصر ، حتختار مكة حتختار المانيا حتختار اسبانيا حتختار جزر المالديف ، لكن وانت على البر مش ممكن تكون مصر لانها حاليا في اسواءحالتها
وخلونا صرحة اكتر ، اللي بيتكلم عن مصر بيتكلم عن مدينته او حيه هو ده اللي بيجي في دماغه ، يعني الاسكندراني لو في الغربة بيشتاق لاسكندرية لكن عمر ما دمياط او الزقازيق او طنطا حتوحشه ! يبقى انت مش مشتاق للبلد انت عندك حنين home sickness
والدليل ان معظم المصريين في الغربة لو سمع حد بيتكلم مصري في الشارع بيعمل مش واخد باله ، بعكس لو اتنين طليان او خلايجة اتقبلوا بالصدفة مثلا
احنا ما بنحبش البلد حب حقيقي لكل ما فيها ، احنا عندنا حنين لذكرياتنا ولناس معينة فيها اتربينا معاهم وشايفينهم احسن ناس

انما كل بلد وليها عيوبها ، بس احنا عيوبنا كتير قوي قوي ، ومش كلها من مبارك بلعكس معظمها من الناس

انما في حاجة غريبة ، الواحد من ساعة ما سافر وهو مهووس بمتابعة اخبار مصر حتى اكتر من اخبار البلد اللي هو فيها ، مش فاهم ايه سر الظاهرة دي ، يا ريت المخضرمين في الهجرة يقولولنا ليه كده ؟