إستطلاع : هل أنت فخور لكونك مصرى؟

**abogogo** · 09-10-2011 02:13 PM

انا مش عارف الناس اللى مش فاخورة انها مصرية دول احسن من احمد زويل او اسامة الباز او العلماء اللى اتبهدلوا في البلد ونجحوا بره عمرهم ماقالوا انهم مش فاخورين انهم مصريين عشان عارفين ان احترام الناس ليهم لعلمهم اولا واحترامهم لبلدهم ثانيا طول ما انت بتستعر ولا تفتخر بأصلك عمر ما حد هيحترمك عارف ليه عشان هما عارفين ان اللى مالوش خير في بلده اللى اتولد واتربى وعاش فيها عمره ماهيكون منه خير في البلد اللى راح يشتغل فيها " بيكون اسمه قليل الاصل "انا في عز الغربة كنت بحط صباعي في عين التخين وكنت لا اقبل اي كلمة تسئ لمصر من اي شخص وكنت ببهدل اي مصري بحس ان عنده نوع من الخنوع لما بيبلع الشتيمة على بلده والحمد لله ماكنش حد يقدر يفتح بقه ادامي

**ALshahba** · 09-10-2011 02:38 PM

المشاركة الأصلية كتبت بواسطة Ralliart

بكرهها من كل قلبي والاسباب باينه
التراب والرمل والنيل والحوارات دي في زيها واحسن منها في بلاد كتير واكيد ده مش سبب لحب او كره بلد معينة ،البلد بتتقاس بالناس اللي فيها ومهما حاولت تعيش بمثالية واحترام دمك هيفضل يتحرق الى ما لا نهاية وهتضيع عمرك كله بتحب في سراب من غير ما يكون ليك لازمة في الحياة لان الشعب مش عايز يتغير وبيعتبر وساخته جزء من تراثه اللي الايادي الخارجية بتحاول تجرده منه
لما بتخيل لو كان ابويا فضل في مصر ومسافرش اعارة يقبض فيها 20 ضعف مرتبه هنا (زي دورة حياة الكائن المصري الطبيعي) كان زماني عايش تحت الارض
البلد دي عمر ما كان ليها ولا هيبقى ليها فضل عليا بالعكس هي ضرتني وبتضرني كل يوم من اول الاكل والشرب الملوثين لحد التعليم الزبالة ،احبها ليه !!!

++++++++++++11111111111111111111111111111
Goooool

**ALshahba** · 09-10-2011 02:48 PM

ومع كل ذلك , لو سمعت اي حد بقول كلمة وحشة علي بلدي خارج مصر حديله بالجزمه
ولو سمعته داخل مصر حعل معاه مشكله كبيره
ولو حصل حرب فانا اول المتقدمين للتجنيد

بحاول احافظ علي اخر شويه كويسين جوايا للبلد دي
لكني مازلت زعلااااااااااااااااان منها

**Ghosts** · 09-10-2011 03:42 PM

المشاركة الأصلية كتبت بواسطة alshahba

بحاول احافظ علي اخر شويه كويسين جوايا للبلد دي
لكني مازلت زعلااااااااااااااااان منها

مصريين كتير أوى زعلانين منها ....
و زعلانين على حالها ....

**abou_ruqi** · 09-10-2011 06:24 PM

المشاركة الأصلية كتبت بواسطة alshahba

ومع كل ذلك , لو سمعت اي حد بقول كلمة وحشة علي بلدي خارج مصر حديله بالجزمه
ولو سمعته داخل مصر حعل معاه مشكله كبيره
ولو حصل حرب فانا اول المتقدمين للتجنيد

بحاول احافظ علي اخر شويه كويسين جوايا للبلد دي
لكني مازلت زعلااااااااااااااااان منها

مدي اخر حاجات ليها عندي

**mohd7380** · 09-10-2011 07:05 PM

اكيد مش فخور باني مصري مصر احلى فعلا من السودان و جيبوتي و نيبال و الفلبين و الاشكال دي بس غير كدة ......................

**Ghosts** · 11-10-2011 04:20 PM

تفتكروا يا جماعة مين اللى جاب التانى ورا ....
الشعب ولا الرؤساء ؟

مين اللى ضيع حبنا للبلد بالطريقة دى ؟
أية السر ورا حالة عدم الأنتماء اللى كتيييييييييير من المصريين حاسين بيها ؟

**abou_ruqi** · 11-10-2011 04:21 PM

الانظمة الحاكمة ضيعت الشعب طبعا

**Ghosts** · 11-10-2011 04:44 PM

المشاركة الأصلية كتبت بواسطة abou_ruqi

الانظمة الحاكمة ضيعت الشعب طبعا

يعنى بعد كل السنييييين دى ....
معداش على البلد لا ملك ولا ريس ولا رئيس وزرا نفتكرة بالخير لما تيجى سيرتة ؟

عارفين يا جماعة ....
أنا أبويا الله يرحمة كان بيشكر جدآ فى أيام الملك فاروق ....
وكان دايمآ يقول أن أيامة كانت أحسن من عبد الناصر والسادات و الفاسد المغيب مبارك ....

**shaddadfalcon1** · 11-10-2011 04:52 PM

ان الله لا يغير مابقوم حتي يغيرو مابانفسهم

الشعب هو السبب في كل ده
لو بيحاسب اللي حاكمه مكنش حاجه حصلت
لو كان لما حاجه تغل الكل يثور ويقاطع مكنش كلب فكر يخلي الحاجه ام جنيه ب 10

النظام مبداش ينهار الا لما الناس بدات تفوق من اول موضوع خالد سعيد

الناس كانت سلبيه جدا وكله بيقول لقمة العيش ويلا نفسي وفاكرين ان النظام ده عمره ماهيقع مع انه اتضح انه نظام هش ماخدش اكتر من اسبوعين عشان يقع

فمحدش يعلق فشله علي شماعة غيره لاننا كلنا دلوقتي بنعمل كده وراميين كل حاجه علي الحكومه والنظام