أرجو المساعدة أبحث عن ميكانيكي فورد أمريكي لينكولن 8 سلندر

**saddam** · 06-10-2011 09:37 PM

الأخوة الأعزاء في فورد أطلب المساعدة لو في حد يدلني على ميكانيكي شاطر وذكي وفاهم لعربية لينكولن تاون كار 1989 لسه شاريها من كام يوم وقررت أرجعها زيرو بس رحت لكذا ميكانيكي أمريكاني هم فاهمين بس عايزين يجربوا فيها أنا بدور على حد حافظ العربية دي وإشتغل فيهم كتير عشان يريحني ويكون جميل جدا لو في حد قريب في الهرم أو المقطم

**laxeg** · 06-10-2011 11:06 PM

فى اتنبن مشهوريين جدا فى ميدان عرب المعادى قبل المحكمة
جرب وان شاء الله مش هاتندم وغير كده فى اكتر من واحد فى صقر قريش هتلاقى مجمع ورش كتير ومتخصصين

**aYaBooY** · 07-10-2011 01:25 AM

عندك برده قطب في الضاهر
انا شوفت العربية ديه كذا مرة عنده و شوفته بيعمر واحدة قبل كدة
بس معرفش الموديلات ايه
و برده بشوف عنده التورس الاكسبديشن

**saddam** · 07-10-2011 04:06 AM

المشاركة الأصلية كتبت بواسطة laxeg

فى اتنبن مشهوريين جدا فى ميدان عرب المعادى قبل المحكمة
جرب وان شاء الله مش هاتندم وغير كده فى اكتر من واحد فى صقر قريش هتلاقى مجمع ورش كتير ومتخصصين

جزاك الله كل الخير بس حستنى هنا كمان جايز حد يدلني على حد فاهم وعندو خوف ربنا في أماكن زي الهرم فيصل أكتوبر الشيخ زايد الطريق الدائري أو المقطم المنيل عشان أنا بحب أتابع عربيتي بنفسي ومن الصعوبة على العربية تروح وتيجي للمعادي كل شوية فأرجو من الإخوة الأعضاء يسعفوني بحد محترم وشكرا لحضرتك مرة تانية

**m_magdy_rizk** · 10-10-2011 12:37 PM

على فكرة المقطم و المعادي فاصل بيهم طريق الاوتوستراد بس يعني مش بعيد اللي يخليك تروح المقطم يبقى المعادي مناسبة برضه

**saddam** · 10-10-2011 03:48 PM

المشاركة الأصلية كتبت بواسطة m_magdy_rizk

على فكرة المقطم و المعادي فاصل بيهم طريق الاوتوستراد بس يعني مش بعيد اللي يخليك تروح المقطم يبقى المعادي مناسبة برضه

للأسف حضرتك صعب عليا أروح للمعادي عشان العربية محتاجة متابعة عند الميكانيكي 10 أو 15 مرة وبعدين لو المعادي عند كارفور مثلا معقولة بس المعادي جوه صعب وبعدين المعادي للمقطم فرق كبير وجزاك الله كل خير ووالله يا سيدي في ميكانيكية أمريكاني بس أنا محتاج واحد مهندس وشغال بالكمبيوتر والحساسات مش يقعد يجرب في عربيتي وسلامي