أرجو المساعدة فورد فيستا

**yasminace** · 03-06-2011 07:30 PM

أنا ناوية إن شاء الله أجيب عربية و بفكر في الفورد الفيستا و أحب أعرف من الأعضاء إلي عندهم العربية إيه رأيهم في العربية العفشة و الموتور و التوكيل و أسعار قطاع الغيار ؟؟ أرجوكم أفيدوني
و أرجو الإفادة في موضوع عدم توفر قطاع الغيار لاني كل ما أسأل حد عن الفورد يؤلي لو إحتجتي قطع غيار ممكن تركني العربية 4 أو 5 شهور على ما يجيلك قطع الغيار هل دة كلام مظبوط ولا لأ أنا قولت أسأل الناس إلي مجربة الفورد و عاشت التجارب دي بدل ما أسمع لكلام الناس إلي مجربتش و أندم لم ما أجبش العربية دي لانها عجباني جداً

جزاكم الله كل خير

**aYaBooY** · 03-06-2011 10:10 PM

السؤال على الفيستا الجديدة ولا مستعملة ؟؟

**Cell_k** · 03-06-2011 10:34 PM

العربية دى معايا من 6 شهور ومصرفتش عليها مليم للأمانة..
عربية جميلة وقطع غيارها معتدلة السعر جديد أو إستيراد ومتوفرة أكتر من ال 128 ..
موتورها خشن شوية فى صوته بطبيعة السيارات الأمريكية لكن عمره طويل وعيوبه قليلة واللى يفهم فيه ميكانيكى خاص بالفورد أفضل..
العفشة..من أقوى نظم العفشة بين السيارات المجودة فى مصر وقطع غيار العفشة بالذات رخيصة وعمرها طويل جداً..

من الأفضل موديل فوق ال 1999 وميدفعش فيها أكتر من 30000..

بالتوفيق ،،،

**yasminace** · 04-06-2011 12:23 AM

شكراً جزيلاً على الرد بس أنا إن شاء الله ناوية اجبها جديدة و أرجو التأكيد على توفر قطع الغيار في حالة احتياجي لأي قطعة غيار للسيارة

**aYaBooY** · 04-06-2011 02:14 AM

لو تقصدي الفيستا الجديدة موديل 2011 هيا عربية شكلها كويس و كل اختباراتها كويسة بس مشكلتها ان التسويق ليها في مصر ضعيف جدا و انتشارها ضعيف و بالتالي هايكون الصيانة في التوكيل و التعامل معاهم بس

**yasminace** · 06-06-2011 12:46 AM

هو مفيش حد من الأعضاء معاه فيستا 2011 يقدر يقولي عملة ايه معاه و أخبار التوكيل و تكلفة الصيانة و قطع الغيار احتاجها و كانت موجودة ولا لأ في التوكيل ولا ركن العربية كام شهر على مجاب قطعة الغيار
يا جماعة أنا مقتنعة بالفيستا جداً و ربنا يجازيكو خير و تقدرو تساعدوني على اتخاذ القرار

**yasminace** · 06-06-2011 02:46 AM

"لو تقصدي الفيستا الجديدة موديل 2011 هيا عربية شكلها كويس و كل اختباراتها كويسة بس مشكلتها ان التسويق ليها في مصر ضعيف جدا و انتشارها ضعيف و بالتالي هايكون الصيانة في التوكيل و التعامل معاهم بس"

أنا أقصد الجديدة 2011 و أنا قلقانه من قطاع الغيار فارجوك ساعدني على الإختيار
يعني مثلاً العربية دي بتبتدي تحتاج حاجات إستهلاك غير بتاعة الصيانة امتى؟ هل قطع الغيار موجودة في التوكيل أصلاً ولا لأ ؟
أنا عجباني جداً الفيستا بس قلقانه اتبهدل معاها
ألف شكر و جزاك الله كل خير

**egytamer** · 06-06-2011 10:20 AM

الفيستا ال2001 عربية هايلة وفي باكتر من استطلاع راي في المجلات والبرامج الخاصة بالعربيات بيقولو انها من احسن العربيات الصغيرة في اوربا.
بس يعيبها انها مش منتشرة في مصر كتير فقطع الغيار مش هتكون متوفرة خارج التوكيل كتير ولو انيك اول 5 سنين علي الاقل مش هتحتاجي لقطع غيار غير الفلاتر وحاجات الصيانة ولو حاجات تانية بسيطة .
راي الشخصي لو ينفع تدفعي شوية زيادة وتخليكي في الفوكاس هيبقي افضل بكتير لو الميزانية مش هتسمح خليكي في الفيات جراند بونتو او الايفو العربيتين هايلين.
والله اعلم

**yasminace** · 09-06-2011 02:05 PM

أنا فعلاً اسفة على الإزعاج و الاسئلة الكتيرة بس الواحد مش بيجيب عربية كل يوم :)

ممكن أسأل مين أفضل الفورد فيستا 2011 ولا الهوندا سيتي 2011 أنا عارفة إن دي هاتش باك و التانية سيدان بس الاتنين في نفس السعر و الناس بتقولي طالما هتدفع 129000 هاتي الهوندا سيتي ؟ إيه رأيكم؟؟

**aYaBooY** · 11-06-2011 02:10 AM

لو مكانك هاجيب السيتي فرق الفئة كبير
بس المقارنة مش مظبوطة علشان الفيستا عربية اسبور و السيتي عائلية صغيرة

الموضوع: أرجو المساعدة فورد فيستا

LinkBack

أدوات الموضوع

عرض

-

-

-

-

-

المواضيع المتشابهه

عاجل ارجو المساعدة فى فورد فيستا 95

أرجو المساعدة أبحث عن ميكانيكي فورد أمريكي لينكولن 8 سلندر

فورد فيستا 98 أرجو المساعدة ضرورى

ارجو المساعدة فى فورد فيستا 1998 1300 cc

سؤال في فورد منديو أرجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة